#MeToo ରେ ସାମିଲ୍ ହେଲେ ଏହି ଅଭିନେତା, ନିଜ ସହ ହୋଇଥିବା ଯୌନ ଶୋଷଣ ନେଇ କଲେ ଚାଂଚଲ୍ୟକର ଖୁଲସା
ବଲିଉଡରେ ଲାଗିଛି #MeToo ନିଆଁ । ଖୋଲୁଛି ଜଣକ ପରେ ଜଣେ ହାଇପ୍ରୋଫାଇଲ୍ ସେଲିବ୍ରିଟିଙ୍କ ଅସଲ ମୁଖା । ତେବେ ବଡ଼ ପରଦାରୁ ଆରମ୍ଭ ହୋଇଥିବା ଏହି ନିଆଁ ଏବେ ଛୋଟ ପରଦାକୁ ପହଂଚିସାରିଲାଣି । ପ୍ରଥମେ ତ ମହିଳାମାନେ ମୁହଁ ଖୋଲୁଥିଲେ । ଏବେ ପୁରୁଷମାନେ ମଧ୍ୟ ଏହି ମୁଭମେଂଟରେ ସାମିଲ୍ ହୋଇସାରିଲେଣି । ଲୋକପ୍ରିୟ ଟେଲିଭିଜନ୍ ଅଭିନେତା ଆୟୁଷ ଆନନ୍ଦ ନିଜ ସହ ହୋଇଥିବା ଯୌନ ଶୋଷଣକୁ ନେଇ କରିଛନ୍ତି ବଡ ଖୁଲାସା ।
ଏହା ସହ ପଢନ୍ତୁ #MeToo : ଆଶା କରୁଛି ଜଲଦି ଅମିତାଭ ବଚ୍ଚନଙ୍କ ଭୟାନକ ସତ ଦୁନିଆର ସାମ୍ନାକୁ ଆସିବ – ସପନା ଭବନାନୀ
ଆୟୁଷ କହିଛନ୍ତି, ଫିଲ୍ମ ଇଣ୍ଡଷ୍ଟ୍ରୀରେ ଆସିବା ଆଗରୁ କାଷ୍ଟିଂ କାଉଚ୍ ବିଷୟରେ କେବଳ ଶୁଣିଥିଲି । ଯେବେ ଦିଲ୍ଲୀରୁ ମୁମ୍ବାଇ ଆସିଲି ଅନେକ ଅଡିସନ୍ ଦେବାକୁ ଗଲି । ମତେ ଲାଗିଥିଲା ଯେଉଁ ସ୍ଥାନକୁ ଯାଉଛି ଅଡିସନ୍ ପାଇଁ ସେଠାରେ ଅଫିସ୍ ଥିବ । କିନ୍ତୁ ଯେତେବେଳେ ସେଠାରେ ପହଂଚିଲି ଦେଖିଲି ଅଫିସ୍ ନୁହେଁ ଥିଲା ଦୁଇଟି ଛୋଟ ଛୋଟ ରୁମ୍ ।
ଏହା ପରେ ଆଗକୁ ଆୟୁଷ କହିଛନ୍ତି , ପ୍ରଥମେ ସେମାନେ କାମକୁ ନେଇ କଥା ହେଲେ । କିନ୍ତୁ ଏହା ପରେ ସେମାନେ କହିଥିଲେ ଆପଣ କାଷ୍ଟିଂ ଡାଇରେକ୍ଟର ସହ ରିଲେସନ୍ ରଖିପାରନ୍ତି । ତେଣିକି ସେ ପୁଅ ହୁଅନ୍ତୁ ବା ଝିଅ । ଏହା ଶୁଣି ତୁରନ୍ତ ମୁଁ ମନା କରିଦେଲି ଏବଂ କହିଲି ଏଠିକୁ ମୁଁ କାମ କରିବାକୁ ଆସିଛି । ଏହା ପରେ ସେମାନେ ସେକ୍ସୁଆଲ୍ ଫେବର୍ ବିଷୟରେ କହିଲେ । କହିଥିଲେ ଯଦି ଏପରି ନକରିବ ତେବେ ମୁମ୍ବାଇରେ କାମ ପାଇଁ ସାରାଜୀବନ ବୁଲିବ । କିନ୍ତୁ କେବେ କାମ ମିଳିବନି । ତୁମ କ୍ୟାରିୟର୍ ସବୁଦିନ ପାଇଁ ଶେଷ ହୋଇଯିବ ।
ଏହା ସହ ପଢନ୍ତୁ ଦିବ୍ୟଙ୍କାଙ୍କ ଗୋଟିଏ ସେଲଫି ଭାଙ୍ଗିଲା ସୋସିଆଲ୍ ମିଡିଆର ସବୁ ରେକର୍ଡ, ହେଲେ କାହିଁକି ?
