ପିତାମାତା ହେବା ଦୁନିଆର ଏକ ସୁନ୍ଦର ଅନୁଭବ । ଯାହାକୁ ଆପଣ ଶବ୍ଦରେ ବି ପ୍ରକାଶ କରିପାରିବେ ନାହିଁ । ପିଲା ଜନ୍ମ ହେବାଠାରୁ ତା’ର ଭବିଷ୍ୟତ ଗଠନ କରିବା ପର୍ଯ୍ୟନ୍ତ ଯାତ୍ରା କୌଣସି ପିତାମାତାଙ୍କ ପାଇଁ ସହଜ ନୁହେଁ । ସେମାନେ ନିଜ ପିଲାମାନଙ୍କ ଖୁସି ପାଇଁ ସମସ୍ତଙ୍କ ସହିତ ଲଢ଼ିଥାନ୍ତି । ପିତାମାତାମାନେ ସେମାନଙ୍କ ପିଲାମାନଙ୍କ ଖୁସି ପାଇଁ ସବୁକିଛି କରିବାକୁ ପ୍ରସ୍ତୁତ ଥାଆନ୍ତି । ସେମାନେ ସେମାନଙ୍କ ପିଲାମାନଙ୍କୁ ନିଃସର୍ତ୍ତ ଏବଂ ନିସ୍ୱାର୍ଥପର ଭାବରେ ଭଲ ପାଇଥାନ୍ତି । ହେଲେ ଆପଣ ଜାଣିଛନ୍ତି କି, ବଲିଉଡରେ ମଧ୍ୟ ଅନେକ ଷ୍ଟାର ଅଛନ୍ତି ଯେଉଁମାନେ ଏକାକୀ ପିତାମାତା ଏବଂ ସେମାନେ ସେମାନଙ୍କ ପିଲାମାନଙ୍କ ପ୍ରତି ସେମାନଙ୍କର ଦାୟିତ୍ୱକୁ ବହୁତ ଭଲ ଭାବରେ ପାଳନ କରୁଛନ୍ତି । ତେବେ ଆସନ୍ତୁ ଜାଣିବା ଏହି ପ୍ରସିଦ୍ଧ ଷ୍ଟାର ମାନଙ୍କ ବିଷୟରେ ।
କରଣ ଜୋହର :
ଫେମସ୍ ଫିଲ୍ମ ମେକର କରଣ ଜୋହର ସବୁବେଳେ କିଛି ନା କିଛି କାରଣ ପାଇଁ ବେସ୍ ଚର୍ଚ୍ଚାରେ ଥାଆନ୍ତି । କରଣ କେବଳ ଭଲ ଫିଲ୍ମ ମେକର ଏବଂ ନିର୍ଦ୍ଦେଶକ ନୁହଁନ୍ତି ବରଂ ସେ ଜଣେ ଭଲ ପିତା ଭାବରେ ଜଣାଶୁଣା । ୨୦୧୭ ମସିହାରେ, କରଣ ତାଙ୍କର ସନ୍ତାନ ଯଶ ଏବଂ ରୁହିଙ୍କୁ ସରୋଗେସି ମାଧ୍ୟମରେ ସ୍ବାଗତ କରିଥିଲେ । ସେ ପ୍ରତିବର୍ଷ ତାଙ୍କ ଉଭୟ ପିଲାଙ୍କ ଜନ୍ମଦିନକୁ ବହୁତ୍ ଧୁମଧାମରେ ପାଳନ କରନ୍ତି । ଏଥି ସହ ତାଙ୍କ ପିଲାମାନଙ୍କ ସହିତ ଏକ ସୁନ୍ଦର ସମ୍ପର୍କ ସ୍ଥାପନ କରନ୍ତି ।
ସୁସ୍ମିତା ସେନ୍ :
