କେବିସିରେ ହଠାତ ନଜର ଆସିଲେ ଅମିତାଭ ଓ ଅଭିଷେକ ବଚ୍ଚନ, ସୋସିଆଲ ମିଡ଼ିଆରେ ଭିଡ଼ିଓ ଭାଇରାଲ

ଅଭିଷେକ ବଚ୍ଚନ ବହୁତ ସମୟ ଧରି ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରହି ଆସିଛନ୍ତି । ଏବେ କିଛି ମାସ ତଳେ ତାଙ୍କ ଧର୍ମପତ୍ନୀ ଐଶ୍ବର୍ଯ୍ୟା ରାୟ ବଚ୍ଚନଙ୍କ ସହ ଛାଡପତ୍ରର ଖବରକୁ ନେଇ ବିଭିନ୍ନ ଗୁଜବ ସାମନାକୁ ଆସିଥିଲା । ଏହାରି ମଧ୍ୟରେ ଆଗକୁ ଆସୁଥିବା ପିଲ୍ମ ଆଇ ୱାଣ୍ଟ ଟୁ ଟକ (ମୁଁ କହିବାକୁ ଚାହୁଁଛି) ଚଳଚ୍ଚିତ୍ର ପ୍ରମୋସନରେ ବ୍ୟସ୍ତ ଅଛନ୍ତି ଅଭିଷେକ । ଏହାରି ମଧ୍ୟରେ ଜୁନିୟର ବଚ୍ଚନ ନିଜ ବାପା ତଥା ଦେଶର ମେଗା ସୁପରଷ୍ଟାର ଭାବେ ପରିଚିତ ଥିବା ଅମିତାଭ ବଚ୍ଚନଙ୍କ ଲୋକପ୍ରିୟ କୁଇଜ ସୋ (କୋନ ବନେଗା କୋରଡପତି)ରେ ୧୬ରାଉଣ୍ଡରେ ପହଞ୍ଚିଥିବା ଦେଖିବାକୁ ମିଳିଛି ।

ଏହି ପ୍ରୋଗ୍ରାମ ଏକ ଘରୋଇ ଚ୍ୟାନେଲରେ ଦେଖିବାକୁ ମିଳିବ । ଏନେଇ ଏକ ପ୍ରମୋ ତିଆରି କରାଯାଇଛି । ଯାହାକି ଖୁବ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି । ଏହି ଭିଡିଓଟିରେ ଅଭିନେତା ଅଭିଷେକ ବଚ୍ଚନ ତାଙ୍କ ବାପା ଅମିତାଭ ବଚ୍ଚନଙ୍କ ସାମନାରେ ହଟ ସିଟରେ ବସିଥିବା ନଜର ଆସିଥିଲେ । ଏବଂ ନିଜ ବାପା ଅମିତାଭଙ୍କ ସହ କଥାବାର୍ତ୍ତା କରୁଥିବାର ଦେଖିବାକୁ ମିଳିଥିଲା । ଅଭିଷେକ ବାପା ଅମିତାଭଙ୍କର ନକଲ କରୁଥିବା ସମୟରେ ୭ କୋଟି ପାଇଁ ବଡ଼ ପାଟିରେ କହିଥାନ୍ତି । ସେହିପରି ଦୃଶ୍ୟ ଦେଖିବାକୁ ମିଳିଥିଲା । ଯେମିତି ଅମିତାଭ କୌଣସି ପ୍ରତିଯୋଗୀଙ୍କ ବିଜୟ ପାଇଁ ଚିତ୍କାର କରିଥିଲେ ।

ଏହାପରେ ଅଭିଷେକ ମଜାଳିଆ ଢଙ୍ଗରେ କହିଥିଲେ କି ତାଙ୍କ ଘରେ ରାତି ଖାଇବା ସମୟରେ ଯିଏ କେହି କୌଣସି ପ୍ରଶ୍ନ ପଚାରିଥାଏ ତ ସେହି ସମୟରେ ପିଲାମାନେ ମଧ୍ୟ ଅମିତାଭଙ୍କ ଭଳି ଢଙ୍ଗରେ ପାଟି କରିଥାନ୍ତି । ବିଗବିଙ୍କୁ ନିଜ ପୋଗ୍ରାମରେ ପୁଅ ଅଭିଷେକଙ୍କୁ ଆମନ୍ତ୍ରଣ କରି ଦୁଃଖ ପ୍ରକାଶ କରିଥିଲେ । ଏହି ପ୍ରମୋକୁ ଦେଖିବା ପରେ ପ୍ରଶଂସକମାନେ ଏହାକୁ ଦେଖିବା ପାଇଁ ଅପେକ୍ଷା କରିଛନ୍ତି । ଅଭିଷେକ ବଚ୍ଚନଙ୍କ ଚଳଚ୍ଚିତ୍ରରେ ନିର୍ଦେଶନା ଦେଇଛନ୍ତି ସୁଜିନ ସରକାର ଓ ରୋନି ଲାହିରି ସୋଲି କୁମାର ଏହାକୁ ପ୍ରଜୋଜନା କରିଛନ୍ତି ।

ଏହି ଚଳଚ୍ଚିତ୍ର ଚଳିତ ବର୍ଷ ୨୨ ନଭେମ୍ବରରେ ମୁକ୍ତିଲାଭ କରିବ । ଚଳଚ୍ଚିତ୍ରରେ ଅଭିଷେକ ବଚ୍ଚନଙ୍କ ସହିତ ପିୟରଲେ ଦେ, ଅହଲା ବରମୁ, ଜୟନ୍ତ କ୍ରିପାଲାନୀ, କ୍ରିଷ୍ଟାନ ଗୋଡାର୍ତ,ଏବଂ ଜନି ଲିବରଙ୍କ ଭଳି କଳାକାର ବଡ଼ ପରଦାରେ ନଜରରେ ଆସୁଛନ୍ତି । ଚଳଚ୍ଚିତ୍ରର କାହାଣୀ ଏକ ବାପା ଓ ଝିଅ ମଧ୍ୟରେ ଥିବା ସମ୍ପର୍କ ବିଷୟରେ ଚିତ୍ରଣ କରାଯାଇଛି । ଅଭିଷେକ ଫିଲ୍ମରେ ଅର୍ଜୁନ ନାମରେ ନଜର ଆସିବେ । ଯିଏକି ନିଜର ବ୍ୟକ୍ତିଗତ କାରଣ ଯୋଗୁଁ ଅସୁବିଧାରେ ପଡି ଏକ ଗମ୍ଭୀର ସ୍ୱାସ୍ଥ୍ୟ ସମସ୍ୟା ର ସମ୍ମୁଖୀନ ହେଇଛନ୍ତି । ପୁଣିଥରେ ଅଭିଷେକଙ୍କୁ ବଡ ପରଦାରେ ଦେଖିବାକୁ ପ୍ରଂଶସକ ମାନେ ଅପେକ୍ଷା କରିଛନ୍ତି ।