ବିଭିନ୍ନ ସୋସିଆଲ ମିଡିଆରେ ଏବେ ପରାଗ ଅଗ୍ରୱାଲଙ୍କୁ ନେଇ ଚର୍ଚ୍ଚା ଜୋର ଧରିଛି । ଟ୍ୱିଟରର ପୂର୍ବ ସିଇଓ ଜ୍ୟାକ ଡୋରସି ଇଷ୍ଠଫା ପତ୍ର ଦେବା ପରେ ଭାରତୀୟ ବଂଶୋଦ୍ଭବ ପରାଗ ଅଗ୍ରୱାଲଙ୍କୁ ଟ୍ୱିଟରର ନୂଆ ସିଇଓ ଭାବରେ ଘୋଷଣା କରାଯାଇଛି । ଆଉ ଏହି ଖବର ପ୍ରସାରଣ ହେବା ପରେ ଦେଶ ତଥା ବିଦେଶର ବିଭିନ୍ନ ସ୍ଥାନରୁ ପରାଗଙ୍କ ପାଇଁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ଆଉ ଏଭିତରେ ପ୍ରସିଦ୍ଧ ଗାୟିକା ଶ୍ରେୟା ଘୋସାଲବି ପରାଗଙ୍କୁ ଅଭିନନ୍ଦନ ଜଣାଇଛନ୍ତି । କହିରଖୁଛୁକି ପରାଗ ହେଉଛନ୍ତି ଶ୍ରେୟାଙ୍କର ପିଲା ଦିନର ସାଙ୍ଗ । ଶୁଭେଚ୍ଛା ବାର୍ତ୍ତାରେ ଶ୍ରେୟା କହିଛନ୍ତିକି ସେ ତାଙ୍କ ସାଙ୍ଗଙ୍କୁ ନେଇ ଖୁବ ଗର୍ବ ଅନୁଭବ କରନ୍ତି । ନିଜ ଟ୍ୱିଟର ଆକାଉଣ୍ଟରେ ଶ୍ରେୟା ଲେଖିଛନ୍ତିକି, ତମକୁ ଅନେକ ଅନେକ ଶୁଭେଚ୍ଛା ପରାଗ । ଏହା ଆମ ପାଇଁ ଖୁବ ବଡ ଦିନ । ତମର ଏହି ଖବରକୁ ନେଇ ମୁଁ ଏବେ ଖୁସି ପାଳନ କରୁଛି । ଟ୍ୱିଟରର ନୂଆ ସିଇଓ ଭାବରେ ତାଙ୍କ ନାଁ ସାମ୍ନାକୁ ଆସିବା ପରେ ପରାଗ ଓ ଶ୍ରେୟାକୁ ନେଇ ଏକ ପୁରୁଣା ଟ୍ୱିଟ ଖୁବ ଭାଇରାଲ ହେବାରେ ଲାଗିଛି ।
Congrats @paraga So proud of you!! Big day for us, celebrating this news♥️♥️♥️ https://t.co/PxRBGQ29q4
— Shreya Ghoshal (@shreyaghoshal) November 29, 2021
ପ୍ରକୃତରେ ବଲିଉଡର ପ୍ଲେ ବ୍ୟାକ ସିଙ୍ଗର ଶ୍ରେୟା ଓ ଟ୍ୱିଟରର ନୂଆ ସିଇଓ ପରାଗଙ୍କ ଭିତରେ ଥିବା ସମ୍ପର୍କ ଖୋଜୁ ଖୋଜୁ ୟୁଜର୍ସ ମାନେ ୨୦୧୦ ମସିହାର ସେମାନଙ୍କ ଏକ ଟ୍ୱିଟକୁ ଖୋଜି ବାହାର କରିଛନ୍ତି । ଏହି ଟ୍ୱିଟରେ ଶ୍ରେୟା ଫ୍ୟାନ୍ସ ମାନଙ୍କୁ ତାଙ୍କ ସାଙ୍ଗ ପରାଗକୁ ଫଲୋ କରିବା ପାଇଁ ନିବେଦନ କରିଛନ୍ତି । ଏହି ପୁରୁଣା ଟ୍ୱିଟରେ ଲେଖାଯାଇଥିବା ନଜର ଆସିଛିକି, ହେ ଅଲ । ମୋତେ ପିଲା ଦିନର ଆଉ ଏକ ସାଙ୍ଗ ମିଳିଗଲା । ଯିଏକି ଖୁବ ଖାଦ୍ୟ ପ୍ରିୟ ଆଉ ବୁଲିବାକୁ ଖୁବ ପସନ୍ଦ କରେ । ଦୟା କରି ପରାଗ ଅଗ୍ରୱାଲଙ୍କୁ ଫଲୋ କରନ୍ତୁ । କାଲି ତାଙ୍କର ଜନ୍ମଦିନ ଥିଲା । ତାଙ୍କୁ ଶୁଭକାମନା ଦିଅନ୍ତୁ । ଆଉ ଏହାର ଜବାବରେ ପରାଗ ଲେଖିଥିଲେକି, “ଆଈଲା । ଆପଣ ତ ଖୁବ ପ୍ରଭାବଶାଳୀ । ଅନେକ ଫଲୋଅର୍ଶ ଓ ଟ୍ୱିଟର ମେସେଜ ଗୁଡିକର ସୁଅ ଛୁଟିବାରେ ଲାଗିଛି । ଏଥିରେ ଏକ ଫଟୋ ପୋଷ୍ଟ କରାଯାଇଥିବା ବେଳେ ଏଥିରେ ସିଲଦଇତ୍ୟ ଓ ବିନିତାଙ୍କର ଏକ ଫଟୋ ମଧ୍ୟ ପୋଷ୍ଟ ହୋଇଛି ।”