photo: english.newstracklive.com
ଆର୍ଯ୍ୟନ ଖାନ୍ ଡ୍ରଗ୍ସ ଲିଙ୍କ୍ ମାମଲାରେ ଆସିଲା ନୂଆ ଟ୍ଵିଷ୍ଟ। ଶାହରୁଖ ଖାନଙ୍କ ମ୍ୟାନେଜରଙ୍କଠାରୁ କିରନ ଗୋସାଭି ନେଇଥିଲେ ୫୦ ଲକ୍ଷ ଟଙ୍କା। ଗୋସାଭିଙ୍କ ସୁରକ୍ଷା କର୍ମୀ ପ୍ରଭାକର ସୈଲଙ୍କ ଦ୍ୱାରା ସେ ଏହି ଟଙ୍କା ନେଇଥିବା ଦାବି କରିଛନ୍ତି ସାମ ଡିସୌଜା। ବମ୍ବେ ହାଇକୋର୍ଟରେ ଦାଖଲ କରିଥିବା ଆଗୁଆ ଜାମିନ ଆବେଦନରେ ସେ ଏହା ଉଲ୍ଲେଖ କରିଛନ୍ତି। ନିର୍ଦ୍ଦୋଷ ଦର୍ଶାଇ ଆର୍ଯ୍ୟନ ଖାନଙ୍କୁ ମୁକୁଳାଇବାରେ ସହାୟତା କରିବାକୁ ଗୋସାଭି ତାଙ୍କୁ କହିଥିବା ଆବେଦନରେ ଉଲ୍ଲେଖ କରିଛନ୍ତି। ସୁନୀଲ ପାଟିଲ ନାମକ ବ୍ୟକ୍ତିଙ୍କ ଜରିଆରେ କଥାବାର୍ତ୍ତା କରାଇଥିଲେ ଗୋସାଭି। ଫଳରେ ଶାହରୁଖଙ୍କ ମ୍ୟାନେଜର ପୂଜା ଦଦଲାନିଙ୍କଠାରୁ ସେ ୫୦ ଲକ୍ଷ ଟଙ୍କା ନେଇଥିଲେ।
ଅକ୍ଟୋବର ୩ରେ ଶାହରୁଖ ଖାନଙ୍କ ମ୍ୟାନେଜର ପୂଜା ଦଦଲାନି ଓ ଗୋସାଭିଙ୍କ ମଧ୍ୟରେ ଏକ ମିଟିଂ ବ୍ୟବସ୍ଥା ପରେ ଟଙ୍କା ଦେଣନେଣ ହୋଇଥିଲା। ପୂଜା ଦଦଲାନି ଓ ଗୋସାଭି ବ୍ୟକ୍ତିଗତ ଭାବେ କଥା ହୋଇଥିଲେ ଏବଂ ପୂଜା, ଗୋସାଭିଙ୍କୁ ୫୦ ଲକ୍ଷ ଟଙ୍କା ଦେଇଥିଲେ। ମାମଲାରେ ସାକ୍ଷୀ ଥିବା ଗୋସାଭି ଓ ପ୍ରଭାକର ସୈଲ ମୁଖ୍ୟ ଷଡ଼ଯନ୍ତ୍ରକାରୀ। କ୍ରୁଜ ଡ୍ରଗ୍ସ ମାମଲାରେ ଗିରଫ ଆର୍ଯ୍ୟନ ଖାନଙ୍କୁ ସାହାଯ୍ୟ କରିବାକୁ ସାମ ଡିସୌଜା ଡିଲ୍ କରିଥିବା ଅଭିଯୋଗ ହୋଇଥିଲା। ମାମଲାର ତଦନ୍ତ ପାଇଁ ଗଠିତ SIT ଟିମ୍ ଦ୍ୱାରା ଗିରଫ ହେବା ପୂର୍ବରୁ ସାମ ଡିସୌଜା ବମ୍ବେ ହାଇକୋର୍ଟରେ ଆଗୁଆ ଜାମିନ ଆବେଦନ କରିଛନ୍ତି। ଡିସୌଜାଙ୍କ ନାମ ବଳପୂର୍ବକ ଟଙ୍କା ନେବା ର୍ୟାକେଟ୍ ମାମଲାରେ ସାମ୍ନାକୁ ଆସିଥିଲା। ଏହା ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନ୍ସିବି) ଦ୍ୱାରା ଡ୍ରଗ୍ସ ଅନ୍ କ୍ରୁଜ୍ ମାମଲାର ଯାଞ୍ଚ ସମୟରେ ହିଁ ଆସିଥିଲା। ଅନ୍ୟପଟେ କିରଣ ଗୋସାଭିଙ୍କୁ ଠକେଇ ମାମଲାରେ ଗିରଫ କରିଛି ପୁଣେ ପୋଲିସ।
ସୂଚନାଥାଉ କି, ଗତ ଅକ୍ଟୋବର ୨ ତାରିଖରେ ମୁମ୍ବାଇ କ୍ରୁଜ ଡ୍ରଗ୍ସ ମାମଲାରେ ବଲିଉଡ୍ ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ୍ ଖାନ ଗିରଫ ହୋଇଥିଲେ। ପାଖାପାଖି ୩ ସପ୍ତାହ ଜେଲ୍ରେ ରହିବା ପରେ ବମ୍ବେ ହାଇକୋର୍ଟ ଆର୍ଯ୍ୟନଙ୍କ ଜାମିନକୁ ମଞ୍ଜୁର କରିଥିଲେ। ଏଥିପାଇଁ ଆର୍ଥର ରୋଡ ବାହାରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ୧ ଲକ୍ଷ ଟଙ୍କାର ବ୍ୟକ୍ତିଗତ ମୁଚାଲିକା ଓ ଜଣେ ଜାମିନଦାରଙ୍କ ବଦଳରେ ବମ୍ବେ ହାଇକୋର୍ଟ ୧୪ଟି ସର୍ତ୍ତ ସହ ଜାମିନ ପ୍ରଦାନ କରିଥିଲେ। ଆର୍ଯ୍ୟନଙ୍କ ପାଇଁ ଜାମିନଦାର ସାଜିଥିଲେ ଅଭିନେତ୍ରୀ ଜୁହି ଚାୱଲା। ୨୮ ଦିନ ପରେ ପୁଅ ଘରକୁ ଫେରୁ ଥିବାରୁ ବାପା ଶାହରୁଖ ଖାନ ମୁମ୍ବାଇ ଆର୍ଥର ରୋଡ ଜେଲରେ ପହଞ୍ଚି ଥିଲେ। ଅକ୍ଟୋବର ୨ରେ ମୁମ୍ବାଇ ରେଭ ପାର୍ଟିରୁ ଅଟକ ହୋଇ ଗିରଫ ହୋଇଥିଲେ ଆର୍ଯ୍ୟନ ଖାନ। ୮ ତାରିଖରେ ତାଙ୍କୁ ଜେଲ ପଠାଇ ଦିଆଯାଇଥିଲା।
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…
ଉତ୍ତର ପ୍ରଦେଶର ମେରଠରେ ଥିବା ଏକ ଓ୍ଵାଟର ପାର୍କରେ ଘଟିଛି ବଡ଼ ଦୁର୍ଘଟଣା । ଏଠାରେ ସ୍ଲାଇଡିଂ କରିବା ସମୟରେ…
କରଞ୍ଜିଆ : କେନ୍ଦୁଝର ଓ ମୟୂରଭଞ୍ଜରେ ୨୭ ଟିକିଆ ହାତୀପଲଙ୍କ ଉତ୍ପାତ । ଲୋକଙ୍କ ଆଖିରୁ ନିଦ ହଜି ଗଲାଣି…