ସାମ୍ନାକୁ ଆସିଲା ଦୀପିକା ପାଦୁକୋନଙ୍କ ଡେଲିଭରୀ ତାରିଖ, ରଣବୀର କପୁରଙ୍କ ସହିତ ଖାସ୍ ସଂଯୋଗ
ଖବୁଶୀଘ୍ର ମା’ ହେବେ ଦୀପିକା ପାଦୁକୋନ । ଆଉ ଗତ କିଛିଦିନ ହେଲାଣି ଦୀପିକାଙ୍କ ଗର୍ଭଧାରଣକୁ ନେଇ ଅନେକ ଚର୍ଚ୍ଚା ମଧ୍ୟ ଚାଲିଛି । ଦୀପିକା ଏବଂ ରଣବୀର ଫେବୃଆରୀ ୨୦୨୪ରେ ଦୀପିକା ଗର୍ଭବତୀ ଥିବା ଖବର ଘୋଷଣା କରିଥିଲେ । ଏଥିପାଇଁ ତାଙ୍କ ଫ୍ୟାନ୍ସ ଦୀର୍ଘଦିନରୁ ଚାହିଁ ରହିଛନ୍ତି । ଏହାରି ମଧ୍ୟରେ ଦୀପିକା ପାଦୁକୋନଙ୍କ ଡେଲିଭରୀ ତାରିଖ ସାମ୍ନାକୁ ଆସିଛି ।
ନିକଟରେ ଭାଇରଲ ଭୟାନୀ ଦୀପିକା ପାଦୁକୋନଙ୍କ ଡେଲିଭରୀ ତାରିଖକୁ ନେଇ ଏକ ପୋଷ୍ଟ କରିଛି, ଏଥିରେ ଦୀପିକା ୨୮ ସେପ୍ଟେମ୍ବରରେ ମାଆ ହୋଇପାରନ୍ତି ବୋଲି କୁହାଯାଇଛି । ତେବେ ଏହି ଖବରକୁ ନେଇ ରଣବୀର-ଦୀପିକାଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । ଦୀପିକାଙ୍କ ଡେଲିଭରୀ ତାରିଖ ଏବଂ ରଣବୀର କପୁରଙ୍କ ଜନ୍ମ ତାରିଖ ମଧ୍ୟରେ ଖାସ୍ କନେକ୍ସନ ରହିଛି ।
ସେପ୍ଟେମ୍ବର୨୮ ତାରିଖରେ ରଣବୀର କପୁରଙ୍କ ଜନ୍ମଦିନ ପାଳନ କରନ୍ତି । ତେଣୁ ଦୀପିକାଙ୍କ ଡେଲିଭରୀ ତାରିଖ ନେଇ ଅନେକ ଚର୍ଚ୍ଚା ଚାଲିଛି । ଏହାକୁ ନେଇ ୟୁଜର୍ସ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି । ରଣବୀର କପୁର ଦୀପିକାଙ୍କ ପୂର୍ବତନ ପ୍ରେମିକ ରହିସାରିଛନ୍ତି । ଅନ୍ୟପଟେ ଦୀପିକା ନିଜ କାମରେ ବ୍ୟସ୍ତ ରହିଛନ୍ତି । ଦୀପିକା ନିଜ ପରିବାର ସହିତ ଆଉଟିଂ ତ ଆଉ କେବେ ଲଞ୍ଚ କରିବାକୁ ଯାଉଛନ୍ତି । ଆଉ କେବେ ବୁଲୁଥିବାର ନଜର ଆସିଛନ୍ତି । ଦୀପିକା ଡେଲିଭରୀ ପରେ ନୂଆ ଘରକୁ ଯାଇପାରନ୍ତି ବୋଲି ଚର୍ଚ୍ଚା ମଧ୍ୟ ଚାଲିଛି ।
ସୂଚନାଯୋଗ୍ୟ, ପୂର୍ବରୁ ଦୀପିକାଙ୍କ ଗର୍ଭବତୀ ଖବର ନେଇ ଅନେକ ଚର୍ଚ୍ଚା ହୋଇଥିଲା । ସୋସିଆଲ ମିଡିଆରେ ଦୀପିକା ପୋଷ୍ଟ କରିବା ପରେ ଲୋକ ମିଛ ବୋଲି କହିଥିଲେ । ବେବି ବମ୍ପ ସହିତ ତାଙ୍କୁ ଟ୍ରଲ ମଧ୍ୟ କରାଯାଇଥିଲା ।
