ପ୍ରଡ୍ୟୁସର ହୋଇ ବଲିଉଡକୁ କମବ୍ୟାକ କରୁଛନ୍ତି କରିସ୍ମା
ବଲିଉଡ ଅଭିନେତ୍ରୀ କରିସ୍ମା କପୁର ଅନେକ ହିଟ୍ ଫିଲ୍ମରେ ଅଭିନୟ କରିଛନ୍ତି, କିନ୍ତୁ ବର୍ତ୍ତମାନ ସେ ଅନେକ ଦିନ ହେବ ଫିଲ୍ମରୁ ଦୂରେଇ ରହିଛନ୍ତି । ଏବେ ଖବର ଆସୁଛି ଯେ କରିସ୍ମା କପୁର ଖୁବ୍ ଶୀଘ୍ର ଫିଲ୍ମରେ କମବ୍ୟାକ କରିବାକୁ ଯାଉଛନ୍ତି ।
ଅତୀତରେ କରିସ୍ମା କପୁର ଏକତା କପୁରଙ୍କ ୱେବ୍ ସୋ ‘ମାନସିକତା’ ସହିତ ଡିଜିଟାଲ୍ ଡେବ୍ୟୁ କରିଥିଲେ, ଯାହା ଆଶା କରାଯାଉ ନଥିଲା। ମିଳିଥିବା ଖବର ଅନୁଯାୟୀ କରିସ୍ମା ଏବେ ପ୍ରଡ୍ୟୁସର ହେବାକୁ ପ୍ରସ୍ତୁତ ହେଉଛନ୍ତି । ସେ OTT ପ୍ଲାଟଫର୍ମ ପାଇଁ ଅରିଜିନାଲ କଣ୍ଟେଣ୍ଟ ତିଆରି କରିବେ ।
କୁହାଯାଉଛି ଯେ କରିସ୍ମାଙ୍କ ପରିବାର ତାଙ୍କ ପ୍ରଡ୍ୟୁସର ହେବାକୁ ନେଇ ଗଭୀର ଭାବରେ ଚିନ୍ତା କରୁଛନ୍ତି । ବୋଧହୁଏ କରିସ୍ମା ସହ-ନିର୍ମାତା ଭାବରେ ତାଙ୍କ ଭଉଣୀ କରୀନା କପୁର ଖାନଙ୍କ ସହ ହାତ ମିଳାଇ ପାରନ୍ତି କିନ୍ତୁ ଏହା ବର୍ତ୍ତମାନ ପ୍ଲାନିଂ ଷ୍ଟେଜରେ ଅଛି ।