ପୂର୍ବତନ ମିସ୍ ୟୁନିଭର୍ସ ସୁସ୍ମିତା ସେନ୍ ୨୪ ବର୍ଷ ବୟସରେ ବିବାହ ନକରି ତାଙ୍କ ବଡ଼ ଝିଅ ରେନିକୁ ପୋଷ୍ୟପୁତ୍ର ଭାବରେ ଗ୍ରହଣ କରିଥିଲେ । ଏହା ପରେ ୧୦ ବର୍ଷ ପରେ, ସୁସ୍ମିତା ତାଙ୍କ ସାନ ଝି୍ଅ ଆଲିଶାଙ୍କୁ ପୋଷ୍ୟ ସନ୍ତାନ ଭାବରେ ଗ୍ରହଣ କରିଥିଲେ । ଏହି ଅଭିନେତ୍ରୀ ପ୍ରାୟତଃ ତାଙ୍କ ସୋସିଆଲ ମିଡିଆରେ ତାଙ୍କ ପିଲାମାନଙ୍କ ସହିତ ସୁନ୍ଦର ମୁହୂର୍ତ୍ତଗୁଡିକୁ ସେୟାର କରନ୍ତି ।
ନୀନା ଗୁପ୍ତା :
ସିଙ୍ଗଲ ପ୍ୟାରେଣ୍ଟ ହେବା ସହଜ ନୁହେଁ । କିନ୍ତୁ ଜଣାଶୁଣା ଅଭିନେତ୍ରୀ ନୀନା ଗୁପ୍ତା ଏକ ଚମତ୍କାର କାମ କରିଛନ୍ତି । ସେ ବିବାହ ନକରି ୧୯୮୮ ମସିହାରେ ଏକ ଝିଅ ମସାବାଙ୍କୁ ଜନ୍ମ ଦେଇଥିଲେ । ଜଣେ ସିଙ୍ଗଲ ପ୍ୟାରେଣ୍ଟ ହୋଇଥିବାରୁ, ନୀନା ତାଙ୍କର ସମସ୍ତ ଦାୟିତ୍ବ ନିର୍ବାହ କରିଥିଲେ । ଏଥି ସହ ତାଙ୍କ ଝିଅଙ୍କୁ ଭଲ ଲାଳନପାଳନ କରି ବହୁତ ଭଲ ପାଇବା ମଧ୍ୟ ଦେଇଥିଲେ ।
ତୁଷାର କପୁର୍ :
ତୁଷାର କପୁର ୨୦୧୬ ମସିହାରେ ସରୋଗେସି ମାଧ୍ୟମରେ ତାଙ୍କ ପୁଅ ଲକ୍ଷଙ୍କୁ ଦୁନିଆରେ ସ୍ବାଗତ କରିଥିଲେ । ତୁଷାର କହିଥିଲେ ଯେ ମୁଁ କୌଣସି ସମୟରେ ବିବାହ କରିପାରିବି, କିନ୍ତୁ ମୁଁ ପରିବାର ଆରମ୍ଭ କରିବାରେ ବିଳମ୍ବ କରିବାକୁ ଚାହୁଁନଥିଲି, ତେଣୁ ସେ ସିଙ୍ଗଲ ପ୍ୟାରେଣ୍ଟ ହେବାକୁ ନିଷ୍ପତ୍ତି ନେଇଥିଲେ ।
ପୂଜା ବେଦୀ :
ଆପଣମାନେ ଜାଣିଛନ୍ତି କି ଏଥିରେ ପୂଜା ବେଦୀଙ୍କର ନାମ ମଧ୍ୟ ସାମିଲ ଅଛି । ଏହି ଅଭିନେତ୍ରୀ ଜଣେ ସିଙ୍ଗଲ ପ୍ୟାରେଣ୍ଟ । ଏଥି ସହ ସେ ତାଙ୍କ ସ୍ବାମୀଙ୍କଠାରୁ ଅଲଗା ହେବା ପରେ ତାଙ୍କ ଝିଅ ଆଲାୟା ଏବଂ ଓମାରଙ୍କୁ ଏକା ଲାଳନପାଳନ କରୁଛନ୍ତି ।
ଏକତା କପୁର :
ଏକତା କପୁର ତାଙ୍କ ଭାଇ ତୁଷାରଙ୍କ ପରି ମଧ୍ୟ ସରୋଗେସିର ସାହାରା ନେଇଥିଲେ ଏବଂ ୨୦୧୯ ରେ ମାଆ ମଧ୍ୟ ହୋଇଥିଲେ । ସିଙ୍ଗଲ ପ୍ୟାରେଣ୍ଟ ହେବା ପରେ, ଏକତା ପ୍ରତିଦିନ ତାଙ୍କ ପିଲାମାନଙ୍କ ସହ ତାଙ୍କର ସୁନ୍ଦର ଫଟୋ ଏବଂ ଭିଡିଓ ସେୟାର କରନ୍ତି ।