ସାମ୍ନାକୁ ଆସିଲା ଫିଲ୍ମ ‘କଙ୍ଗୁଭା’ ଏବଂ ଜିଗ୍ରାର ରିଲିଜ୍ ଡେଟ୍, ଦେଖିବାକୁ ମିଳିବ ଅଭିନେତାଙ୍କ ଦମ୍ଦାର ଲୁକ୍
ଷ୍ଟୁଡିଓ ଗ୍ରୀନ୍ ବ୍ୟାନରରେ ଆସୁଥିବା ସୂର୍ଯ୍ୟଙ୍କ ଅଭିନୀତ ବହୁ ପ୍ରତୀକ୍ଷିତ ଫିଲ୍ମ ‘କଙ୍ଗୁଭା’ ସବୁଠୁ ବଡ ସିନେମା ହେବାକୁ ଯାଉଛି, ଯାହାକୁ ନେଇ ସମସ୍ତ ଦର୍ଶକ ଉତ୍ସାହର ସହିତ ଅପେକ୍ଷା କରିଛନ୍ତି । ଗୋଟିଏ ପଟେ ଦମ୍ଦାର ଟିଜର ଏହାର ବିଶାଳ ତଥା ରୋମାଞ୍ଚକର ଦୁନିଆର ଝଲକ ଦେଇଥିବା ବେଳେ ଅନ୍ୟ ପଟେ ଏହା ସୁପରଷ୍ଟାର ସୂର୍ଯ୍ୟ ଜଣେ ଶକ୍ତିଶାଳୀ ଯୋଦ୍ଧା ଭାବରେ ଏବଂ ବବି ଦେଓଲଙ୍କୁ ଭିଲେନ୍ ଭାବରେ ଦେଖିବାକୁ ମିଳିବ । ତେବେ ଫିଲ୍ମ ଦେଖିବା ପାଇଁ ଦର୍ଶକମାନେ ଉତ୍ସାହିତ ସହ ଅପେକ୍ଷା କରିଛନ୍ତି । ଯାହା ଖୁବ୍ ଚର୍ଚ୍ଚାର ବିଷୟ ପାଲଟିଛି । ବର୍ତ୍ତମାନ ନିର୍ମାତାମାନେ ଫିଲ୍ମର ରିଲିଜ୍ ଡେଟ୍ ଘୋଷଣା କରିଛନ୍ତି ।
ନୂଆ ପୋଷ୍ଟର ସହିତ ଫିଲ୍ମ ‘କାଙ୍ଗୁଭା’ର ନିର୍ମାତାମାନେ ରିଲିଜ୍ ଡେଟ୍ ବିଷୟରେ ଏକ ରୋମାଞ୍ଚକର ଘୋଷଣା କରିଛନ୍ତି । ଏହି ଫିଲ୍ମ ଅକ୍ଟୋବର ୧୦ରେ ରିଲିଜ ହେବାକୁ ଯାଉଛି । ନୂଆ ପୋଷ୍ଟର ସେୟାର କରିବାବେଳେ ନିର୍ମାତାମାନେ କ୍ୟାପସନ୍ ଲେଖିଥିଲେ, ‘ଯୋଦ୍ଧା ରାଜାଙ୍କୁ ସ୍ୱାଗତ କରିବାକୁ ନିଜକୁ ପ୍ରସ୍ତୁତ କର । ଫିଲ୍ମ କଙ୍ଗୁଭା ଅକ୍ଟୋବର ୧୦ରେ ଆପଣଙ୍କ ହୃଦୟ ଏବଂ ପରଦାକୁ ରାଜ୍ କରିବାକୁ ଯାଉଛି, ଅକ୍ଟୋବର ୧୦ ରୁ କଙ୍ଗୁଭା । କିନ୍ତୁ ବର୍ତ୍ତମାନ ‘କଙ୍ଗୁଭା’ ସହିତ ଆଲିଆ ଭଟ୍ଟଙ୍କ ଫିଲ୍ମ ଜିଗ୍ରା ଆସିବାକୁ ଯାଉଛି । ଏହାର ଅର୍ଥ ଅକ୍ଟୋବର ୧୧ରେ ଆଲିଆ ଭଟ୍ଟୀଙ୍କ ଫିଲ୍ମ ଜିଗ୍ରା ସହିତ ‘ କଙ୍ଗୁଭା’ ରିଲିଜ୍ ହେବାକୁ ଯାଉଛି । ଯାହାକୁ ନେଇ ଫ୍ୟାନ୍ସ ମଧ୍ୟ ଖୁବ୍ ଉତ୍ସାହିତ ଅଛନ୍ତି ।
