କାନ୍ସ ୨୦୨୪ରେ ସାମିଲ ହେବେ କିଆରା ଆଡଭାନି! ଓମେନ୍ ଇନ୍ ସିନେମାରେ ଭାରତକୁ କରିବେ ରିପ୍ରେଜେଣ୍ଟ

‘ଶେରଶାହ’ ଏବଂ ‘ଭୁଲ ଭୁଲେୟା ୨’ ଭଳି ଫିଲ୍ମରେ ନିଜର ଦମଦାର ଅଭିନୟ ସହିତ ଲୋକଙ୍କ ହୃଦୟ ଜିତିଥିବା ଅଭିନେତ୍ରୀ କିଆରା ଆଡଭାନି ପ୍ରାୟତଃ ସବୁବେଳେ ଚର୍ଚ୍ଚାରେ ରହିଥା’ନ୍ତି । ଆଜିକାଲି ୭୭ ତମ କାନ୍ସ ଫିଲ୍ମ ଫେଷ୍ଟିଭାଲରେ ଅଂଶଗ୍ରହଣ କରିବା ପାଇଁ ଅଭିନେତ୍ରୀ ଖୁବ ଚର୍ଚ୍ଚାରେ ଅଛନ୍ତି । ବାସ୍ତବରେ, ୭୭ ତମ କାନ୍ସ ଫିଲ୍ମ ଫେଷ୍ଟିଭାଲ ଗତକାଲିଠାରୁ ଅର୍ଥାତ୍ ୧୪ ମେ’ରୁ ଆରମ୍ଭ ହୋଇଛି । ଏହା ପ୍ରତ୍ୟକ ସିନେମା ପ୍ରେମୀଙ୍କ ପାଇଁ ଏକ ବିଶେଷ ଦିନ ।

ଏହି ସମୟରେ, ଏହି ଘଟଣା ସମ୍ପର୍କରେ ଖବର ଆସୁଛି ଯେ ବଲିଉଡ ଅଭିନେତ୍ରୀ କିଆରା ଆଡଭାନୀ ଭାରତରୁ କାନ୍ସ ଫିଲ୍ମ ଫେଷ୍ଟିଭାଲର ଏକ ଅଂଶ ହେବାକୁ ଯାଉଛନ୍ତି । ଖବର ଅନୁଯାୟୀ, ୭୭ ତମ କାନ୍ସ ଫିଲ୍ମ ଫେଷ୍ଟିଭାଲରେ ଅଭିନେତ୍ରୀ କିଆରା ଆଡଭାନୀ ଓମେନ୍ ଇନ୍ ସିନେମା ଗାଲା ଡିନରରେ ଭାରତକୁ ରିପ୍ରେଜେଣ୍ଟ କରୁଥିବାର ନଜର ଆସିବେ । ଏହି ଖବର ବାହାରିବା ପରେ କିଆରାଙ୍କ ଫ୍ୟାନ୍ସମାନେ ତାଙ୍କର ଏହି ସଫଳତା ପାଇଁ ବହୁତ ଖୁସି ହେଉଛନ୍ତି । ପ୍ରତ୍ୟେକ ସମୟ ପରି କିଆରାଙ୍କ ବ୍ୟତୀତ ଏଥର ଐଶ୍ୱର୍ଯ୍ୟା ରାୟ ବଚ୍ଚନ ମଧ୍ୟ ଏହି ଇଭେଣ୍ଟର ଏକ ଅଂଶ ହେବେ ।

କେବଳ ଏତିକି ନୁହେଁ, ଏଥର ‘ହିରାମାଣ୍ଡି’ର’ ବିବୋଜାନ ଅର୍ଥାତ୍ ଅଭିନେତ୍ରୀ ଆଦିତ୍ୟ ରାଓ ହାଇଦରୀ ମଧ୍ୟ କାନ୍ସ ଫିଲ୍ମ ଫେଷ୍ଟିଭାଲରେ ନିଜର ଜଲୱା ଦେଖାଇବେ। ଅର୍ଥାତ୍ ଏଥର ଭାରତର ତିନିଜଣ ଅଭିନେତ୍ରୀ ଏହି ଇଭେଣ୍ଟରେ ନଜର ଆସିବାକୁ ଯାଉଛନ୍ତି । ଏପରି ପରିସ୍ଥିତିରେ, ଏହି ମୁହୂର୍ତ୍ତ ପ୍ରତ୍ୟେକ ଭାରତୀୟଙ୍କ ପାଇଁ ଅତ୍ୟନ୍ତ ଗର୍ବର ମୁହୂର୍ତ୍ତ ହେବାକୁ ଯାଉଛି । ବର୍ତ୍ତମାନ କିଆରା ଆଡଭାନୀଙ୍କୁ ନିମନ୍ତ୍ରଣ କରାଯିବାର ଚର୍ଚ୍ଚା ହେଉଛି କିନ୍ତୁ ଏପର୍ଯ୍ୟନ୍ତ ସେ ନିଜେ ଏହି ଖବରକୁ ନିଶ୍ଚିତ କରିନାହାଁନ୍ତି ।

କିଆରାଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସେ ଖୁବ୍ ଶୀଘ୍ର ସାଉଥ ଅଭିନେତା ରାମ ଚରଣଙ୍କ ସହ ରାଜନୈତିକ ଆକ୍ସନ୍ ଥ୍ରୀଲର ଫିଲ୍ମ ‘ଗେମ୍ ଚେଞ୍ଜର’ରେ ନଜର ଆସିବେ । ଏହି ଫିଲ୍ମରେ ସେ ପ୍ରଥମ ଥର ପାଇଁ ରାମ ଚରଣଙ୍କ ସହ ପେୟାର ହୋଇଛନ୍ତି । ଏହା ବ୍ୟତୀତ କିଆରାଙ୍କ ପାଖରେ ହ୍ରିତିକ ରୋଶନ ଏବଂ ଜୁନିୟର NTRଙ୍କ ଫିଲ୍ମ ‘ୱାର ୨’ ମଧ୍ୟ ଅଛି । ଏହି ଅଭିନେତ୍ରୀ ‘ଡନ୍ ୩’ ରେ ନିଜର ଅଭିନୟ ଦକ୍ଷତା ପ୍ରଦର୍ଶନ କରିବାକୁ ଯାଉଛନ୍ତି । ଏହି ଫିଲ୍ମରେ ରଣଭୀର ସିଂ ତାଙ୍କ ସହ ମୁଖ୍ୟ ଭୂମିକାରେ ନଜର ଆସିବେ ।