WWE ଷ୍ଟାର ଜନ୍ ସିନା ସେୟାର କଲେ ଆସିମ ରିୟାଜଙ୍କ ଫଟୋ, ଖୁସିରେ ଫୁଲି ଉଠିଲେ ଫ୍ୟାନ୍
ବିଗ୍ବସ୍ର ଚଳିତ ସଂସ୍କରଣ ସବୁଠାରୁ ଚର୍ଚ୍ଚିତ ସିଜିନ୍ ମଧ୍ୟରେ ଅନ୍ୟତମ। ଦର୍ଶକଙ୍କ ଆଗ୍ରହକୁ ଦୃଷ୍ଟିରେ ରଖି ନିଜେ ବିଗ୍ବସ୍ ହିଁ ଏହି ସିଜିନ୍କୁ କିଛି ସପ୍ତାହ ପାଇଁ ବଢ଼ାଇଥିଲେ। କିନ୍ତୁ ବର୍ତ୍ତମାନ ଶୋ’କୁ ନେଇ ଏକ ଏମିତି କଥା ସାମ୍ନାକୁ ଆସିଛି ଯାହା ଚର୍ଚ୍ଚାର ଶିରୋନାମାରେ ରହିଛି। WWE ରେସଲିଂ ସୁପରଷ୍ଟାର ଜନ୍ ସିନ୍ ଶୋ’ର ଲୋକପ୍ରିୟ ପ୍ରତିଯୋଗୀ ଆସିମ୍ ରିୟାଜ୍ଙ୍କ ଫଟୋ ସେୟାର କରିଛନ୍ତି। ଏହା ଦେଖିବା ପରେ ଆସିମ୍ଙ୍କ ଫ୍ୟାନ୍ମାନେ ଖୁସିରେ ଫୁଲି ଉଠିଛନ୍ତି। ତେବେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଉଠିଛି କ’ଣ ଜନ୍ ବି ବିଗ୍ବସ୍ ୧୩ ଦେଖୁଛନ୍ତି?
View this post on Instagram
ତେବେ ଜନ୍ ଆସିମ୍ଙ୍କ ଫଟୋ ସେୟାର କରିଥିଲେ ମଧ୍ୟ ଏଥିରେ କୌଣସି କ୍ୟାପସନ୍ ଦେଇନାହାନ୍ତି।
ସୂଚନାଯୋଗ୍ୟ ଯେ ଜନ୍ ନିଜ ଇନ୍ଷ୍ଟାଗ୍ରାମ୍ରେ ସମସ୍ତଙ୍କ ଫଟୋ ସେୟାର କରୁଥିବା ବେଳେ କେବେ ବି ନିଜ ବିଷୟରେ କିଛି ସେୟାର କରିନଥାନ୍ତି। ସେ ନିଜ ପ୍ରୋଫାଇଲ୍ର ବାୟୋରେ ଲେଖିଛନ୍ତି ‘ମୋ ଇନ୍ଷ୍ଟାଗ୍ରାମ୍ରେ ଆପଣଙ୍କୁ ସ୍ୱାଗତ। ବିନା କୌଣସି ସୂଚନାରେ ଏଠାରେ ଫଟୋ ପୋଷ୍ଟ କରାଯିବ। ଆପଣ ଏହାର ଅର୍ଥ ନିଜେ ହିଁ ବୁଝିପାରୁଥିବେ, ଏଞ୍ଜୟ’।
ବିଗ୍ବସ୍ରେ ସିଦ୍ଧାର୍ଥ ଶୁକ୍ଳା ଓ ଆସିମ ରିୟାଜ ସବୁଠାରୁ ଲୋକପ୍ରିୟ ପ୍ରତିଯୋଗୀଙ୍କ ମଧ୍ୟରେ ଗଣାହେଉଛନ୍ତି। ଉଭୟଙ୍କର ଫ୍ୟାନ୍ ପ୍ରାୟ ସମୟରେ ସୋସିଆଲ ମିଡିଆରେ ପରସ୍ପର ସହ ଝଗଡ଼ା କରିଥାନ୍ତି। ଏଣୁ ଦେଖିବାକୁ ବାକି ରହିଲା କିଏ ଶେଷରେ ବାଜି ମାରି ନେବ ବିଗ୍ବସ୍ର ଟ୍ରଫି।