ବେବୋଙ୍କୁ କରୋନା। ବଲିଉଡ ଅଭିନେତ୍ରୀ କରୀନା କପୁର ଓ ଅମ୍ରିତା ଅରୋରା କରୋନା ସଂକ୍ରମିତ ହୋଇଛନ୍ତି। ଦେଶରେ ଏବେ କରୋନାର ନୂଆ ଲହର ଆରମ୍ଭ ହୋଇଛି। ଲୋକଙ୍କ ସମେତ ବହୁ ବଡ଼ ବଡ଼ ତାରକା ମଧ୍ୟ ଏବେ କରୋନା ସଂକ୍ରମଣର ଶିକାର ହେଉଛନ୍ତି। ଅଭିନେତା କମଲ ହସନଙ୍କ ପରେ ଏବେ ଏହି ଦୁଇ ଅଭିନେତ୍ରୀ କରୋନା ପଜିଟିଭ ହୋଇଛନ୍ତି।
ଦୁଇ ଦିନ ପୂର୍ବରୁ କରୀନା କପୁର ଭଉଣୀ କରିସ୍ମାଙ୍କ ସହ କରନ୍ ଜୋହରଙ୍କ ପାର୍ଟିରେ ଯୋଗ ଦେଇଥିଲେ। ଫିଲ୍ମ କଭି ଖୁସି କଭି ଗମ୍ ର ୨୦ ବର୍ଷ ପୂର୍ତ୍ତି ଅବସରରେ ଏହି ପାର୍ଟି ଆୟୋଜିତ ହୋଇଥିଲା। BMC ପକ୍ଷରୁ କରୀନା କପୁର ଓ ଅମୃତାଙ୍କ ସଂସ୍ପର୍ଶରେ ଆସିଥିବା ଲୋକଙ୍କୁ RTPCR ଟେଷ୍ଟ କରିବାକୁ ନିର୍ଦ୍ଦେଶ ଦେଇଛନ୍ତି।
Actors Kareena Kapoor Khan & Amrita Arora tested positive for #COVID19. Both of them had violated COVID norms & attended several parties. BMC has ordered people, who came in contact with the two actors, to undergo RT-PCR test: BMC (Brihanmumbai Municipal Corporation)
(File pic) pic.twitter.com/wKqoqgFM4x
— ANI (@ANI) December 13, 2021
ପ୍ରକାଶ ଯେ କରୀନା କପୁର ଓ ଅମ୍ରିତା ଅରୋରା ଉଭୟେ ଭଲ ସାଙ୍ଗ। ଉଭୟେ ସୋସିଆଲ ମିଡ଼ିଆରେ ନିଜର ଅନେକ ଫଟୋ ଓ ଭିଡିଓ ସେୟାର କରିଥାନ୍ତି। କରନ ଜୋହରଙ୍କ ପାର୍ଟିରେ ମଧ୍ୟ ଉଭୟେ ସାମିଲ ହୋଇଥିଲେ। ଏଥିସହ ଏହି ଦୁଇ ଜଣ କରୋନା ଗାଇଡ ଲାଇନ ଉଲ୍ଲଂଘନ କରି ଅନେକ ପାର୍ଟି ବି କରିଛନ୍ତି। ଫଳରେ ଏମାନେ ସୁପର ସ୍ପ୍ରେଡର ହେବାର ସମ୍ଭାବନା ବି ରହିଛି। ତେବେ ଖବର ଲେଖା ହେବା ପର୍ଯ୍ୟନ୍ତ ଏ ନେଇ ଦୁଇ ଅଭିନେତ୍ରୀଙ୍କ ଠାରୁ କୌଣସି ସୂଚନା ମିଳିନାହିଁ।