ନିକଟରେ କପୁର ପରିବାର ସ୍ୱର୍ଗତ ଅଭିନେତା ତଥା ନିର୍ମାତା-ନିର୍ଦ୍ଦେଶକ ରାଜ କପୁରଙ୍କ ୧୦୦ ତମ ଜନ୍ମ ବାର୍ଷିକୀକୁ ବଡ଼ ଧୁମଧାମରେ ପାଳନ କରିଛନ୍ତି । ଦଶନ୍ଧି ଧରି ହିନ୍ଦୀ ସିନେମାରେ ଚମତ୍କାର ଅବଦାନ ପାଇଁ ଆଜି ବି ସମସ୍ତଙ୍କ ମନରେ ରାଜ୍ କରୁଛନ୍ତି ରାଜ କପୁର । ଏହି ଅବସରରେ କପୁର ପରିବାରର ସଦସ୍ୟଙ୍କ ସହ ପୁରା ବଲିଉଡ ଦେଖିବାକୁ ମିଳିଥିଲା । ଯେଉଁମାନେ ନିଜର ଦମଦାର ଲୁକ ପାଇଁ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ । କିନ୍ତୁ ଆଲିଆ ଭଟ୍ଟ ତାଙ୍କ ଲୁକ୍ ପାଇଁ ଲାଇମଲାଇଟ୍ ରେ ଅଛନ୍ତି ।
ଏହି ସମୟରେ ଆଲିଆ ଏକ ଧଳା ସାଢ଼ୀରେ ନଜର ଆସିଥିଲେ । ଯାହାର ଅନେକ ଫଟୋ ଏବଂ ଭିଡିଓ ମଧ୍ୟ ଭାଇରାଲ ହେଉଛି । ଅଭିନେତ୍ରୀ ଲାଲ ଏବଂ ନୀଳ ରଙ୍ଗର ଫ୍ଲୋରାଲ୍ ପ୍ରିଣ୍ଟ୍ ଧଳା ସାଢ଼ୀରେ କୌଣସି ଅପସରା ଠାରୁ କମ୍ ଦେଖାଯାଉ ନଥିଲେ । ସେ ନିଜ ଇନଷ୍ଟାଗ୍ରାମରେ ତାଙ୍କ ଲୁକ୍ ର ଦମଦାର ଫଟୋ ମଧ୍ୟ ସେୟାର କରିଛନ୍ତି । ଯେଉଁଥିରେ ସେ ହାତରେ ଧଳା ଗୋଲାପ ଧରି କ୍ୟାମେରା ଆଡକୁ ଯାଉଥିବାର ନଜର ଆସିଛନ୍ତି ଏବଂ ଫ୍ୟାନମାନେ ତାଙ୍କ ଷ୍ଟାଇଲରେ ପାଗଳ ହୋଇ ଯାଇଛନ୍ତି ।
ଫଟୋରେ ଆଲିଆ ଭଟ୍ଟ ଏକ ଧଳା ଫ୍ଲୋରାଲ ପ୍ରିଣ୍ଟ ସାଢ଼ୀରେ ବହୁତ ସୁନ୍ଦର ଦେଖାଯାଉଛନ୍ତି । ସେ ତାଙ୍କ ଲୁକକୁ ମୋତି ହାରରେ ଷ୍ଟାଇଲିସ୍ କରିଛନ୍ତି । ଏହା ସହିତ ସେ ହାଲୁକା ମେକଅପ୍ ସହିତ ଖୋଲା କେଶରେ ବହୁତ ସୁନ୍ଦର ଦେଖାଯାଉଛନ୍ତି । ଆଲିଆ ତାଙ୍କ ଷ୍ଟାଇଲ ସହିତ ପ୍ରାୟତଃ ସମସ୍ତଙ୍କ ଦୃଷ୍ଟି ଆକର୍ଷଣ କରନ୍ତି, କିନ୍ତୁ ତାଙ୍କ ଫ୍ୟାନମାନେ ଏହି ଷ୍ଟାଇଲକୁ ବହୁତ ପସନ୍ଦ କରନ୍ତି ।
ତାଙ୍କ ଦ୍ୱାରା ସେୟାର କରାଯାଇଥିବା ଫଟୋ ଉପରେ ଅନେକ ଲାଇକ୍ ଏବଂ କମେଣ୍ଟ ମଧ୍ୟ ଆସିଛି । ଏହି ଫଟୋ ସେୟାର କରିବା ସମୟରେ ଆଲିଆ ଏକ କ୍ୟାପସନ୍ ମଧ୍ୟ ଯୋଡିଛନ୍ତି । ସେ ଲେଖିଛନ୍ତି, ‘ମୁଡ୍ ମୁଡ୍ କେ ନା ଦେଖ୍’ । ଯାହା ରାଜ କପୁରଙ୍କ ଫିଲ୍ମ ‘ଶ୍ରୀ ୪୨୦’ ର ଏକ ଗୀତ ।