ଭାଇରାଲ ହେଉଛି ମାଲତୀଙ୍କ କ୍ୟୁଟ୍ ଫଟୋ, ଝିଅ ସହ କ୍ବାଲିଟି ଟାଇମ୍ ସ୍ପେଣ୍ଟ କରୁଛନ୍ତି ପ୍ରିୟଙ୍କା
ବଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ହଲିଉଡରେ ନିଜ କଳାକୁ ଦେଖାଇବାରେ ବ୍ୟସ୍ତ ଅଛନ୍ତି । ବ୍ୟସ୍ତ ଥାଇ ମଧ୍ୟ ଅଭିନେତ୍ରୀ ନିଜ ଝିଅ ମାଲତି ମ୍ୟାରି ଜୋନାସଙ୍କ ସହିତ କ୍ବାଲିଟି ଟାଇମ୍ ସ୍ପେଣ୍ଟ କରୁଥିବା ଦେଖିବାକୁ ମିଳିଛି । ପ୍ରିୟଙ୍କା ସୋସିଆଲ ମିଡିଆରେ ଅନେକ ଫଟୋ ସେୟାର କରିଛନ୍ତି । ଯାହା ବର୍ତ୍ତମାନ ବହୁତ ଭାଇରାଲ ହେବାରେ ଲାଗିଛି ।
ପ୍ରିୟଙ୍କା ଚୋପ୍ରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଝିଅ ମାଲତିଙ୍କ ସହ ବିତାଇଥିବା ବେଷ୍ଟ ଫଟୋକୁ ସେୟାର କରିଛନ୍ତି । ପ୍ରଥମ ଫଟୋରେ ଅଭିନେତ୍ରୀ ତାଙ୍କ ଝିଅ ସହିତ ଆଉଟିଂ କରୁଥିବା ଦେଖିବାକୁ ମିଳିଥିଲା । ଏହି ଫଟୋରେ ମାଲତି ୱିଣ୍ଟର ଲୁକରେ ନଜର ଆସିଛନ୍ତି । ଅନ୍ୟ ଏକ ଫଟୋରେ ପ୍ରିୟଙ୍କା ତାଙ୍କ ଝିଅକୁ ଅତି ସ୍ନେହରେ ଧରି ଥିବାର ନଜର ଆସିଥିଲେ । ଉଭୟଙ୍କ ମଧ୍ୟରେ ଥିବା ସମ୍ପର୍କ ଏହି ଫଟୋରୁ ହିଁ ଜଣାପଡ଼ୁଛି । ଯାହା ଫ୍ୟାନ୍ସଙ୍କ ହୃଦୟକୁ ଜିତି ପାରିଛି ।
ଅନ୍ୟ ଏକ ଫଟୋରେ ଅଭିନେତ୍ରୀଙ୍କ ଝିଅ ମାଲତି ବ୍ଲୁ ଜ୍ୟାକେଟ୍ ଏବଂ ଧୂସର ରଙ୍ଗର କ୍ୟାପ୍ ପିନ୍ଧି ଥିବାର ନଜର ଆସିଥିଲେ । ଉକ୍ତ ଫଟୋରେ ସେ ପାର୍କରେ ଥିବା ଗଛ ତଳେ ଖେଳୁଥିଲେ । ଏହା ବ୍ୟତୀତ ଅନ୍ୟ ଏକ ଫଟୋରେ ମାଲତି ମ୍ୟୁଜିୟମରେ ଭାଲୁ ପ୍ରତିମୂର୍ତ୍ତିକୁ କପି କରୁଥିବା ଦେଖାଯାଇଛି ।
ପ୍ରିୟଙ୍କା ଏହି ଫଟୋଗୁଡ଼ିକରେ ଫ୍ୟାନ୍ସମାନଙ୍କୁ କ୍ରିସମାସ୍ ପ୍ରସ୍ତୁତିର ଝଲକ ମଧ୍ୟ ଦେଖାଇଛନ୍ତି । ଯେଉଁଥିରେ ମାଲତି କ୍ରିସମାସ ଗଛକୁ ସଜାଇଥିବାର ଦେଖାଯାଇଥିଲା । କହି ରଖିବାକୁ ଚାହିଁବୁ ଯେ ପ୍ରିୟଙ୍କା ଚୋପ୍ରା ୧୫ ଜାନୁୟାରୀ ୨୦୨୨ରେ ମାଲତିଙ୍କ ଜନ୍ମ ଦେଇଥିଲେ । ବର୍ତ୍ତମାନ ମାଲତିଙ୍କୁ ଦୁଇ ବର୍ଷ ବୟସ ।