ଭାଇ ସଲମାନ୍ ଖାନ୍ ଗିଫ୍ଟ ଦେଇଥିବା କାରକୁ ବିକ୍ରି କରିବାକୁ ଯାଉଛନ୍ତି ଭଉଣୀ ଅର୍ପିତା ! ଜାଣନ୍ତୁ କେତେ ରହିଛି ଏହାର ମୂଲ୍ୟ
ସଲମାନଙ୍କ ଲାଡଲି ଭଉଣୀ ଅର୍ପିତା ଖାନ୍ ଶର୍ମା ନିଜ କାରକୁ ବିକ୍ରି କରିବାକୁ ଯାଉଛନ୍ତି । ଅର୍ପିତାଙ୍କୁ ଏହି ଲଗଜୁରୀ କାର ତାଙ୍କ ଭାଇ ସମମାନ୍ ଗିଫ୍ଟ କରିଥିଲେ । କିନ୍ତୁ ଏବେ ସେ ଏହି କାରକୁ ବିକ୍ରି କରିବାକୁ ମନ ବଳେଇଛନ୍ତି । BMW 730Ld M-Sport ଏବେ ବିକିବା ପାଇଁ ସେ ପୁରା ରେଡି ଅଛନ୍ତି ।
ଅର୍ପିତା ଏହିBMW 730Ld M-Sport କାର ଲଗଜୁରୀ ମାର୍କେଟ ପ୍ଳେସ୍ Big Boyz Toyz ୱେବ ସାଇଟ୍ ରେ ଲିଷ୍ଟ କରିଛନ୍ତି । ଏହାର ମୂଲ୍ୟ ରହିଛି ୭୫ଲକ୍ଷ ଟଙ୍କା । ୱେସାଇଟ୍ ମୁତାବକ କାର ୧୧,୫୦୦ କିଲୋମିଟର ଚାଲିଛି। କିନ୍ତୁ ସେ ଏହି କାରଟିକୁ କାହିଁକି ବିକ୍ରି କରିବାକୁ ଚାହୁଁଛନ୍ତି ତାହା ଏବେ ଯାଏଁ କୌଣସି ସଠିକ୍ ଖବର ମିଳିପାରିନାହିଁ ।
ସଲମାନ୍ ଖାନ୍ ତାଙ୍କ ଭଉଣୀ ଅର୍ପିତାଙ୍କୁ ଏହି ଲଗଜୁରୀ କାର ପୁଅ ଆହିଲ୍ ର ଜନ୍ମ ପରେ ଦେଇଥିଲେ । ଏହା ୨୦୧୬ ମଡେଲ୍ ର ଅଟେ । ଏହା ୩ବର୍ଷ ପୁରୁଣା ହୋଇଥିଲେ ମଧ୍ୟ ଏହା ବର୍ତ୍ତମାନ ପର୍ଯ୍ୟନ୍ତ ପୁରା ନୂଆ ଭଳି ହିଁ ଦେଖାଯାଉଛି । Big Boyz Toyz ମୁତାବକ ଏହା ସିଙ୍ଗଲ ଓନର କାର ଅଟେ ଏବଂ ରେଜିଷ୍ଟ୍ରେସନ୍ ଡିଟେଲସ୍ ରେ ଜଣାପଡିଛି କି ଏହା ସଲିମ ଖାନଙ୍କ କାର । ଯିଏ ସଲମାନ୍ ଖାନ୍ ଏବଂ ଅର୍ପିତା ଖାନଙ୍କ ପିତା ଅଟନ୍ତି ।
ଏହି କାରଟି ଆରାମଦାୟକ ହେବା ସଙ୍ଗେ ସଙ୍ଗେ ପାୱାରଫୁଲ୍ ମଧ୍ୟ । ଏଥିରେ ୩.୦ ଲିଟର , ଇନ୍-ଲାଇନ୍ ୬-ସିଲିଣ୍ଡର ଡିଜେଲ୍ ଇଞ୍ଜନ୍ ରହିଛି, ଯାହା 265bhp ପାୱାର ଏବଂ 620 Nm torque ଦେଉଛି । ରାତିରେ ଏହା ଭଲ ଲାଇଟ୍ ଦେବା ସହିତ ଏଥିରେ BMWର Revolutionary Laser Headlamps ଦିଆଯାଇଛି, ଯାହା ଲମ୍ବା ରେଞ୍ଜ ବୀମା ପ୍ରଦାନ କରିଥାଏ ।