ମହାକାଶରେ ହେଲା ଫିଲ୍ମ ଶୁଟିଂ, ଶୁଟିଂ ସାରି ଫେରିଲେ ଫିଲ୍ମ ନିର୍ମାତାକାରୀ ଦଳ
ନୂଆଦିଲ୍ଳୀ : ବଲିଉଡ଼୍ ହେଉ ବା ହଲିଉଡ଼୍,ଫିଲ୍ମ ସୁଟିଂ ପାଇଁ ବିଭିନ୍ନ ଦେଶକୁ ଫିଲ୍ମ ନିର୍ମାତା ଦଳ ଯାଉଥିବା କଥା ଆପଣ ଶୁଣିଥିବେ । ହେଲେ ଏବେ ଫିଲ୍ମ ଶୁଟିଂ ପାଇଁ ମହାକାଶକୁ ଯାଇଥିଲେ ଏକ ଫିଲ୍ମ ନିର୍ମାତା ଦଳ । ଅବଶ୍ୟ ଶୁଟିଂ ସାରି ସେମାନେ ନିରାପଦରେ ପୃଥିବୀ ପୃଷ୍ଟକୁ ଫେରି ଆସିଛନ୍ତି । ଏଡି ଚଳଚ୍ଚିତ୍ରଟି ଥିଲା ଋଷୀୟ ।
ଋଷୀୟ ଚଳଚ୍ଚିତ୍ରର ଶୁଟିଂ ସାରି ପୃଥିବୀକୁ ଫେରିଛନ୍ତି କ୍ରିଉ ମେମ୍ବର । ଏହି ଫିଲ୍ମର ଶୁଟିଂ ପାଇଁ କର୍ମଚାରୀମାନେ ୧୨ ଦିନ ମହାକାଶରେ ବିତାଇଥିଲେ । ମହାକାଶରେ ଶୁଟିଂ ହୋଇଥିବା ଏହା ହେଉଛି ପ୍ରଥମ ଚଳଚ୍ଚିତ୍ର । ଯାହାର କାହାଣୀର କିଛି ଅଂଶ ଆଇଏସ୍ଏସ୍ରେ ଶୁଟିଂ କରାଯାଇଛି ।
ଷ୍ଟାର ୱାର, ଷ୍ଟାର ଟ୍ରେକ୍, ସାଇନ୍ସ ଫିକସନ ସିନେମା ର ମହାକାଶ ଇଫେକ୍ଟ ପୃଥିବୀ ପୃଷ୍ଠରେ ତିଆରି ହେଉଥିଲା । ଏବେ କିନ୍ତୁ ସ୍ପେସରେ ସୁଟିଂ ହୋଇଛି ଏହି ଇଫେକ୍ଟର ଫିଲ୍ମ। ଆନ୍ତର୍ଜାତିକ ସ୍ପେସ ଷ୍ଟେସନରେ ସୁଟିଂ ସାରି ଫେରିଛନ୍ତି ଋଷ ମହାକାଶଚାରୀଙ୍କ ସହ ଋଷ ସିନେ ନିର୍ମାତା। ଅଭିନେତ୍ରୀ ୟୁଲିଆ ପେରେସିଲ୍ଡ ଓ ପ୍ରଯୋଜକ କ୍ଲିମ୍ ସିପେଙ୍କୋ ସୁଟିଂ ସାରି ପୃଥିବୀରେ ଲ୍ୟାଣ୍ଡ କରିଛନ୍ତି।
କଜକାସ୍ଥାନ ରେ ଅବତରଣ କରିଛି ସ୍ପେସ୍କ୍ରାଫ୍ଟ। ସୋୟୁଜ୍ MS18 ସ୍ପେସ୍ କ୍ରାଫ୍ଟ ଜରିଆରେ ଫେରିଛନ୍ତି ସିନେମା ନିର୍ମାତାକାରୀ ଦଳ। କସ୍ମୋନଟ୍ ଓଲେଗ୍ ନୋଭିଟ୍କସୀ ସେମାନଙ୍କୁ ଧରି ଫେରିଥିଲେ।
ଦ ଚ୍ୟାଲେଞ୍ଜ ଫିଲ୍ମର ସୁଟିଂ ପାଇଁ ଚଳିତ ମାସ ଦୁଇ ଜଣ ଇଣ୍ଟରନ୍ୟାସନାଲ ସ୍ପେସ ଷ୍ଟେସନକୁ ଯାଇଥିଲେ। ଫିଲ୍ମର କାହାଣୀ କଣ ଓ ବଜେଟ୍ କେତେ ତାହା ଗୁପ୍ତ ରଖାଯାଇଛି। ଯଦି ଏହି ପ୍ରୋଜେକ୍ଟ ସଫଳ ହୁଏ ତେବେ ମହାକାଶରେ ସୁଟିଂ ପାଇଁ ଯୋଜନା କରୁଥିବା ହଲିଉଡ୍କୁ ମଧ୍ୟ ଟପିଯିବ ଋଷ।
ମିସନ ଇମ୍ପସିବଲ ଫିଲ୍ମ ପାଇଁ ମହାକାଶରେ ସୁଟିଂ ଲାଗି ଟମ୍ କ୍ରୁଜ୍ ନାସା ଓ ଏଲୋନ ମସ୍କଙ୍କ ସ୍ପେସ ଏକ୍ସ ସହ ଚୁକ୍ତି କରିଛନ୍ତି। ଫିଲ୍ମ ସୁଟିଂ ସହଜ ନଥିଲା। ଅକ୍ଟୋବର ୫ରେ ଆଇଏସ୍ଏସ୍ରେ ପହଞ୍ଚିବା ସମୟରେ ଡକିଂ ସିଷ୍ଟମ ଫେଲ୍ ହୋଇଥିଲା।