ପୁଣି ଥରେ ବିବାହ ବନ୍ଧନରେ ବାନ୍ଧି ହେବାକୁ ମନ ବଳାଇଲେ ନାଗା ଚୈତନ୍ୟ, ଆଜି ଶୋଭିତାଙ୍କ ସହ କଲେ ନିର୍ବନ୍ଧ
ପୁଣି ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ସାଉଥ୍ ସୁପରଷ୍ଟାର ନାଗା ଚୈତନ୍ୟ । ତେବେ ସାମନ୍ଥା ରୁଥ୍ଙ୍କ ଠାରୁ ଅଲଗା ହେବା ପରେ ପୁଣି ଥରେ ଫ୍ୟାମିଲି ମ୍ୟାନ୍ ହେବାକୁ ମନ ବଳାଇଛନ୍ତି ଅଭିନେତା । ବର୍ତ୍ତମାନର ସୂଚନା ଅନୁସାରେ, ନାଗା ଚୈତନ୍ୟ ଗର୍ଲଫ୍ରେଣ୍ଡ ଶୋଭିତାଙ୍କୁ ଆଜି ନିର୍ବନ୍ଧ କରିଛନ୍ତି । ଏପରି ଭାବେ ଦୁଇ ଜଣଙ୍କ ରିଲେସନ୍ସିପ୍କୁ ପରିବାର ଠାରୁ ମଧ୍ୟ ଗ୍ରୀନ୍ ସିଗନାଲ୍ ମିଳିଛି । ତେବେ ଏପରି ମଧ୍ୟ ଖବର ରହିଛି ଯେ ନାଗା ଚୈତନ୍ୟ ଓ ଶୋଭିତାଙ୍କ ପରିବାର ଏବଂ ସାଙ୍ଗଙ୍କ ମଧ୍ୟରେ ଏହି ନିର୍ବନ୍ଧ କରିଛନ୍ତି । ଏହା ପରେ ଦୁଇ ଜଣ ନିଜ ସମ୍ପର୍କ ବିଷୟରେ ସୋସିଆଲ ମିଡିଆରେ ସେୟାର ମଧ୍ୟ କରିଛନ୍ତି ।
ଯଦି ଦୁଇ ଜଣଙ୍କ ବିଷୟରେ କହିବାକୁ ଗଲେ ଦୁଇ ଜଣ ଅଭିନେତା ଏବଂ ଅଭିନେତ୍ରୀ । ତେବେ ଏହି କପଲ ତାଙ୍କ ଅଭିନୟ ଜରିଆରେ ଅନେକ ଲୋକଙ୍କ ମନ ଜିତିଛନ୍ତି । ଏପରି ଭାବେ ଦର୍ଶକ ତାଙ୍କୁ ବହୁତ ଭଲ ପାଇବା ଦିଅନ୍ତି । ଶୋଭିତାଙ୍କ ଓ୍ଵାର୍କ ଫ୍ରାଣ୍ଟ ବିଷୟରେ କହିବାକୁ ଗଲେ ସେ ୨୦୧୩ରେ ଫେମିନା ମିସ୍ ଇଣ୍ଡିଆ ଅର୍ଥ ଟାଇଟଲ ମଧ୍ୟ ଜିତିଥିଲେ । ଏହାପରେ ସେ ଫିଲ୍ମ ଦୁନିଆରେ ପାଦ ଦେଇଥିଲେ । ଶୋଭିତା ହିନ୍ଦୀ, ତାମିଲ, ତେଲଗୁ, ମଲାୟଲମ, ଇଂଲିଶ ଆଦି ଫିଲ୍ମରେ ଅଭିନୟ କରିଛନ୍ତି ।
ଏପରି ମଧ୍ୟ ସୂଚନା ରହିଛି ଯେ ନାଗା ଚୈତନ୍ୟ ଏବଂ ସାମନ୍ଥା ଅଲଗା ହେବାର ପ୍ରାୟ ୩ ବର୍ଷ ପରେ ଶୋଭିତା ତାଙ୍କ ଲାଇଫ୍କୁ ଆସିଛନ୍ତି । ତେବେ ଏହି କପଲ ବିଦେଶରେ ଏକାଠି ରହୁଥିଲେ କିନ୍ତୁ ଏହାକୁ ନେଇ କୌଣସି ପ୍ରକାରର କଥା ସେୟାର କରିନଥିଲେ । କିନ୍ତୁ କିଛି ଦିନ ପୂର୍ବରୁ ଏହି କପଲ ୟୁରୋପରେ ଏକାଠି ବୁଲୁଥିବା ବେଳେ ଫ୍ୟାନ୍ସଙ୍କ ସାମ୍ନାରେ ସ୍ପଟ ହୋଇଥିଲେ । ତେବେ ଏହି କପଲଙ୍କ ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଯଦି ନାଗା ଚୈତନ୍ୟ ଏବଂ ସାମନ୍ଥାଙ୍କ ସମ୍ପର୍କ ବିଷୟରେ କଥା ହେବା ତାହେଲେ ଦୁଇ ଜଣ ୨୦୧୭ରେ ବିବାହ ବନ୍ଧନରେ ବାନ୍ଧି ହୋଇଥିଲେ । କିନ୍ତୁ ଏହି ବିବାହ ବେଶି ଦିନ ଚାଲିନଥିଲା । ୨୦୨୧ରେ ଏହି କପଲଙ୍କ ରାସ୍ତା ଅଲଗା ହୋଇଯାଇଥିଲା । ସେମାନେ ଛାଡପତ୍ର ନେଇ ଏହି ବନ୍ଧନରୁ ମୁକ୍ତ ହୋଇଯାଇଛନ୍ତି ।
