ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ବଲିଉଡ ଠାରୁ ଆରମ୍ଭ କରି ପ୍ରାୟ ସବୁ କ୍ଷେତ୍ରରୁ ଭିନ୍ନ ଭିନ୍ନ ପ୍ରତିକ୍ରିୟା ମାନ ଆସୁଥିବାର ଦେଖାଯାଉଛି । ରାଜନୀତି କ୍ଷେତ୍ରରେ ଏହି ମାମଲା ଏକ ପ୍ରକାର ଚହଳ ସୃଷ୍ଟି କରିଛି । ନିକଟରେ ଏହି ମାମଲାରେ ସରକାରଙ୍କ ବିରୋଧରେ ବକ୍ତବ୍ୟ ଦେଇ ହରିୟାଣାର ପ୍ରସିଦ୍ଧ ୟୁଟ୍ୟୁବ ଅଭିନେତା ସାହିଲ ଚୌଧୁରୀ ମୁମ୍ବାଇ ପୋଲିସ ଦ୍ୱାରା ଗିରଫ ହୋଇଛନ୍ତି । ସାହିଲଙ୍କ ଗିରଫଦାରୀ ଉପରେ ଟ୍ୱିଟ ମାଧ୍ୟମରେ ପ୍ରତିକ୍ରିୟା ରଖିଛନ୍ତି କଙ୍ଗନା ରାଣାବତ । ସାହିଲଙ୍କ ଗିରଫକୁ ନେଇ ମହାରାଷ୍ଟ୍ର ସରକାରଙ୍କୁ ଭର୍ଚ୍ଛନା କରିଛନ୍ତି କଙ୍ଗନା । ନିଜ ଟ୍ୱିଟର ଆକାଉଣ୍ଟରେ କଙ୍ଗନା ମହାରାଷ୍ଟ୍ର ସରକାରଙ୍କୁ ସିଧାସଳଖ ଭର୍ଛନା କରିବା ସହ ନିର୍ମାତା- ନିର୍ଦ୍ଦେଶକ ଅନୁରାଗ କଶ୍ୟପଙ୍କୁ ତୁରନ୍ତ ଗିରଫ କରିବା ପାଇଁ ଅପିଲ କରିଛନ୍ତି । ଏହା ସହ କଙ୍ଗନା ମରାରାଷ୍ଟ୍ର ମୁଖ୍ୟମନ୍ତ୍ରୀଙ୍କୁ ସିଧାସଳଖ ଆକ୍ଷେପ କହିଛନ୍ତିକି, ଏଠାରେ କେମିତି ଏକ ପ୍ରକାର ଗୁଣ୍ଡାରାଜ ଚାଲିଛି ।
Somebody random files a FIR against Saahil for questioning Maha Government’s work which is his democratic right and Shaahil is jailed immediately but #PayalGhosh has filed a FIR against #AnuragKashyap many days ago for rape but he is roaming free. Kya hai yeh sab @INCIndia ? https://t.co/B2S7VhlQDB
— Kangana Ranaut (@KanganaTeam) September 29, 2020
ବିଶ୍ୱର ସବୁଠୁ ଅଯୋଗ୍ୟ ମୁଖ୍ୟମନ୍ତ୍ରୀ ଓ ତାଙ୍କ ଟିମ ଉପରେ ସ୍ୱର ଉଠାଇବାକୁ କେହି ବି ସାହସ କରୁନାହାନ୍ତି । ନିଜର ଏହି ଟ୍ୱିଟରେ କଂଗ୍ରେସ ଦଳକୁ ଟ୍ୟାଗ କରି କଙ୍ଗନା ପ୍ରଶ୍ନ କରିଛନ୍ତିକି, ଏଥିପାଇଁ କିଏ ପ୍ରକୃତରେ ଦାୟୀ । ଏହିପରି ଭାବେ କଙ୍ଗନା ନିଜର ଦୁଇଟି ଟ୍ୱିଟ ମାଧ୍ୟମରେ ସରକାରଙ୍କୁ ଟାର୍ଗେଟ କରିଛନ୍ତି । ଏହା ସହ ସାହିଲଙ୍କୁ ତୁରନ୍ତ ତାଙ୍କୁ ଛାଡ଼ି ଦେବାକୁ ଦାବି କରିଛନ୍ତି । କହିରଖିବା ଉଚିତ ହେବଯେ, ବର୍ତ୍ତମାନ ସମୟରେ ଆଗ ଅପେକ୍ଷା କଙ୍ଗନା ବିଭିନ୍ନ ସୋସିଆଲ ମିଡ଼ିଆ ମାନଙ୍କରେ ଖୁବ ସକ୍ରିୟ ରହୁଥିବା ବେଳେ ବିଭିନ୍ନ ସାମାଜିକ- ରାଜନୀତିକ ଘଟଣା ଗୁଡିକରେ ନିଜ ମତ ରଖୁଛନ୍ତି ।