ଆମେରିକାର ସାନ ଫ୍ରାନ୍ସିସ୍କୋରେ ପ୍ରସିଦ୍ଧ ତବଲା ବାଦକ ଉସ୍ତାଦ୍ ଜାକିର ହୁସେନଙ୍କ ଦେହାନ୍ତ ହୋଇଛି । ହାର୍ଟ ଜନିତ ସମସ୍ୟା ହେତୁ ୭୩ ବର୍ଷୀୟ ଏହି ତବଲା ବାଦକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଜାକିର ପାଖାପାଖି ୨ ସପ୍ତାହ ଧରି ହସ୍ପିଟାଲରେ ଥିଲେ । କିନ୍ତୁ ରବିବାର ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ବିଗିଡ଼ି ଯିବାରୁ ତାଙ୍କୁ ଆଇସିୟୁରେ ରଖାଯାଇଥିଲା ।
ଜାକିର ହୁସେନ୍ଙ୍କ ଦେହାନ୍ତ ଖବର ସାରା ଦେଶକୁ ସ୍ତବ୍ଧ କରିଦେଇଛି । ତାଙ୍କ ଦେହାନ୍ତରେ ବଲିଉଡ୍ ତାରକାମାନେ ମଧ୍ୟ ଗଭୀର ଦୁଃଖ ପ୍ରକାଶ କରିଛନ୍ତି । ଅମିତାଭ ବଚ୍ଚନଙ୍କଠାରୁ ଆରମ୍ଭ କରି କରୀନା କପୁରଙ୍କ ଯାଏ ବି-ଟାଉନର ଅନେକ ତାରକା ଜାକିରଙ୍କ ନିଧନରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
ଅମିତାଭ ବଚ୍ଚନ ‘X’ରେ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି, ‘ବହୁତ ଦୁଃଖଦ ଦିନ…’ । ଏହିପରି କରୀନା କପୁର ଖାନ ଇନଷ୍ଟାଗ୍ରାମରେ ଜାକିର ହୁସେନ୍ଙ୍କ ଏକ ଫଟୋ ସେୟାର କରିଛନ୍ତି । ଏଥିରେ ସେ, ତାଙ୍କ ବାପା ତଥା ଭେଟେରାନ ଅଭିନେତା ରଣଧୀର କପୁରଙ୍କ ସହ ଜାକିର ହୁସେନ୍ ନଜର ଆସିଛନ୍ତି । ଏହି ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି, ‘ସର୍ବଦା ଜଣେ ଉସ୍ତାଦ’ । ମଲାଇକା ଆରୋରା ମଧ୍ୟ ଉସ୍ତାଦଙ୍କ ଏକ ଫଟୋ ସେୟାର କରି ଲେଖିଛନ୍ତି, ‘ରେଷ୍ଟ୍ ଇନ୍ ପିସ୍ ଲିଜେଣ୍ଡ୍’ ।
ବଲିଉଡ୍ ଷ୍ଟାର ଅକ୍ଷୟ କୁମାର ଜାକିର ହୁସେନଙ୍କ ଦେହାନ୍ତରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ସେ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଲେଖିଛନ୍ତି, ‘ଉସ୍ତାଦ୍ ଜାକିର ହୁସେନ ସାବଙ୍କ ଦେହାନ୍ତ ଖବର ଶୁଣି ମୁଁ ଅତ୍ୟନ୍ତ ଦୁଃଖିତ । ସେ ଆମ ଦେଶର ସଙ୍ଗୀତ ଐତିହ୍ୟ ପାଇଁ ଏକ ଭଣ୍ଡାର ଥିଲେ । ଓମ୍ ଶାନ୍ତି’ ।
ରଣବୀର ସିଂ ମଧ୍ୟ ଏକ ପୁରୁଣା ବ୍ଲାକ୍ ଆଣ୍ଡ ହ୍ୱାଇଟ୍ ଫଟୋ ସେୟାର କରିଛନ୍ତି । ଏଥିରେ ଜାକିର ହୁସେନ ତବଲା ବଜାଉଥିବାର ନଜର ଆସୁଛନ୍ତି । ରଣବୀର ହାତ ଯୋଡ଼ିଥିବାର ଇମୋଜି ମଧ୍ୟ ପୋଷ୍ଟ କରିଛନ୍ତି । ଏହିପରି ଅନୁପମ ଖେର୍, ଭୂମି ପେଡନେକର, ଦିୟା ମିର୍ଜା, ଶ୍ବେତା ତିୱାରୀଙ୍କ ଭଳି କଳାକାରମାନେ ମଧ୍ୟ ନିଜ ସୋସିଆଲ ମିଡିଆ ପ୍ଲାଟଫର୍ମରେ ଜାକିର ହୁସେନଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି ।
T 5224 – .. a very sad day ..😥
— Amitabh Bachchan (@SrBachchan) December 15, 2024
Very pained to know about the sad demise of Ustad Zakir Hussain Saab. He was truly a treasure for our country’s musical heritage. Om Shanti 🙏 pic.twitter.com/a5TWDMymfZ
— Akshay Kumar (@akshaykumar) December 16, 2024
दिल ना जाने कब तक उदास रहने वाला है! आवाज़ ना जाने कब तक खामोश रहने वाली है!! अलविदा मेरे दोस्त।इस दुनिया से गए हो! यादों में सदियों तक रहने वाले हो! तुम भी… तुम्हारा हुनर भी… और तुम्हारी दिल की गहराइयों तक छू जाने वाली बच्चों जैसी मुस्कुराहट भी!!💔💔💔#ZakirHussain #Tabla… pic.twitter.com/QtNgwSUVuD
— Anupam Kher (@AnupamPKher) December 15, 2024