ରାସ୍ତା କଡ଼ରୁ ଫୁଲ ଚୋରି କଲେ ମଲାଇକା, ହାତରେ କଇଁଚି ଧରିଥିବା ଫଟୋ ସୋସିଆଲ ମିଡିଆରେ ଭାଇରାଲ
ଅଭିନେତ୍ରୀ ମଲାଇକା ଅରୋଡା ଏଥର ଫୁଲ ଚୋରି କରୁଥିବାର ଧରାପଡ଼ିଛନ୍ତି। ମଜାଦାର କଥା ହେଉଛି, ମଲାଇକା ନିଜେ ହିଁ ଏ କଥା ସ୍ୱୀକାର କରିଛନ୍ତି। ତାଙ୍କର ଏହି ଫଟୋ ସୋସିଆଲ ମିଡିଆରେ ଚର୍ଚ୍ଚାର ବିଷୟ ହୋଇଛି।
ସବୁବେଳେ ନିଜ ଜିମ୍ ଏବଂ ପାର୍ଟି ଲୁକ୍ ପାଇଁ ଚର୍ଚ୍ଚାରେ ରହୁଥିବା ମଲାଇକା ଏଥର କିନ୍ତୁ ଅଲଗା ରୂପରେ ନଜର ଆସିଛନ୍ତି। ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଫଟୋକୁ ମଲାଇକା ନିଜେ ହିଁ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ଶେୟାର କରିଛନ୍ତି। ଏଥିରେ ସେ ଗୋଟିଏ ହାତରେ କଇଁଚି ଏବଂ ଅନ୍ୟ ହାତରେ ପେନ୍ଥାଏ କାଗଜ ଫୁଲ ଧରିଥିବାର ଦେଖାଯାଉଛନ୍ତି।
ଏହି ଫୁଲରେ ମଲାଇକା ନିଜ ଚେହେରାକୁ ପୂରାପୂରି ଢାଙ୍କି ଦେଇଛନ୍ତି। ଫଟୋ ଶେୟାର କରି ସେ ଲେଖିଛନ୍ତି, ‘ଫୁଲ ଚୋର(ବସନ୍ତ ଆସି ଯାଇଛି)’। ଫଟୋରେ କେବଳ ତାଙ୍କ ଫ୍ୟାନ୍ସ ନୁହନ୍ତି, ବରଂ ଫିଲ୍ମ ଇଣ୍ଡଷ୍ଟ୍ରୀର ସାଙ୍ଗମାନେ ବି କମେଣ୍ଟ କରିଛନ୍ତି। ଟ୍ଵିଙ୍କିଲ ଖାନ୍ନା ଫଟୋ ଉପରେ ହାର୍ଟ ଇମୋଜୀ ପୋଷ୍ଟ କରିଛନ୍ତି। କିନ୍ତୁ କିଛି ଫ୍ୟାନ୍ସ ମଲାଇକାଙ୍କ ଏଭଳି କାମକୁ ନାପସନ୍ଦ କରିଛନ୍ତି। ସେମାନେ ପ୍ରତିକ୍ରିୟା ରଖି କହିଛନ୍ତି, ‘ଦୟାକରି ଏମିତି କରନ୍ତୁ ନାହିଁ’। ସେପଟେ ଆଉ କିଛିଜଣ ଲେଖିଛନ୍ତି, ‘ଫୁଲ ଚୋର ଅର୍ଜୁନ କପୁରଙ୍କ ହୃଦୟ ଚୋର ବି ଅଟନ୍ତି’।
ମଲାଇକା ଅରୋଡାଙ୍କର ଫୁଲ ପ୍ରତି ବହୁତ ଦୁର୍ବଳତା ରହିଛି। ଏଥି ପୂର୍ବରୁ ବି ସେ ସୋସିଆଲ ମିଡିଆରେ ଏଭଳି ଅନ୍ଦାଜ ଦେଖାଇ ସାରିଛନ୍ତି। ଭଉଣୀ ଅମୃତା ଅରୋଡାଙ୍କ ଜନ୍ମଦିନ ପାର୍ଟିରୁ ବାହାରିବା ପରେ ମଲାଇକାଙ୍କ କିଛି ଫଟୋ ସାମ୍ନାକୁ ଆସିଥିଲା, ଯେଉଁଥିରେ ତାଙ୍କ ହାତରେ ପତ୍ର ଲଗା ଫୁଲ ନଜର ଆସିଥିଲା।
View this post on Instagram