କବିତା ଚୋରି କରିଛନ୍ତି କି ଅମିତାଭ୍ ? ଲେଖକ ଦାବି କଲେ ୩୨ ଟଙ୍କା
ସୋସିଆଲ୍ ମିଡିଆରେ ଖୁବ୍ ସକ୍ରିୟ ବିଗ୍ ବି । ଅନେକ ସମୟରେ ଟୁଇଟରରେ ସେ ନିଜ ପୁରୁଣା କବିତା ଏବଂ ଫଟୋ ସେୟାର୍ କରିଥାନ୍ତି । ନିକଟରେ ସେମିତି ଏକ କବିତା ଟୁଇଟରରେ ପୋଷ୍ଟ କରିଥିଲେ ଅମିତାଭ୍ । ଯାହାକୁ ନିଜର ବୋଲି କହି ଜଣେ ଲେଖକ ବିଗ୍ ବିଙ୍କଠାରୁ ୩୨ ଟଙ୍କା ମାଗିଛନ୍ତି ।
ହିନ୍ଦିକୁ ବଖାଣ କରୁଥିବା ଏକ କବିତା ସେୟାର୍ କରିଥିଲେ ଅମିତାଭ୍ । ତେବେ ଏହି ଟୁଇଟ୍ ପରେ ଲେଖକ ପ୍ରବୁଦ୍ଧ ସୌରଭ ଏକ ସ୍କ୍ରିନ୍ ସଟ୍ ସେୟାର୍ କରି କବିତାକୁ ନିଜର ବୋଲି ଦାବି କରିଛନ୍ତି । ଏହା ସହ ଏହି ପୋଷ୍ଟରେ ସେ ବିଗ୍ ବି ଏବଂ କୁମାର ବିଶ୍ବାସଙ୍କୁ ଟ୍ୟାଗ୍ କରି ୩୨ ଟଙ୍କା ମାଗିଛନ୍ତି । ଏବେ ଆପଣ ଭାବୁଥିବେ କୁମାର ବିଶ୍ବାସଙ୍କୁ କାହିଁକି ଟ୍ୟାଗ୍ କଲେ ଏବଂ ୩୨ ଟଙ୍କା କାହିଁକି ମାଗିଲେ ପ୍ରବୁଦ୍ଧ । ତେବେ ଜାଣନ୍ତୁ ପୁରା ଘଟଣା ।
T 3202 – हिन्दी नायाब है
छू लो तो-चरण
अड़ा दो तो-टांग
धँस जाए तो-पैर
आगे बढ़ाना हो तो-क़दम
राह में चिह्न छोड़े तो-पद
प्रभु के हों तो-पाद
बाप की हो तो-लात
गधे की पड़े तो-दुलत्ती
घुंघरू बाँध दो तो-पग
खाने के लिए-टंगड़ी
खेलने के लिए-लंगड़ीअंग्रेजी में सिर्फ़-LEG
प्रणाम Ef~Ns— Amitabh Bachchan (@SrBachchan) June 22, 2019
32 रुपए तो अपने भी बनते हैं गुरु! 😛😛😛😜😜😜@SrBachchan @DrKumarVishwas pic.twitter.com/yBwKYKXPRl
— Prabudha Saurabh (@Prabudhaspeaks) June 23, 2019
ପ୍ରକୃତରେ ୨୦୧୭ରେ ଅମିତାଭଙ୍କ ବାପା ହରିବଂଶ ରାୟବଚ୍ଚନଙ୍କ ଏକ କବିତାରେ ଭିଡିଓ ପ୍ରସ୍ତୁତ କରି ୟୁଟ୍ୟୁବରେ ଅପଲୋଡ୍ କରିଥିଲେ । ଯାହା ପରେ ବିଗ୍ ବି ତାଙ୍କୁ ଲିଗାଲ୍ ନୋଟିସ୍ ପଠାଇଥିଲେ । ଯଦିଓ କୁମାର ବିଶ୍ବାସ ଏହି କବିତା ସେୟାର୍ କରିବା ସମୟରେ ହରିବଂଶଙ୍କୁ କ୍ରେଡିଟ୍ ଦେଇଥିଲେ ତଥାପି ଅମିତାଭ୍ ତାଙ୍କ ବିରୋଧରେ କପିରାଇଟ୍ ନିୟମ ଉଲଂଘନ କରିଥିବାର ଅଭିଯୋଗ ଆଣିଥିଲେ । ଏବଂ ତୁରନ୍ତ ଅଡିଓ / ଭିଡିଓ ଡିଲିଟ୍ କରିବା ସହ ଏହା ମାଧ୍ୟମରେ ଆୟ କରିଥିବା ଟଙ୍କା ମଧ୍ୟ ମାଗିଥିଲେ ।
ଏହାର ଉତ୍ତର ଦେଇ ଅମିତାଭଙ୍କୁ କୁମାର ବିଶ୍ବାସ କହିଥିଲେ, ସମସ୍ତ କବିଙ୍କଠାରୁ ମତେ ପ୍ରଶଂସା ମିଳିଲା କିନ୍ତୁ ଆପଣଙ୍କଠାରୁ ମିଳିଲା ନୋଟିସ୍ । ହରିବଂଶଙ୍କୁ ଶ୍ରଦ୍ଧାଞ୍ଜଳୀ ଏବଂ ଏହା ସହ ଆପଣ ମାଗିବାରୁ ୩୨ ଟଙ୍କା ଦେଉଛି ଯାହା ଏହି ଭିଡିଓରୁ ଆୟ ହୋଇଥିଲା ।