ଆୟୁଷ ଅନେକ ଟିଭି ଧାରାବାହିକରେ କାମ କରିଛନ୍ତି । ଯେଉଁଥିରେ ହିଟ୍ ରହିଛି ତୁ ସୁରଜ୍ ମେଁ ସାଞ୍ଜ ପିୟାଜି ଧାରାବାହିକ । ଏଥରେ ନକରାତ୍ମକ ଭୂମିକାରେ ନଜର ଆସିଥିଲେ ଆୟୁଷ । ଯାହାକୁ ଦର୍ଶକ ଖୁବ୍ ପସନ୍ଦ କରିଥିଲେ ।
ଏବେ ଭୂଷଣ କୁମାରଙ୍କ ବିରୋଧରେ ଆସିଛି ଯୌନ ଶୋଷଣ ଅଭିଯୋଗ । ଏହା ପୂର୍ବରୁ ବଲିଉଡ୍ର ଫିଲ୍ମ ପ୍ରଯୋଜକ ଓ ନିର୍ଦ୍ଦେଶକ ସୁବାସ ଘାଇଙ୍କ ନାଁରେ ଆସିଥିଲା ସାଂଘାତିକ ଅଭିଯୋଗ । ଏନେଇ ଜଣେ ମହିଳା ଟ୍ଵିଟ୍ କରି ସୁବାସ ଘାଇଙ୍କ ନାଁରେ ଆଣିଛନ୍ତି ଦୁଷ୍କର୍ମ ଅଭିଯୋଗ । ତେବେ ସେ ତାଙ୍କ ନାଁ ଗୋପନ ରଖିଛନ୍ତି ।
ଅଭିଯୋଗ ଆଣିଛନ୍ତି, ସୁବାସ ଘାଇ ପାନୀୟରେ ନିଶା ମିଶାଇ ତାଙ୍କ ସହ ଦୁଷ୍କର୍ମ କରିଥିଲେ । ମହିଳା ଜଣଙ୍କ ଯେତେବେଳେ ସୁବାସ ଘାଇଙ୍କ ସହ ଗୋଟିଏ ଫିଲ୍ମରେ କାମ କରୁଥିଲେ ସେତେବେଳେ ତାଙ୍କ ସହ ଏଭଳି ଘଟଣା ଘଟିଥିଲା । ସେପଟେ ଅଭିଯୋଗକୁ ସୁବାସ ଘାଇ ଖଣ୍ଡନ କରିଛନ୍ତି । ସେ କହିଛନ୍ତି, ଜଣାଶୁଣା ଲୋକଙ୍କ ଛବି ଖରାପ କରିବା ଏବେ ଏକ ଫ୍ୟାସନ୍ ହୋଇଛି ।
ସେହିପରି ଅନୁ ମଲ୍ଲିକଙ୍କ ବିରୋଧରେ ଅଭିଯୋଗ ଆଣିଛନ୍ତି ସୋନା ମହାପାତ୍ର। ଟୁଇଟ କରି ଅନୁ ମଲ୍ଲିକଙ୍କୁ ଜଣେ ଅଭ୍ୟାସଗତ ଅପରାଧି କହିଛନ୍ତି ସୋନା। କୈଲାଶଙ୍କ ପରି ଅନୁ ମଧ୍ୟ ଜଣେ ଅପରାଧୀ ବୋଲି ଟୁଇଟରେ କହିଛନ୍ତି ସୋନା । ଏହା ପୂର୍ବରୂ ସେ କୈଳାସ ଖେରଙ୍କ ବିରୋଧରେ ଅସଦାଚରଣ ଅଭିଯୋଗ କରିଥିଲେ । ସୋନା ମହାପାତ୍ର ଟ୍ଵିଟ୍ କରି କରିଥିଲେ , ମୁମ୍ବାଇର ପୃଥ୍ଵୀ କାଫେରେ କୈଳାସ ଖେର ତାଙ୍କ ସହ ଅସଦାଚରଣ କରିଥିଲେ ।
