କମେଡିଆନ ଭାରତୀ ସିଂହ ଓ ତାଙ୍କ ସ୍ୱାମୀ ହର୍ଷ ଲିମ୍ବାଚିଆ ଡ୍ରଗ୍ସ ଲିଙ୍କ କେସରେ କିଛି ଦିନ ତଳେ ଏନସିବି ଦ୍ୱାରା ଗିରଫ ହୋଇଥିଲେ । ଜେଲରେ କିଛି ଦିନ କାଟିବା ପରେ ସେମାନଙ୍କୁ ନିକଟରେ ଜାମିନ ମିଳିଛି । ଆଉ ଜେଲରୁ ବାହାରିବା ପରେ ସ୍ତ୍ରୀଙ୍କ ଉଦ୍ଦେଶ୍ୟରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛନ୍ତି ହର୍ଷ । ଭାରତୀଙ୍କ ସହ ଉଠେଇ ଥିବା କେତେଗୁଡିଏ ଅନ୍ତରଙ୍ଗ ଫଟୋ ସବୁକୁ ନିଜ ଇନ୍ଷ୍ଟଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି । ଆଉ କ୍ୟାପ୍ସନରେ ଲେଖିଛନ୍ତି ” ଆମେ ଦୁହେଁ ଯେବେ ପରସ୍ପର ସହିତ ଥିବା ଆମର କେହି ବି କିଛି ବିଗାଡି ପାରିବେ ନାହିଁ” । ଏହି ଫଟୋ ଗୁଡିକରେ ଉଭୟ ପତି ପତ୍ନୀ ରୋମାଣ୍ଟିକ ଅନ୍ଦାଜରେ ନଜର ଆସୁଛନ୍ତି । ଆଉ ଏହାକୁ ଦେଖିଲେ ସ୍ପଷ୍ଟ ହେବଯେ, ଦୁହିଁଙ୍କ ଭିତରେ ଖୁବ ନିବିଡ ସମ୍ବନ୍ଧ ରହିଛି ।
View this post on Instagram
କହିରଖିବା ଉଚିତ ହେବକି, ଡ୍ରଗ୍ସ ଲିଙ୍କ ନେଇ ଭାରତୀ ଦ କପିଳ ଶର୍ମା ସୋ’ ଛାଡିବାକୁ ନେଇ ଚର୍ଚ୍ଚା ବେଶ ଜୋର ଧରିଥିଲା । କିନ୍ତୁ ପରେ କୃଷ୍ଣ ଅଭିଷେକ ଏହି କଥାକୁ ଏକ ଗୁଜବର ଆଖ୍ୟା ଦେଇଛନ୍ତି । କୃଷ୍ଣଙ୍କ ଅନୁଯାୟୀ ଚ୍ୟାନେଲ ପକ୍ଷରୁ ଏହାକୁ ନେଇ କୌଣସି ପ୍ରକାର ଘୋଷଣା ହୋଇନାହିଁ । ସେ ଓ ତାଙ୍କ ପୁରା ଟିମ ଭାରତୀଙ୍କ ସହିତ ସବୁବେଳେ ଅଛନ୍ତି ଆଉ ଥିବେ ମଧ୍ୟ । ଆଉ ଖୁବ କମ ଦିନ ଭିତରେ ଭାରତୀ କାମକୁ ଫେରିବେ ।
ଏକ ସମ୍ବାଦ ପତ୍ର ସାକ୍ଷାତ୍କାରରେ କୃଷ୍ଣ କହିଛନ୍ତିଯେ,କପିଳ ଆଉ ସେ ନିଜେ ସର୍ବଦା ଭାରତୀଙ୍କ ସହ ରହିବେ । କୌଣସି ପରିସ୍ଥିତିରେ ବି ସେମାନଙ୍କ ଯୋଡି ଭାଙ୍ଗିବ ନାହିଁ ।