ଅଭିନେତା ଅମୀର ଖାନଙ୍କ ନାମରେ ଥାନାରେ ମାମଲା ରୁଜୁ କଲେ ବିଜେପି ବିଧାୟକ, ଆଣିଲେ ଏଭଳି ଆରୋପ
ବଲିଉଡ ଅଭିନେତା ଅମୀର ଖାନ ଆଜିକାଲି ତାଙ୍କ ଫିଲ୍ମ ‘ଲାଲ ସିଂ ଚଢା’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମର କିଛି ଦୃଶ୍ୟ ସେ ଉତ୍ତରପ୍ରଦେଶର ଗାଜିଆବାଦରେ ସୁଟିଂ କରୁଥିଲେ ଯାହାକୁ ନେଇ ଏବେ ବିବାଦ ଦେଖାଦେଇଛି ।
ସୂଚନା ଅନୁଯାୟୀ ଲୋନିର ବିଜେପି ବିଧାୟକ ନନ୍ଦ କିଶୋର ଗୁରୁଜାର ଅମୀରଙ୍କ ଉପରେ କୋଭିଡ ନିୟମ ଭାଙ୍ଗିଥିବା ଅଭିଯୋଗ କରିଛନ୍ତି । ବିଧାୟକ ଅମୀରଙ୍କ ବିରୋଧରେ ପୋଲିସରେ ଅଭିଯୋଗ ଆଣିଛନ୍ତି । ସୂଚନା ଅନୁଯାୟୀ ଅମୀର ଖାନ ଗାଜିଆବାଦରେ ଥିବା ଶୁଣିବା ପରେ ତାଙ୍କ ପ୍ରଶଂସକମାନେ ବହୁତ ଉତ୍ସାହିତ ହୋଇଥିଲେ । ଫ୍ୟାନମାନେ ଅମୀରଙ୍କୁ ଭେଟିବା ପାଇଁ ସେମାନଙ୍କର ଶୁଟ୍ ସ୍ଥାନରେ ପହଞ୍ଚିଥିଲେ । ଅମୀର ମଧ୍ୟ ତାଙ୍କୁ ଭେଟିଥିଲେ, କିନ୍ତୁ ଏହି ସମୟ ମଧ୍ୟରେ ଅମୀର ଏକ ଭୁଲ କରିଥିଲେ । ନା ଅମୀର ମାସ୍କ ପିନ୍ଧିଥିଲେ ନା ତାଙ୍କ ପ୍ରଶଂସକମାନେ । ବର୍ତ୍ତମାନ ବିଜେପି ବିଧାୟକମାନେ ଏହାକୁ କୋଭିଡ ପ୍ରୋଟୋକଲର ଉଲ୍ଲଂଘନ ବୋଲି ଦେଖୁଛନ୍ତି । ଯଦିଓ ବର୍ତ୍ତମାନ ସୁଦ୍ଧା ଅମୀରଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ।
ସୂଚନା ଅନୁଯାୟୀ କିଛି ଦିନ ପୂର୍ବରୁ ସୁଟିଂ ସମୟରେ ଅମୀର ଖାନ ଆହତ ହୋଇଥିଲେ, କିନ୍ତୁ ସେ ଏହି କାରଣରୁ ସୁଟିଂ ବନ୍ଦ କରିନଥିଲେ। ସେ ପେନକିଲର ନେବା ସହିତ ସୁଟିଂ ଜାରି ରଖିଥିଲେ । ଫିଲ୍ମ ବିଷୟରେ କହିବାକୁ ଗଲେ ଅମୀର ଖାନ କରୀନା କପୁରଙ୍କ ସହ ପୁଣି କାମ କରୁଛନ୍ତି। ଅମୀରଙ୍କ ଲୁକକୁ ନେଇ ଅନେକ କଳ୍ପନାଜଳ୍ପନା ମଧ୍ୟ କରାଯାଉଛି। ତାଙ୍କୁ ଫିଲ୍ମରେ ଏକ ଭିନ୍ନ ରୂପରେ ଦେଖିବାକୁ ମିଳିବ। ଆସନ୍ତା ବର୍ଷ ଖ୍ରୀଷ୍ଟମାସରେ ଲାଲ ସିଂ ଚଢା ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରଟି ହଲିଉଡ ଫିଲ୍ମ ‘ଫରେଷ୍ଟ ଗମ୍ପ’ର ଏକ ହିନ୍ଦୀ ରିମେକ୍ ।