ଏକ କନସର୍ଟ ନେଇ କଥା ହେବା ବେଳେ କୈଳାସ ଖେର ତାଙ୍କ ଦେହରେ ହାତ ମାରିଥିଲେ । ସେ ବହୁତ ସୁନ୍ଦର ବୋଲି କହିଥିବା ସୋନା ମହାପାତ୍ର ଅଭିଯୋଗ କରିଛନ୍ତି । ତେବେ ଏହି ଘଟଣା କେତେ ଦିନ ତଳର, ସେନେଇ କିଛି ସ୍ପଷ୍ଟ ହୋଇନି । ସେହିପରି କୈଳାସ ଖେରଙ୍କ ବିରୋଧରେ ଅନ୍ୟ ଦୁଇ ଜଣ ମହିଳା ମଧ୍ୟ ଅଭିଯୋଗ କରିଛନ୍ତି । ଜଣେ ଫଟୋ ଜର୍ଣ୍ଣାଲିଷ୍ଟ ତାଙ୍କ ବିରୋଧରେ ଅଭିଯୋଗ କରିଛନ୍ତି । ସେ କୈଳାସ ଖେରଙ୍କ ଘରକୁ ଇଣ୍ଟରଭ୍ୟୁ ପାଇଁ ଯାଇଥିବା ବେଳେ ଅସଦାଚରଣ ପାଇଁ ଉଦ୍ୟମ କରିଥିବା ଅଭିଯୋଗ କରିଛନ୍ତି ।
I finally decided to share my story with you. Writing this was like re-living all that horrible past I’d chosen to let go of, but I knew if I don’t today, I may never. So here’s #metoo #MetooIndia https://t.co/brouTYIBC7
— Saloni Chopra (@redheadchopra) October 11, 2018
ସେହିପରି #Me Too ମୁଭମେଣ୍ଟରେ ସାଜିଦ ଖାନ୍ଙ୍କ ନାଁରେ ବି ଆସିଛି ସଙ୍ଗୀନ ମାମଲା । ଜଣେ ମହିଳା ସାମ୍ବାଦିକାଙ୍କ ସହ ୩ଜଣ ସାଜିଦଙ୍କ ବିରୋଧରେ ଆଣିଛନ୍ତି ଯୌନ ନିର୍ଯାତନାର ଅଭିଯୋଗ। ମଡେଲ ତଥା ଆକ୍ଟ୍ରେସ ସଲୋନୀ ଚୌପ୍ରା ଅଭିଯୋଗ କରିଛନ୍ତି, ୨୦୧୧ମସିହାରେ ସେ ଆସିଷ୍ଟାଣ୍ଟ ଡାଇରେକ୍ଟର ଭାବେ କାମ କରୁଥିଲା ବେଳେ, ସାଜିଦ ତାଙ୍କୁ ମାନସିକ ଏବଂ ଯୌନ ନିର୍ଯାତନା ଦେଉଥିଲେ। ମଧ୍ୟରାତ୍ରିରେ ଫୋନ କରିବା ସହ ବିକିନ ପିନ୍ଧା ଫଟୋ ପଠାଇବାକୁ ତାଙ୍କୁ ସାଜିଦ ଖାଁ ବାଧ୍ୟ କରୁଥିଲେ ବୋଲି ସଲୋନି ଚୋପ୍ରା ଅଭିଯୋଗ କରିଛନ୍ତି ।
