ଜୁନ୍ ମାସରେ ଆରମ୍ଭ ହେବ ବିଗ୍ ବସ୍ ଓଟିଟି ୩, ସାମ୍ନାକୁ ଆସିଲା ସଲମାନଙ୍କର ଦମଦାର ପ୍ରୋମୋ

‘ବିଗ୍ ବସ୍ ଓଟିଟି’ ର ନୂଆ ସିଜନ୍‌କୁ ଅପେକ୍ଷା କରୁଥିବା ଲୋକଙ୍କ ପାଇଁ ଏକ ଖୁସି ଖବର ରହିଛି । ଶେଷରେ ‘ବିଗ୍ ବସ୍ ଓଟିଟି ୩’ ସମ୍ବନ୍ଧରେ ଏକ ନୂଆ ଖବର ସାମ୍ନାକୁ ଆସିଛି । ତେବେ ଏହି ସୋ ର ଅପ୍‌କମିଂ ସିଜନର ପ୍ରଥମ ପ୍ରୋମୋ ରିଲିଜ୍ ହୋଇଛି, ଯାହା ଆପଣଙ୍କ ଉତ୍ସାହକୁ ଆହୁରି ବଢାଇବାକୁ ଯାଉଛି । ଏହା ସହ ‘ବିଗ୍ ବସ୍ ଓଟିଟି’ ପ୍ରଥମ ଥର ପାଇଁ ୨୦୨୧ରେ ଆରମ୍ଭ ହୋଇଥିଲା, ଯେଉଁଥିରେ ଦିବ୍ୟା ଅଗ୍ରୱାଲ ବିଜେତା ହୋଇଥିଲେ । ଏହା ପରେ ୟୁଟ୍ୟୁବର୍ ଏଲଭିଶ୍ ଯାଦବ ରିୟଲିଟି ସୋର ଦ୍ୱିତୀୟ ସିଜନ୍ ଜିତିଥିଲେ । ତେବେ ସୋ ର ହୋଷ୍ଟ ସଲମାନ ଖାନଙ୍କ ବିଷୟରେ ଏକ ନୂଆ ଅପଡେଟ୍ ମଧ୍ୟ ଆସିଛି ।

ଜୁନ୍ ମାସରେ ଜିଓ ସିନେମାରେ ‘ବିଗ୍ ବସ୍ ଓଟିଟି ୩’ ଲଞ୍ଚ ହେବ । ଜିଓ ସିନେମା ଆସନ୍ତା ଜୁନ୍ ୨୨ ରେ ‘ବିଗ୍ ବସ୍ ଓଟିଟି ୩’ ର ଅପ୍‌କମିଂ ସିଜନ୍ ଘୋଷଣା କରିଛି । ତେବେ ପ୍ରମୋରେ ‘ବିଗ୍ ବସ୍’ର ଶେଷ ସିଜନ୍‌ର ଝଲକ ସେୟାର କରାଯାଇଛି । ଏହା ସହିତ ଆପଣ ବହୁତ ଖୁସି ହେବେ ବୋଲି ଜାଣି ଏକ ଘୋଷଣା ମଧ୍ୟ କରାଯାଇଛି । ଏହି ପ୍ରୋମୋରେ ଶୁଣାଯାଏ ଯେ ‘ବିଗ୍ ବସ୍ ଓଟିଟି ୩ ର ନୂଆ ସିଜନ୍ ଦେଖିବା ପରେ ଆପଣ ସବୁକିଛି ଭୁଲିଯିବ ।

ଟିଭିର ବହୁ ବିବାଦୀୟ ସୋ ‘ବିଗ୍ ବସ୍ ଓଟିଟି’ ର ପ୍ରଥମ ସିଜନ୍ କରନ ଜୋହରଙ୍କ ଦ୍ୱାରା ଆୟୋଜିତ ହୋଇଥିଲା । ଏହା ପରେ ସଲମାନ ଖାନ ଦ୍ୱିତୀୟ ସିଜନରେ ତାଙ୍କ ସ୍ଥାନ ନେଇଥିଲେ । ବର୍ତ୍ତମାନ ସୂଚନା ଅନୁଯାୟୀ ଅନିଲ କପୁର ସୋର ତୃତୀୟ ସିଜିନ ହୋଷ୍ଟ କରିବାକୁ ଚର୍ଚ୍ଚାରେ ଥିଲେ । ଆସନ୍ତୁ ଆପଣଙ୍କୁ ଜଣାଇବା ଏହି ସୋ ’ପୂର୍ବରୁ ମେରୁ ଆରମ୍ଭ ହେବାର ଥିଲା କିନ୍ତୁ ଏବେ ଜୁନ୍‌ରୁ ଆରମ୍ଭ ହେବ । ‘ବିଗ୍ ବସ୍ ଓଟିଟି ୩’ ର ହୋଷ୍ଟ ଏବଂ ପ୍ରତିଯୋଗୀମାନଙ୍କ ବିଷୟରେ କୌଣସି ସୂଚନା ପ୍ରକାଶ କରାଯାଇ ନାହିଁ । ତେବେ ‘ବିଗ୍ ବସ୍ ଓଟିଟି ୩’ ର ନୂଆ ପ୍ରୋମୋ ଦେଖିବା ପରେ ଆପଣ ବାକି ଦୁଇଟି ସିଜନକୁ ଭୁଲିଯିବେ ।

ବିଗ୍ ବସ୍ ର ପ୍ରତ୍ୟେକ ସିଜନ କଲର୍ସ ଚ୍ୟାନେଲରେ ଟେଲିକାଷ୍ଟ ହୋଇଥାଏ, କିନ୍ତୁ ଜିଓ ସିନେମାରେ ଓଟିଟି ସିଜନ୍‌ ଫ୍ରିରେ ଦେଖିବାକୁ ମିଳିଥିଲା । ତେବେ ‘ବିଗ୍ ବସ୍ ଓଟିଟି ର ଉଭୟ ସିଜିନ୍‌ ମଧ୍ୟ ଜିଓ ସିନେମାରେ ଦେଖିବାକୁ ମିଳିଥିଲା । କିନ୍ତୁ ଏଥର ଆପଣଙ୍କୁ ‘ବିଗ୍ ବସ୍ ଓଟିଟି ୩ ଦେଖିବା ପାଇଁ ଟଙ୍କା ଖର୍ଚ୍ଚ କରିବାକୁ ପଡିବ । ଜିଓ ସିନେମାରେ ଏକ ମାସର ସବସ୍କ୍ରିପସନ୍ ହେଉଛି ୨୯ ଟଙ୍କା, ଯାହା ପରେ ଆପଣ ଜିଓ ସିନେମାରେ ଏହି ସୋ ଦେଖିପାରିବେ ।