ତେବେ ଶିବ ଫିଲ୍ମର ଲେଖା ଏବଂ ନିର୍ଦ୍ଦେଶନା ଦେଇଛନ୍ତି । ଏହି ଫିଳ୍ମରେ ସୂର୍ଯ୍ୟ, ବବି ଦେଓଲ, ଜଗପତି ବାବୁ ଏବଂ ଦିଶା ପାଟାନି ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମର ଗୀତ ରକଷ୍ଟାର ଦେବୀ ଶ୍ରୀ ପ୍ରସାଦ ଏବଂ ସିନେମାଟୋଗ୍ରାଫି ଭେଟ୍ରି ପଲାନିସାମି ସ୍ୱର ଦେଇଛନ୍ତି । ଏହି ଫିଲ୍ମଟି ଅତୀତ ଏବଂ ବର୍ତ୍ତମାନର ଦୁଇଟି ଭିନ୍ନ ସମୟର କାହାଣୀ କହିବ, ତେଣୁ ଏହା ରିୟଲ ସ୍ଥାନରେ ସୁଟିଂ କରାଯାଇଛି । ଏହି ଫିଲ୍ମଟି ଗୋଆ, ୟୁରୋପ ଏବଂ ଶ୍ରୀଲଙ୍କା ଭଳି ସୁନ୍ଦର ସ୍ଥାନରେ ସୁଟିଂ କରାଯାଇଛି । ବିଶେଷକରି ଆକ୍ସନ୍ ସିନ୍ ୬୦ ଦିନ ସୁଟ୍ ହୋଇଛି । ଫିଲ୍ମର ପୁରା ଷ୍ଟୋରି ଦୁଇଟି ଟାଇମ୍ଲାଇନ୍ ମଧ୍ୟରେ ଚାଲିବ ଏବଂ ୧୦୦୦ ବର୍ଷ କଭର୍ କରିବାକୁ ଚେଷ୍ଟା କରାଯାଇଛି ।
ଜିଗ୍ରା ବିଷୟରେ କହିବାକୁ ଗଳେ ବେଦଙ୍ଗ ରାଇନା ଏହି ଫିଲ୍ମରେ ଆଲିଆ ଭଟ୍ଟଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ଏହି ଫିଲ୍ମଟି କରଣ ଜୋହରଙ୍କ ପ୍ରଡକ୍ସନ୍ ହାଉସ୍ ନିର୍ମାଣ କରାଯାଉଛି । ତେବେ ଏହା ଏକ ନିର୍ମାତା ଭାବରେ ଆଲିଆଙ୍କ ଡେବ୍ୟୁ ଫିଲ୍ମ ହେବାକୁ ଯାଉଛି । ଏହି ଫିଲ୍ମରେ ଭାଇ ଓ ଭଉଣୀଙ୍କର ଏକ ଭିନ୍ନ କାହାଣୀ ଦେଖିବାକୁ ମିଳିବ । ଆଲିଆ ବଡ଼ ଭଉଣୀ ଭୂମିକାରେ ଅଭିନୟ କରୁଛନ୍ତି ଏବଂ ବେଦଙ୍ଗ ତାଙ୍କ ସାନଭାଇ ଭୂମିକାରେ ଅଭିନୟ କରୁଛନ୍ତି । ଏବେ ଦେଖିବାରେ ଅଛି ଏହି ଫିଲ୍ମଟି ଦର୍ଶକଙ୍କୁ କେତେ ପସନ୍ଦ ଆସୁଛି ।