ରାମାନନ୍ଦ ସାଗରଙ୍କ ‘ରାମାୟଣ’ରେ ସୀତା ଭୂମିକାରେ ଅଭିନୟ କରିଥିଲେ ଦୀପିକା ଚିଖଲିୟା ଏବଂ ତାଙ୍କ ଚରିତ୍ର ମଧ୍ୟ ବହୁତ ସ୍ମରଣୀୟ ଥିଲା । ଲକଡାଉନ୍ ସମୟରେ ଦୂରଦର୍ଶନରେ ‘ରାମାୟଣ’ ପ୍ରସାରିତ ହୋଇଥିଲା ଏବଂ ଏହା ଜବରଦସ୍ତ ପ୍ରତିକ୍ରିୟା ମଧ୍ୟ ପାଇଥିଲା । ତେବେ ରାମାୟଣ ସହିତ ଜଡିତ ଅଭିନେତାମାନେ ବର୍ତ୍ତମାନ ସୋସିଆଲ ମିଡିଆରେ ବହୁତ ଆକ୍ଟିଭ ରହୁଛନ୍ତି ଏବଂ ସେମାନଙ୍କର ସ୍ମୃତି ସେୟାର କରୁଛନ୍ତି । ‘ରାମାୟଣ’ର ସୀତା ଭୂମିକାରେ ଅଭିନୟ କରିଥିବା ଦୀପିକା ଚିଖଲିଆ ଏବେ ସୁଟିଂ ସମୟରେ ଘଟିଥିବା ଏକ ମଜାଦାର ଘଟଣା ସେୟାର କରିଛନ୍ତି । ଦୀପିକା ଚିଖାଲିଆ ଏହାକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ତାହେଲେ ଆସନ୍ତୁ ଜାଣିବା କଣ ସେହି ଘଟଣା ।
‘ରାମାୟଣ’ର ସୀତା ବା ଦୀପିକା ଚିଖଲିଆ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରି ଲେଖିଛନ୍ତି,’ ଏହି ସିନ ପଛରେ ଏକ କାହାଣୀ ଅଛି । ଯାହା ମୁଁ ଆପଣଙ୍କୁ କହିବାକୁ ଯାଉଛି । ଆମେ ସମସ୍ତେ ଶୁଟିଂରେ ବ୍ୟସ୍ତ ଥିଲୁ ଏବଂ ନିଜର ଡାଇଲଗ ଗୁଡିକ ମାନେ ପକାଉଥିଲୁ । ଏହି ଦିନଟି ଅନ୍ୟ ଦିନ ପରି ସ୍ୱାଭାବିକ ଥିଲା । ସିନ ଶେଷ ହେବାପରେ କ୍ୟାମେରାମ୍ୟାନ ଅଜିତ ନାୟକ ଆମ ତିନିଜଣଙ୍କ ନିକଟକୁ ଆସି କହିଥିଲେ ଯେ ଏହି ସ୍ଥାନକୁ ଶୀଘ୍ର ଖାଲି କର ଏବଂ ଗଛ ତଳେ ଠିଆ ହୁଅନାହିଁ । ଆମେ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲୁ ଏବଂ କାହିଁକି ସେ ଏପରି କହୁଛନ୍ତି ତାହା ଭାବିବା ସମୟରେ ସେ ଟେକ୍ନିସିଆନମାନଙ୍କୁ ମଧ୍ୟ ଶୀଘ୍ର ସ୍ଥାନ ଖାଲି କରିବାକୁ କହିଥିଲେ । ସାଗର ସାହେବ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ ଯେ କଣ ହେଉଛି । ତା’ପରେ ସେ ଇସାରା ଦେଇଥିଲେ ଯେ ଗଛ ଉପରେ ଏକ ବିରାଟ ସାପ ଝୁଲୁଛି ଆଉ ତାପରେ ସଙ୍ଗେ ସଙ୍ଗେ ଆମେ ସେଠାରୁ ଦୌଡ଼ିଥିଲୁ ।