ମୃତ୍ୟୁପୂର୍ବରୁ ସତୀଶଙ୍କ ଶେଷ ଶବ୍ଦ: ମୋତେ ବଞ୍ଚାଇ ଦିଅ, ମୁଁ ମରିବାକୁ ଚାହୁଁନି
‘ମୁଁ ମରିବାକୁ ଚାହୁଁନି, ମୋତେ ବଞ୍ଚେଇ ଦିଅ’ । ମୃତ୍ୟୁ ପୂର୍ବରୁ ନିଜ ମ୍ୟାନେଜର ସନ୍ତୋଷଙ୍କୁ ଏମିତି କହିଥିଲେ ସତୀଶ । ହସପିଟାଲ ଯିବା ବାଟରେ ସନ୍ତୋଷଙ୍କ କାନ୍ଧରେ ମୁଣ୍ଡ ଦେଇ ସତୀଶ କୌଶିକ ଶେଷ କଥା କହିଥିଲେ ।
ଅଭିନେତା, କମେଡିଆନ ତଥା ନିର୍ଦ୍ଦେଶକ ସତୀଶ କୌଶିକଙ୍କ ମୃତ୍ୟୁକୁ ସହଜରେ କେହି ଗ୍ରହଣ କରିପାରୁନାହାନ୍ତି । ସତୀଶଙ୍କ ପରିବାର ମଧ୍ୟ ତାଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି । ମୃତ୍ୟୁ ବେଳେ ସତୀଶଙ୍କ ସହିତ ତାଙ୍କ ମ୍ୟାନେଜର ସନ୍ତୋଷ ରାୟ ରହିଥିଲେ । ସତୀଶଙ୍କ ଶେଷ ମୁହୁର୍ତ୍ତ ବେଳେ କ’ଣ ସ୍ଥିତି ଥିଲା, ସେ ବିଷୟରେ ସନ୍ତୋଷ କହିଛନ୍ତି ।
ସନ୍ତୋଷ କହିଛନ୍ତି, ସନ୍ତୋଷ ପାଖାପାଖି ୩୪ ବର୍ଷ ହେଲାଣି ସତୀଶଙ୍କ ସହିତ କାମ କରୁଥିଲେ । ବୁଧବାର ରାତିରେ ଖାଇବା ପରେ ସତୀଶଙ୍କୁ କୌଣସି ପ୍ରକାର ଅସୁବିଧା ହୋଇନଥିଲା। ସେ ରାତି ୮.୩୦ରେ ଡିନର କରିଥିଲେ । ମାର୍ଚ୍ଚ ୯ ତାରିଖ ସକାଳ ୮.୫୦ରେ ସେମାନେ ଫେରିଥାନ୍ତା । ତେଣୁ ସେ ମୋତେ ଜଲଦି ଶୋଇପଡିବା ପାଇଁ କହିଥିଲେ । ସକାଳ ଫ୍ଲାଇଟ ଧରିବା ପାଇଁ ମୋତେ କହିଥିବାରୁ ମୁଁ ପାଖ ରୁମରେ ଶୋଇ ପଡିଥିଲି ।
ରାତି ୧୧ରେ ମୋ ପାଖକୁ ଫୋନ ଆସିଥିଲା। ଆଉ ସତୀଶ ନିଜର ଓ୍ଵାଇଫାଇ ପାସଓ୍ଵାର୍ଡ ଠିକ୍ କରିବା ପାଇଁ ସନ୍ତୋଷକୁ ଡାକିଥିଲେ । ଫିଲ୍ମ ‘କାଗଜ୨’ର ନିର୍ଦ୍ଦେଶନା ପାଇଁ କିଛି ଏଡିଟିଂ ଚାଲିଥିଲା । ସେ ରାତି ୧୧.୩୦ରେ ଫିଲ୍ମ ଏଡିଟିଂ କରିବା ଆରମ୍ଭ କରିବା ପରେ ମୁଁ ଆସି ରୁମରେ ଶୋଇପଡିଥିଲି । ହେଲେ ପାଖାପାଖି ୧୨.୦୫ରେ ମୋ ନା ଧରି ଚିତ୍କାର କରିଥିଲେ । ମୁଁ ଦୌଡି ଯାଇ ଦେଖିବା ବେଳକୁ ସେ କହିଥିଲେ, ମୁଁ ଠିକ୍ ଭାବେ ନିଶ୍ୱାସ ପ୍ରଶ୍ୱାସ ନେଇପାରୁନାହିଁ। ମୋତେ ଡାକ୍ତର ପାଖକୁ ନେଇଚାଲ । ଆମେ ତୁରନ୍ତ କାରରେ ତାଙ୍କୁ ଡାକ୍ତରଙ୍କ ପାଖରୁ ନେଇ ଯାଇଥିଲୁ ।
ହସପିଟାଲ ଯିବା ବାଟରେ ତାଙ୍କ ଯନ୍ତ୍ରଣା ବଢିଯାଇଥିଲା। ଆଉ ସତୀଶ ଜଲଦି ଯିବାକୁ କହିଥିଲେ । ସନ୍ତୋଷଙ୍କ କାନ୍ଧରେ ମୁଣ୍ଡ ରଖି କହିଥିଲେ, ମୁଁ ମରିବାକୁ ଚାହୁଁନି, ମୋତେ ବଞ୍ଚେଇ ଦିଅ । ମୁଁ ମୋ ଝିଅ ପାଇଁ ବଞ୍ଚିବାକୁ ଚାହୁଁଛି । କିନ୍ତୁ ମୋତେ ଲାଗୁନି କି ମୁଁ ବଞ୍ଚିବି ବୋଲି । ରାଶି ଏବଂ ବଂଶିକାର ଧ୍ୟାନ ନେବ । ମାତ୍ର ୮ ମିନିଟରେ ହସପିଟାଲରେ ପହଞ୍ଚିବା ସତ୍ତ୍ୱେ ମଧ୍ୟ ସତୀଶଙ୍କ ଜୀବନ ଚାଲିଯାଇଥିଲା ।
ସତୀଶ କୌଶିକ ୧୯୫୬ ମସିହା ଏପ୍ରିଲ ୧୩ ତାରିଖରେ ଜନ୍ମଗ୍ରହଣ କରିଥିଲେ। ଛାତ୍ର ଜୀବନରୁ ତାଙ୍କର ଅଭିନୟ ପ୍ରତି ଆଗ୍ରହ ଥିଲା। କଲେଜ ଶିକ୍ଷା ଶେଷ ପରେ ସେ ଦିଲ୍ଲୀର ନ୍ୟାସନାଲ ସ୍କୁଲ ଅଫ୍ ଡ୍ରାମା ଓ ପୁନେର ଏଫ୍ଟିଆଇଆଇରେ ଅଧ୍ୟୟନ କରିଥିଲେ। ବଲିଉଡ୍ ଫିଲ୍ମ ମିଷ୍ଟର ଇଣ୍ଡିଆ, ଦିୱାନା ମସ୍ତାନା, ରାମଲକ୍ଷ୍ମଣ, ସାଜନ୍ ଚଲେ ଶଶୁରାଲରେ ଅଭିନୟ କରି ଦର୍ଶକଙ୍କ ମନ ଜିଣିଥିଲେ। ସେ ଦୁଇଥର ଶ୍ରେଷ୍ଠ ହାସ୍ୟ ଅଭିନେତା ଭାବେ ଫିଲ୍ମଫେୟାର ପୁରସ୍କାର ଲାଭ କରିଥିଲେ।