ସେହିପରି ଫାଷ୍ଟ ପୋଷ୍ଟ ପାଇଁ ଲେଖୁଥିବା ମହିଳା ସାମ୍ବାଦିକା କରିଷ୍ମା ଉପାଧ୍ୟୟ ଅଭିଯୋଗ କରିଛନ୍ତି, ସାଜିଦ ଖାଁ ଜଣେ ଲମ୍ପଟ। ଇଣ୍ଟରଭିୟ୍ୟୁ ଦେବାକୁ ଡାକି ତାଙ୍କୁ ସାଜିଦ ଜୋର ଜବରଦସ୍ତ କିସ୍ କରିଥିଲେ। ତେବେ ସାଜିଦ ଖାନଙ୍କ ବିରୋଧରେ ଏହି ଅଭିଯୋଗ ଆସିବା ପରେ ହାଉସଫୁଲ୍ ୪ ମୁଭି ଉଛାଡିଛନ୍ତି ଅକ୍ଷୟ କୁମାର । ଏହା ଉପରେ କୌଣସି ପ୍ରତିକ୍ରିୟା ରଖି ନାହାନ୍ତି ।
ମହିଳା ସଶକ୍ତୀକରଣକୁ ନେଇ ନିର୍ମିତ ସିନେମା କୁଇନ୍ର ନିର୍ଦ୍ଦେଶକ ବିକାଶ ବହଲ। ସେ ମଧ୍ୟ #Me Too ମୁଭମେଣ୍ଟର ଚକ୍ରବ୍ୟୂହ ଭିତରେ । ଫାଣ୍ଟମ ପ୍ରଡକ୍ସନ ହାଉସରେ କାମ କରୁଥିବା ଜଣେ ମହିଳା କର୍ମଚାରୀ, ତାଙ୍କ ବିରୋଧରେ ଅସଦାଚରଣ ଅଭିଯୋଗ ଆଣିଛନ୍ତି । ସଂପୃକ୍ତଙ୍କ ମହିଳାଙ୍କ କଥାକୁ ସମର୍ଥନ କରିଛନ୍ତି, କୁଇନର ତାରକା କଙ୍ଗନା ରଣାୱତ । ଫାଣ୍ଟମ ପ୍ରଡକ୍ସନ ହାଉସର ସହ ପ୍ରତିଷ୍ଠାତା ହେଉଛନ୍ତି, ଅନୁରାଗ କାଶ୍ୟପ, ବିକ୍ରମାଦିତ୍ୟ ମୋଟୱାନୀ, ମଧୁ ମନ୍ତୋନ ଓ ବିକାଶ ବହଲ । ଏହି ଅଭିଯୋଗ ପରେ ତୁରନ୍ତ ଦୁଃଖ ପ୍ରକାଶ କରି ଫାଣ୍ଟମ ପ୍ରଡକ୍ସନ ହାଉସ ବନ୍ଦ କଥା କହିଛନ୍ତି ଅନୁରାଗ କାଶ୍ୟପ ।
ଗୌତମ ଅଧିକାରୀଙ୍କ ନାଁରେ ଅଭିଯୋଗ
ସେହିପରି ଜଣେ ମହିଳା ସାମ୍ବାଦିକ, ଟାଇମ୍ସ ଅଫ ଇଣ୍ଡିଆରେ ପୂର୍ବତନ ଏକ୍ଜିକ୍ୟୁଟିଭ୍ ଏଡିଟର ତଥା ଡିଏନ୍ଏରେ ପୂର୍ବତନ ଏଡିଟର ଇନ୍ ଚିଫ ଗୌତମ ଅଧିକାରୀଙ୍କ ନାଁରେ ଅଭିଯୋଗ ଆଣିଛନ୍ତି । ଏ ପ୍ରସଙ୍ଗରେ ଅଧିକାରୀ କିନ୍ତୁ କୌଣସି ପ୍ରତିକ୍ରିୟା ରଖିନାହାଁନ୍ତି । ଧିରେଧିରେ ହୋଇ ମହିଳା ମୁହଁ ଖୋଲି, ହାଇ ଆଣ୍ଡ ପାୱରଫୁଲ୍ ବ୍ୟକ୍ତିଙ୍କୁ କାଠଗଡ଼ାରେ ଠିଆ କରାଉଛନ୍ତି। ହଲିଉଡ୍ରେ ଗତ ବର୍ଷ ଆରମ୍ଭ ହୋଇଥିଲା #Me Too ମୁଭମେଣ୍ଟ। ଏହା ସାରା ବିଶ୍ୱକୁ ବ୍ୟାପିଛି । ଏବେ ଭାରତରେ ମଧ୍ୟ ମହିଳା, ନିଜସ୍ୱ #Me Too ମୂହୁର୍ତ୍ତ ସୃଷ୍ଟି କରିଛନ୍ତି। ପୁରୁଷ ପ୍ରାଧାନ୍ୟ ସମାଜ ସହ ମୁକାବିଲା କରିବାକୁ ନିଜକୁ ପ୍ରସ୍ତୁତ କରିଛନ୍ତି।
