ସୁପରଷ୍ଟାର ସିଙ୍ଗର ୩ ର ବିଜେତା ହେଲେ ଅଥର୍ବ ଓ ଅବିର୍ଭବ, ଟ୍ରଫି ସହିତ ମିଳିଳା ୧୦ ଲକ୍ଷ ଟଙ୍କା
ସୁପରଷ୍ଟାର ସିଙ୍ଗର ଇତିହାସରେ ପ୍ରଥମ ଥର ପାଇଁ ଦୁଇ ପ୍ରତିଯୋଗୀଙ୍କ ମଧ୍ୟରେ ଏକ ଟାଇ ଦେଖିବାକୁ ମିଳିଛି । ଝଡଖଣ୍ଡର ଅଥର୍ବ ବକ୍ସି ଏବଂ କେରଳର ଅବିର୍ଭବ ଏହି ସୋ’ର ବିଜେତା ହୋଇଛନ୍ତି । ଏହାର ଅର୍ଥ ହେଉଛି ସୁପରଷ୍ଟାର ସିଙ୍ଗର ସିଜନ ୩ ଦୁଇଟି ବିଜେତା ପାଇଛି । ସୋନି ଟିଭି ଦ୍ୱାରା ଉଭୟ ଅଥର୍ବ ଏବଂ ଅବିର୍ଭବଙ୍କୁ ଦୁଇଟି ଟ୍ରଫି ପ୍ରଦାନ କରାଯିବା ସହ ପୁରସ୍କାର ରାଶି ମଧ୍ୟ ସେମାନଙ୍କ ମଧ୍ୟରେ ଅଧା ଅଧା ବାଣ୍ଟି ଯାଇଛି । ତେବେ ପ୍ରଥମ ଥର ପାଇଁ ଏପରି ହୋଇଛି ଯେ ଏକା ସହିତ ଦୁଇ ଜଣ ବିଜେତା ହୋଇଛନ୍ତି ।
ତେବେ ସୋ’ର ଆରମ୍ଭରେ ସୁପରଷ୍ଟାର ସିଙ୍ଗର ୩ ର ବିଜେତାଙ୍କୁ ୨୦ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯିବ ବୋଲି ନିର୍ମାତାମାନେ ଘୋଷଣା କରିଥିଲେ । କିନ୍ତୁ ଦୁଇ ବିଜେତା ହେତୁ ବର୍ତ୍ତମାନ ଅଥର୍ବଙ୍କୁ ୧୦ ଲକ୍ଷ ଟଙ୍କା ଏବଂ ଅବିର୍ଭବଙ୍କୁ ୧୦ ଲକ୍ଷ ଟଙ୍କା ଦିଆଯାଇଛି ।
ରିଅଲିଟି ସୋ’ରେ ସୁପରଷ୍ଟାର ସିଙ୍ଗର ବିଜେତା ହୋଇଥିବା ଅଥର୍ବ ଏବଂ ଅବିର୍ଭବଙ୍କ ଯାତ୍ରା ଶେଷ ହୋଇଛି । କିନ୍ତୁ ଖୁବ୍ ଶୀଘ୍ର ସେ ଏକ ଗୀତ ଗାଇବା ପାଇଁ ଏକ ଇଣ୍ଟରନେସ୍ନାଲ ଟୁର୍ କରିବାକୁ ଯାଉଛନ୍ତି । ତେବେ ସୁପରିଷ୍ଟାର ସିଙ୍ଗର ୩ ର ବିଜେତାଙ୍କ ସହିତ ଏହି ସୋର କିଛି ଫାଇନାଲିଷ୍ଟ ମଧ୍ୟ ଏହି କନସର୍ଟରେ ଭାଗ ନେବେ । ଏହା ବ୍ୟତୀତ କନସର୍ଟ ପାଇଁ ବିଦେଶ ଯାଉଥିବା ସମସ୍ତ ଗାୟକଙ୍କୁ ସୋନି ମ୍ୟୁଜିକ୍ ଠାରୁ ଅଲଗା ଅର୍ଥ ମଧ୍ୟ ଦିଆଯିବ ।
ସୁପରଷ୍ଟାର ସିଙ୍ଗର ୩ ସୋ ଜିତିବା ପାରେ ଅଥର୍ବ ଏବଂ ଅବିର୍ଭବ କହିଛନ୍ତି ଯେ ସମସ୍ତ ଏପିସୋଡ୍ ସେମାନଙ୍କ ପାଇଁ ସ୍ୱତନ୍ତ୍ର ଏବଂ ଏହି ସୋ’ରେ ଯୋଗ ଦେଇଥିବା ସମସ୍ତ ସେଲିବ୍ରିଟି ଅତିଥି ସେମାନଙ୍କୁ ବହୁତ ଉତ୍ସାହିତ କରିଥିଲେ । କିନ୍ତୁ ବିଦ୍ୟା ବାଲନଙ୍କ ସହ ସୁଟିଂ ହୋଇଥିବା ଏପିସୋଡ ତାଙ୍କ ପାଇଁ ଅତ୍ୟନ୍ତ ସ୍ୱତନ୍ତ୍ର ଥିଲା । ଅଥର୍ବ କହିଛନ୍ତି ଯେ ଯେତେବେଳେ ସେ ବିଦ୍ୟା ବାଲନଙ୍କ ସାମ୍ନାରେ ନିଜର ଅଭିନୟ ଦେଇଥିଲେ, ସେତେବେଳେ ବଲିଉଡର ଏହି ପ୍ରସିଦ୍ଧ ଅଭିନେତ୍ରୀ ତାଙ୍କୁ ଆଉ ଥରେ ଗାଇାବ ପାଇଁ କହିଥିଲେ । ଏହା ସହ ସୋ’ର ସମସ୍ତ ଏପିସୋଡ୍ରେ ଆସିଥିବା ଅତିଥିମାନେ ତାଙ୍କ ସମସ୍ତଙ୍କୁ ବହୁତ ଭଲ ପାଇବା ଦେଇଥିବାରୁ ସେ ବହୁତ ଖୁସି ମଧ୍ୟ ହୋଇଥିଲେ ।
