ଦକ୍ଷିଣ ଭାରତୀୟ ଅଭିନେତା ଶରଥ ବାବୁଙ୍କ ଦେହାନ୍ତରେ ଟ୍ଵିଟ କଲେ ପ୍ରଧାନମନ୍ତ୍ରୀ
ଶରଥ ବାବୁଙ୍କ ଅକାଳ ବିୟୋଗ ସମସ୍ତ ଫିଲ୍ମ ଜଗତକୁ ସ୍ତବ୍ଧ କରିଛି । ଶରଥ ବାବୁଙ୍କ ଦେହାନ୍ତରେ ଟ୍ଵିଟ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଶରଥ ବାବୁ ନାମି ଦାମୀ କଳାକାରଙ୍କ ମଧ୍ୟରୁ ଅନ୍ୟତମ । ତାଙ୍କ ଫ୍ୟାନ ଫୋଲୋଇଙ୍ଗ କେବଳ ଭାରତ ନୁହେଁ ଭାରତ ବାହାରେ ମଧ୍ୟ ଥିଲା ।
(କେନ୍ୟୁଜ ବ୍ୟୁରୋ): ତେଲୁଗୁ ଅଭିନେତା ଶରଥ ବାବୁଙ୍କ ଦେହାନ୍ତରେ ଟ୍ଵିଟ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଶରଥ ବାବୁଙ୍କ ଅକାଳ ବିୟୋଗ ସମସ୍ତ ଫିଲ୍ମ ଜଗତକୁ ସ୍ତବ୍ଧ କରିଛି । ୭୧ ବର୍ଷ ବୟସରେ କଳାକାରଙ୍କ ଦେହାନ୍ତ ହୋଇଥିବା ସୂଚନା ମିଳିଛି । ଶରଥ ବାବୁଙ୍କ ପରିବାର ଲୋକେ ଏ ସମ୍ପର୍କିତ ଖବର ଗଣମାଧ୍ୟମକୁ ଜଣାଇଛନ୍ତି ।
ସୂଚନାଯୋଗ୍ୟ ଯେ, ବୟସ ସମ୍ବନ୍ଧିତ ଅସୁସ୍ଥତା କାରଣରୁ ତାଙ୍କୁ ହାଇଦ୍ରାବାଦର ଏଆଇଜି ହସ୍ପିଟାଲରେ ଭର୍ତ୍ତି କରାଯାଇଥିଲା । ହସ୍ପିଟାଲରେ ଭର୍ତ୍ତି ହେବାର ଏକ ମାସ ବିତି ଯାଇଥିବା ସୂଚନା ମିଳିଛି । ତେବେ ସୋମବାର ସକାଳ ସମୟରେ ହଠାତ ଶରଥଙ୍କ ସ୍ୱାସ୍ଥ୍ୟବସ୍ଥା ବିଗିଡ଼ିବାରେ ଲାଗିଥିଲା । ଶରୀରର ଅନେକ ଅଙ୍ଗ କାମ କରିବା ବନ୍ଦ ହୋଇଯାଇଥିଲା ଏବଂ ଦ୍ୱିପ୍ରହର ସମୟରେ ସେ ସମସ୍ତଙ୍କୁ ଛାଡ଼ି ଆରପାରିକୁ ଚାଲି ଯାଇଥିଲେ । ଶରଥ ବାବୁ ନାମି ଦାମୀ କଳାକାରଙ୍କ ମଧ୍ୟରୁ ଅନ୍ୟତମ । ତାଙ୍କ ଫ୍ୟାନ ଫୋଲୋଇଙ୍ଗ କେବଳ ଭାରତ ନୁହେଁ ଭାରତ ବାହାରେ ମଧ୍ୟ ଥିଲା ।
ଶରଥ ବାବୁଙ୍କ ଜନ୍ମ ୧୯୫୧ ମସିହା ଜୁଲାଇ ୩୧ରେ ଆନ୍ଧ୍ରପ୍ରଦେଶର ଅମଦଲାବଲସା ଠାରେ ହୋଇଥିଲା । କ୍ରିମିନାଲ, ଓଥିରୀ ପୁକ୍କଲ ଏବଂ ଶିରିଡ଼ି ସାଇ ଭଳି ଚଳଚ୍ଚିତ୍ର ପାଇଁ ଫ୍ୟାନ୍ସ ମାନେ ତାଙ୍କୁ ସର୍ବଦା ମନେ ରଖିବେ । ୧୯୭୩ ମସିହାରେ ରିଲିଜ ହୋଇଥିବା ‘ରାମ ରାଜ୍ୟମ’ ଚଳଚ୍ଚିତ୍ରରୁ ଫିଲ୍ମ ଜଗତରେ ପାଦ ଥାପିଥିଲେ ଶରଥ । ତେବେ ୧୯୭୪ ମସିହାରେ ଶରଥ ଅଭିନେତ୍ରୀ ରମା ପ୍ରଭାଙ୍କୁ ବିବାହ କରିଥିଲେ। କିନ୍ତୁ ୧୯୮୮ ମସିହାରେ ହିଁ ଦୁଇ ଜଣ ଅଲଗା ହୋଇଯାଇଥିଲେ । ପରେ ସ୍ନେହା ନାମ୍ବିଆରଙ୍କୁ ବିବାହ କରିଥିଲେ ଶରଥ କିନ୍ତୁ ୨୦୧୧ ମସିହାରେ ହିଁ ଦୁଇଜଣଙ୍କ ଛାଡ଼ପତ୍ର ହୋଇଥିଲା ।
Shri Sarath Babu Ji was versatile and creative. He will be remembered for several popular works in several languages during his long film career. Pained by his passing away. Condolences to his family and admirers. Om Shanti.
— Narendra Modi (@narendramodi) May 22, 2023
ତେବେ ନିକଟରେ ରିଲିଜ ହୋଇଥିବା ତାମିଲ ଫିଲ୍ମ ‘ବସନ୍ତ ମୁଲଇ’ରେ ଶରଥ ବାବୁ ନଜର ଆସିଥିଲେ। ଅନ୍ୟପଟେ ରିଲିଜ ହେବାକୁ ଥିବା ‘ ମଲ୍ଲୀ ପେଲ୍ଲୀ’ ଚଳଚ୍ଚିତ୍ରରେ ଶରଥଙ୍କ ମହତ୍ତ୍ୱପୂର୍ଣ୍ଣ ଭୂମିକା ରହିଛି । ଶୁକ୍ରବାର ରିଲିଜ ହେବାକୁ ଥିବା ଏହି ଚଳଚ୍ଚିତ୍ରଟି ଶରଥ ବାବୁଙ୍କ ପାଇଁ ଶ୍ରଦ୍ଧାଞ୍ଜଳି ହେବ । ଶରଥ ବାବୁଙ୍କ ଦେହାନ୍ତ ଫିଲ୍ମ ଜଗତକୁ ଏକ ଝଟକା ସଦୃଶ । ସୋସିଆଲ ମିଡିଆରେ ଫ୍ୟାନ୍ସ ତଥା ଫିଲ୍ମ ଜଗତ ସହିତ ଜଡ଼ିତ ଲୋକମାନେ ଶରଥ ବାବୁଙ୍କୁ ଶ୍ରଦ୍ଧାଞ୍ଜଳି ଜଣାଉଛନ୍ତି ।