ପଦ ହରାଇଲେ ହିନ୍ଦୁସ୍ତାନ ଟାଇମ୍ସର ବ୍ୟୁରୋ ଚିଫ୍ ତଥା ପଲିଟିକାଲ୍ ଏଡିଟର ପ୍ରଶାନ୍ତ ଝା
#Me Too ଅଭିଯାନ ପରେ ମହିଳା ଅସଦାଚରଣ ନେଇ ଅନେକ ଘଟଣା ସାମ୍ନାକୁ ଆସୁଛି । ଅସଦାଚରଣ ଅଭିଯୋଗରେ ପଦ ହରାଇଛନ୍ତି ହିନ୍ଦୁସ୍ତାନ ଟାଇମ୍ସର ବ୍ୟୁରୋ ଚିଫ୍ ତଥା ପଲିଟିକାଲ୍ ଏଡିଟର ପ୍ରଶାନ୍ତ ଝା । ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି । ଏବେ ପ୍ରଶାନ୍ତ ଝା ଜଣେ ରିପୋର୍ଟର ଭାବରେ କାମ କରିବେ । ଜଣେ ପୂର୍ବତନ କର୍ମଚାରୀଙ୍କୁ ସେ ଅସଦାଚରଣ କରିଥିବା ଅଭିଯୋଗ ହୋଇଛି । ଆଇନଜୀବୀ ଅବନ୍ତିକା ମେହେଟ୍ଟାଙ୍କୁ ହ୍ଵାଟ୍ସଆପ୍ରେ ଅଶାଳୀନ ମେସେଜ୍ ବି କରିଥିଲେ ପ୍ରଶାନ୍ତ ଝା । #Me Too କ୍ୟାମ୍ପେନ୍ରେ ତନୁଶ୍ରୀ ମୁହଁ ଖୋଲିବା ପରେ ପ୍ରଶାନ୍ତଙ୍କ ସମ୍ପର୍କରେ ଖୁଲାସା କରିଥିଲେ ଅବନ୍ତିକା । ପ୍ରଶାନ୍ତ ପଠାଇଥିବା ଆପତ୍ତିଜନକ ମେସେଜକୁ ସେ ପୋଷ୍ଟ କରିଥିଲେ । ଏହାପରେ ପ୍ରଶାନ୍ତଙ୍କ ବିରୋଧରେ ଆଗକୁ ଆସିଥିଲେ ଜଣେ ପୂର୍ବତନ କର୍ମଚାରୀ । ଶେଷରେ ସେ ହିନ୍ଦୁସ୍ତାନ ଟାଇମ୍ସର ପଲିଟିକାଲ୍ ଏଡିଟର ଓ ଚିଫ୍ ବ୍ୟୁରୋ ପଦରୁ ବିଦା ହୋଇଛନ୍ତି ପ୍ରଶାନ୍ତ ଝା ।
ସେପଟେ #Me Too ମୁଭମେଣ୍ଟ ଉପରେ ପ୍ରତିକ୍ରିୟା ରଖିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି । ସମାଜରେ ମହିଳାମାନଙ୍କୁ ଉଚିତ ସମ୍ମାନ ମିଳିବା ଦରକାର ବୋଲି କହିଛନ୍ତି ରାହୁଲ ଗାନ୍ଧି ।