ରିଲିଜ୍ ହେଲା ଅନନ୍ୟା ପାଣ୍ଡେଙ୍କ ଆଗାମୀ ଫିଲ୍ମ ‘ଚାନ୍ଦ ମେରା ଦିଲ୍’ ର ପୋଷ୍ଟର୍, ଜାଣନ୍ତୁ କେବେ ହେବ ରିଲିଜ୍

ଅନନ୍ୟା ପାଣ୍ଡେ ତାଙ୍କର ଶେଷ ଫିଲ୍ମ CTRL ପାଇଁ ବେଶ ପ୍ରଶଂସା ସାଉଁଟୁଛନ୍ତି । ଏହି ଫିଲ୍ମରେ ଦର୍ଶକମାନେ ଅଭିନେତ୍ରୀଙ୍କ ଅଭିନୟକୁ ବହୁତ ପସନ୍ଦ କରିଥିଲେ ଏବଂ ବର୍ତ୍ତମାନ ଅନନ୍ୟା ପାଣ୍ଡେ ଜଣେ ନୂଆ ହିରୋଙ୍କ ସହ ନଜର ଆସିଛନ୍ତି । ଅନନ୍ୟା ପାଣ୍ଡେ ଏବଂ କିଲ୍ ଫେମ୍ ଅଭିନେତା ଲକ୍ଷ ଲାଲୱାନୀଙ୍କୁ ଏକ ରୋମାଣ୍ଟିକ ଡ୍ରାମାରେ ଏକାଠି ଦେଖିବାକୁ ମିଳିବ । ନିକଟରେ ଭିହାନ ସମତଙ୍କ ସହ Ctrl ଫିଲ୍ମରେ ଅନନ୍ୟାଙ୍କୁ ରୋମାନ୍ସ କରୁଥିବାର ଦେଖିବାକୁ ମିଳିଥିଲା । ଏବେ ଅନନ୍ୟା ତାଙ୍କ ଆଗାମୀ ଫିଲ୍ମ ‘ଚାନ୍ଦ ମେରା ଦିଲ’ରେ ନଜର ଆସିବାକୁ ଯାଉଛନ୍ତି ।

ଅନନ୍ୟାଙ୍କ ସହ ସେ ଫିଲ୍ମରେ ଲକ୍ଷ ଲାଲୱାନୀଙ୍କ ସହ ଅନସ୍କ୍ରିନ ରୋମାନ୍ସ କରିବେ । ଏହି ଫିଲ୍ମ ଆସନ୍ତା ବର୍ଷ ରିଲିଜ ହେବାକୁ ଯାଉଛି । ଅନନ୍ୟା ପାଣ୍ଡେ ତାଙ୍କ ଆଗାମୀ ଫିଲ୍ମ ‘ଚାନ୍ଦ ମେରା ଦିଲ’ର ପୋଷ୍ଟର ସେୟାର କରିଛନ୍ତି । ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଅନନ୍ୟା ଲେଖିଛନ୍ତି, ‘ପ୍ରେମରେ ଟିକିଏ ପାଗଳ ହେବାକୁ ପଡ଼ିବ । ଚାନ୍ଦ ମେରା ଦିଲ୍, ଫିଲ୍ମ ଆସନ୍ତା ବର୍ଷ ୨୦୨୫ ଖ୍ରୀଷ୍ଟମାସରେ ରିଲିଜ ହେବ । ବିବେକ ସୋନି ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ଏହି ଫିଲ୍ମଟି ଧର୍ମା ପ୍ରଡକ୍ସନ୍ସ ଦ୍ୱାରା ପ୍ରସ୍ତୁତ କରାଯାଇଛି ।

ଏହି ଫିଲ୍ମ ଆସନ୍ତା ବର୍ଷ ୨୦୨୫ ରେ ଡିସେମ୍ବରରେ ଖ୍ରୀଷ୍ଟମାସ ଦିନ ସିନେମାହଲକୁ ଆସିବ । ଏକ ନୂଆ ହିରୋ ସହିତ ଏହା ଅନନ୍ୟାଙ୍କର ଦ୍ୱିତୀୟ ଫିଲ୍ମ । ଏହାପୂର୍ବରୁ ଭିହାନ ସମତଙ୍କ ସହ ଅନନ୍ୟା ପାଣ୍ଡେଙ୍କ ଯୋଡିକୁ ବହୁତ ପସନ୍ଦ କରାଯାଇଥିଲା । ବର୍ତ୍ତମାନ ଅନନ୍ୟା ପାଣ୍ଡେ ଏହି ଫିଲ୍ମକୁ ନେଇ ବହୁତ ଉତ୍ସାହିତ ଅଛନ୍ତି । ଗତ ୫ ବର୍ଷରେ ଅନନ୍ୟା ପାଣ୍ଡେ ବଲିଉଡରେ ନିଜର ସ୍ୱତନ୍ତ୍ର ସ୍ଥାନ ତିଆରି କରିଛନ୍ତି । ଅନନ୍ୟା ୨୦୧୯ରେ ଫିଲ୍ମ ‘ଷ୍ଟୁଡେଣ୍ଟ ଅଫ୍ ଦି ଇୟର 2’ ରୁ ନିଜ କ୍ୟାରିଅର୍ ଆରମ୍ଭ କରିଥିଲେ ।

ଅନନ୍ୟାଙ୍କ ଏହି ଫିଲ୍ମ ବକ୍ସ ଅଫିସରେ ହିଟ୍ ହୋଇଥିଲା । ଏହା ପରେ ଅନନ୍ୟାଙ୍କ ଫିଲ୍ମ କ୍ୟାରିଅର୍ ବହୁତ ଭଲ ଚାଲିଛି । ଏହା ପରେ ଅନନ୍ୟା ଗତ ୫ ବର୍ଷରେ ଅନେକ ସାନଦାର ଫିଲ୍ମ କରିଛନ୍ତି ଏବଂ ଏହିସବୁ ଫିଲ୍ମ ବକ୍ସ ଅଫିସରେ ହିଟ୍ ମଧ୍ୟ ହୋଇଛି । ନିକଟରେ ନେଟଫ୍ଲିକ୍ସରେ ଆସିଥିବା ଅନନ୍ୟା ପାଣ୍ଡେଙ୍କ ଫିଲ୍ମ Ctrl ମଧ୍ୟ ଦର୍ଶକଙ୍କୁ ବହୁତ ପସନ୍ଦ ଆସିଥିଲା । ଏହି ଫିଲ୍ମରେ ଅନନ୍ୟା ପାଣ୍ଡେଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା । ଏବେ ଅନନ୍ୟା ପୁଣି ଥରେ ବଡ ପରଦାରେ ଧମାଲ କରିବାକୁ ଯାଉଛନ୍ତି ।