କରୀନା କପୁରଙ୍କୁ ହାଇକୋର୍ଟ ନୋଟିସ୍, ଧାର୍ମିକ ଭାବନାକୁ ଆଘାତ ଦେଇଥିବା ଅଭିଯୋଗ

କରୀନା କପୁର ଖାନଙ୍କ ବିଷୟରେ ବଡ ଖବର ଆସିଛି । ଅଭିନେତ୍ରୀ କରୀନାଙ୍କ ଏକ ବହିର ଟାଇଟେଲ୍‌କୁ ନେଇ ଏକ ବଡ଼ ବିବାଦ ସୃଷ୍ଟି ହୋଇଛି । ଏହି ପୁସ୍ତକ ହେତୁ ସେ ବହୁତ ଅସୁବିଧାରେ ପଡିଛନ୍ତି ବି କହିଲେ ଚଳିବ । ତେବେ ଅଭିନେତ୍ରୀ ଜୁଲାଇ ୨୦୨୧ ରେ ତାଙ୍କ ପୁସ୍ତକ ‘କରୀନା କପୁର ଖାନଙ୍କ ପ୍ରେଗ୍ନେନ୍ସି ବାଇବଲ: ଅଲ୍ଟିମେଟ ମାନୁଆଲ ଫର ମମ-ଟୁ-ବି’ ଲଞ୍ଚ କରିଥିଲେ । ଏବେ ମଧ୍ୟପ୍ରଦେଶ ହାଇକୋର୍ଟ ଏକ ଆବେଦନକାରୀଙ୍କ ଆବେଦନ ଉପରେ କରୀନା କପୁର ଖାନଙ୍କୁ ନୋଟିସ ପଠାଇଛନ୍ତି । ଏହି ପୁସ୍ତକର ନାମକୁ ନେଇ ଅଭିନେତ୍ରୀ ଆଇନଗତ ଅସୁବିଧାରେ ପଡ଼ିଛନ୍ତି । କେବଳ ଏତିକି ନୁହେଁ, ବହିର ଟାଇଟେଲ୍‌ ଉପରେ ଓକିଲ ଆପତ୍ତି ଉଠାଇ କହିଛନ୍ତି ଯେ କରୀନା ଏକ ସମ୍ପ୍ରଦାୟର ଧାର୍ମିକ ଭାବନାକୁ ଆଘାତ ଦେଇଛନ୍ତି । କରୀନା କପୁର ଖାନଙ୍କ ପୁସ୍ତକ ‘ପ୍ରେଗ୍ନେନ୍ସି ବାଇବଲ’ କୁ ନେଇ ବିବାଦ ତାଙ୍କୁ ଅସୁବିଧାରେ ପକାଇଛି ।

ତେବେ କରୀନା କପୁର ତାଙ୍କ ପ୍ରେଗ୍ନେନ୍ସି ବାଇବଲ ବହିର ଟାଇଟେଲରେ ‘ବାଇବଲ’ ଶବ୍ଦ ବ୍ୟବହାର କରିଥିଲେ ଯାହା ବିବାଦ ସୃଷ୍ଟି କରୁଛି । ବର୍ତ୍ତମାନ ବହିର ଟାଇଟେଲ୍‌ରେ ଏହି ଶବ୍ଦର ବ୍ୟବହାର କରିବାକୁ ନେଇକୁ ଓକିଲ ଆପତ୍ତି କରିଛନ୍ତି । କରୀନା କପୁର ଏବଂ ଅନ୍ୟମାନଙ୍କୁ ହାଇକୋର୍ଟ ନୋଟିସ ଜାରି କରି ଏହାର ଉତ୍ତର ମାଗିଛନ୍ତି । ଖ୍ରୀଷ୍ଟୋଫର ଆନ୍ଥୋନୀ ତାଙ୍କ ଆବେଦନରେ କହିଛନ୍ତି ଯେ ପୁସ୍ତକର ଟାଇଟେଲ୍‌ ଖ୍ରୀଷ୍ଟିଆନଙ୍କ ଧାର୍ମିକ ଭାବନାକୁ ଆଘାତ ଦେଇଛି ।

ଏହି ଆବେଦନରେ କରୀନା କପୁର ଖାନ, ଆଦିତ୍ୟ ଶାହ ଭୀମଜିଆନି, ଆମାଜନ ଇଣ୍ଡିଆ, ଜଗରନାଟ ବୁକ୍ସକୁ ମଧ୍ୟ ନୋଟିସ୍‌ ଜାରି କରାଯାଇଛି । ଓକିଲ ଖ୍ରୀଷ୍ଟୋଫର ଆନ୍ଥୋନୀ କରୀନା କପୁରଙ୍କ ବିରୋଧରେ ହାଇକୋର୍ଟରେ ମାମଲା ଦାୟର କରିଛନ୍ତି ଏବଂ ତାଙ୍କ ବିରୋଧରେ ଅପରାଧିକ ମାମଲା ଦାୟର କରିଛନ୍ତି । ଏହି ପୁସ୍ତକ ଉପରେ ପ୍ରତିବନ୍ଧକ ଲଗାଇବାକୁ ଆବେଦନକାରୀ ମଧ୍ୟ ଦାବି କରିଛନ୍ତି । ଆବେଦନକାରୀ ଖ୍ରୀଷ୍ଟୋଫର୍ ଆନ୍ଥୋନି ଯୁକ୍ତି କରିଛନ୍ତି ଯେ କରୀନା କପୁରଙ୍କ ପୁସ୍ତକରେ ‘ବାଇବଲ’ ଯୋଗ ହେବା ଖ୍ରୀଷ୍ଟିଆନ ଧର୍ମର ଲୋକଙ୍କୁ ଆଘାତ ଦେଇଛି ଏବଂ ସେମାନଙ୍କର ଧାର୍ମିକ ଭାବନାକୁ ଆଘାତ ଦେଇଛି ।

ଆନ୍ଥୋନିଙ୍କ ଆବେଦନ ଶୁଣିବାବେଳେ ଜଷ୍ଟିସ ଗୁରୁପାଲ ସିଂ ଅହଲୁୱାଲିଆଙ୍କ ଏକକ ବେଞ୍ଚ କରୀନା କପୁର ଖାନଙ୍କୁ ନୋଟିସ ପଠାଇଛନ୍ତି । ତେବେ ଏହି ମାମଲାର ପରବର୍ତ୍ତୀ ଶୁଣାଣି ଜୁଲାଇ ୧ ରେ ହେବ । ଏହା ସହ କରୀନା କପୁର ଏହି ପୁସ୍ତକରେ ତାଙ୍କ ପ୍ରେଗ୍ନେନ୍ସି ଜର୍ଣ୍ଣି ବିଷୟରେ କହିଛନ୍ତି । ଏହି ପୁସ୍ତକ କରୀନା କପୁର ଖାନଙ୍କ ସହ ଆଦିତ୍ୟ ଶାହା ଭଞ୍ଜୟାନୀ ଲେଖିଛନ୍ତି ।