ପ୍ରିୟଙ୍କା ଚୋପ୍ରା କିଛି ଦିନ ହେବ ତାଙ୍କର ଅପକମିଂ ଫିଲ୍ମ ‘ଦ ବ୍ଲଫ୍’ର ସୁଟିଂରେ ବ୍ୟସ୍ତ ଅଛନ୍ତି । ଆଜିକାଲି ଏହି ଅଭିନେତ୍ରୀ ଅଷ୍ଟ୍ରେଲିଆରେ ଅଛନ୍ତି, ଯେଉଁଠାରେ ତାଙ୍କ ସ୍ୱାମୀ ନିକ ଜୋନସ ଏବଂ ଝିଅ ମାଲତୀ ମେରି ମଧ୍ୟ ତାଙ୍କ ସହ ଅଛନ୍ତି । ଏଭଳି ପରିସ୍ଥିତିରେ ଅଭିନେତ୍ରୀ ସୁଟିଂ ପରେ ପାରିବାରିକ ସମୟ ମଧ୍ୟ ବିତାଉଛନ୍ତି । ପ୍ରିୟଙ୍କା ପ୍ରାୟତଃ ଫିଲ୍ମ ” ଦ ବ୍ଲଫ୍ ‘ସେଟ୍ର ଫଟୋ ଏବଂ ଭିଡିଓ ସେୟାର କରନ୍ତି, ଯାହା ଦ୍ବାରା ଜଣାପଡିଥାଏ ଯେ ଏହି ଫିଲ୍ମରେ ଅଭିନେତ୍ରୀଙ୍କୁ ଏକ ଆକ୍ସନ୍ ଲୁକ୍ ରେ ଦେଖିବାକୁ ମିଳିବ। ନିକଟରେ ଫିଲ୍ମ ଦି ବ୍ଲଫର ସୁଟିଂ ସମୟରେ ପ୍ରିୟଙ୍କାଙ୍କ ବେକରେ ଗଭୀର ଆଘାତ ଲାଗିଥିଲା ଏବଂ ବର୍ତ୍ତମାନ ପୁଣି ତାଙ୍କର ଏକ ଭିଡିଓ ଚର୍ଚ୍ଚାର ବିଷୟ ପାଲଟିଛି । ଯେଉଁଥିରେ ପ୍ରିୟଙ୍କାଙ୍କ ଫ୍ୟାନ୍ସ ତାଙ୍କ ପାଇଁ ଦୁଃଖ ପ୍ରକାଶ କରୁଛନ୍ତି ।
ତେବେ ଭିଡିଓରେ ପ୍ରିୟଙ୍କା ଚୋପ୍ରା ରକ୍ତାକ୍ତ ପୋଷାକ ପିନ୍ଧିଥିବାର ନଜର ଆସିଛନ୍ତି, ତାଙ୍କ ମୁହଁରେ ରକ୍ତ ଛିଞ୍ଚି ପଡିଛି ଏବଂ ଗୋଡରେ ଆଘାତ ଲାଗିଛି । ତାଙ୍କର ଏହି ଭିଡିଓ ଦେଖି ତାଙ୍କ ପ୍ରଶଂସକମାନେ ଚିନ୍ତିତ ଅଛନ୍ତି । ଭିଡିଓରେ ପ୍ରିୟଙ୍କା କ୍ୟାମେରା ଆଗରେ ଆସି ତାଙ୍କ ଗୋଡରେ ଥିବା କ୍ଷତ ଦେଖାଇଛନ୍ତି। ତାଙ୍କ ଗୋଡରେ ଅନେକ ସ୍ଥାନରେ କ୍ଷତ ଦେଖାଯାଏ । ଏହାପୂର୍ବରୁ, ଫିଲ୍ମ ଦି ବ୍ଲଫ୍ ପାଇଁ ସୁଟିଂ କରୁଥିବାବେଳେ ଅଭିନେତ୍ରୀଙ୍କ ବେକ ଏବଂ ମୁହଁରେ ଆଘାତ ଲାଗିଥିଲା, ଯାହାର ଝଲକ ପ୍ରିୟଙ୍କା ସୋସିଆଲ ମିଡିଆରେ ସେୟାର କରିଥିଲେ ।
ଏହି ଭିଡିଓ ସହିତ ପ୍ରିୟଙ୍କା ଚୋପ୍ରା ମଧ୍ୟ କିଛି ଫଟୋ ସେୟାର କରିଛନ୍ତି, ଯେଉଁଥିରେ ସେ ସ୍ୱାମୀ ନିକ ଜୋନସ ଏବଂ ଝିଅ ମାଳତୀ ମେରିଙ୍କ ସହ ସମୟ ଅତିବାହିତ କରୁଥିବା ଦେଖିବାକୁ ମିଳିଛି । ଭିଡିଓ ଏବଂ ଫଟୋ ସେୟାର କରିବାବେଳେ ପ୍ରିୟଙ୍କା କ୍ୟାପସନରେ ଲେଖିଛନ୍ତି – ‘ଆଜିକାଲି।’ ଏହା ସହିତ ସେ ଦି ବ୍ଲଫ୍ ର ହ୍ୟାସଟ୍ୟାଗ୍ ଏବଂ କିଛି ଇମୋଜି ବ୍ୟବହାର କରିଛନ୍ତି । ସୋସିଆଲ ମିଡିଆରେ ଏହି ଫଟୋଗୁଡ଼ିକରେ ପ୍ରଶଂସକଙ୍କ ବିଭିନ୍ନ ପ୍ରତିକ୍ରିୟା ଦେଖିବାକୁ ମିଳିଛି । ଏପରି ଫ୍ୟାନ୍ସମାନେ ପ୍ରିୟଙ୍କାଙ୍କ ପାଇଁ ଦୁଃଖ ମଧ୍ୟ ପ୍ରକାଶ ମଧ୍ୟ କରିଛନ୍ତି ।
ପ୍ରିୟଙ୍କା ଚୋପ୍ରା ବର୍ତ୍ତମାନ ତାଙ୍କ ଅପକମିଂ ହଲିଉଡ ଫିଲ୍ମ ଦି ବ୍ଲଫର ସୁଟିଂରେ ବ୍ୟସ୍ତ ଅଛନ୍ତି । ଏହି ବହୁ ପ୍ରତୀକ୍ଷିତ ଫିଲ୍ମରେ ପ୍ରିୟଙ୍କା କାର୍ଲ ଅର୍ବନ, ଇସମାଇଲ କ୍ରୁଜ କର୍ଡୋଭା, ସଫିଆ ଓକଲି-ଗ୍ରୀନ୍ ପରି ଇଣ୍ଟରନେସନାଲ ଷ୍ଟାରମାନଙ୍କ ସହିତ ସ୍କ୍ରିନ୍ ସ୍ପେସ୍ ସେୟାର କରିବାକୁ ଯାଉଛନ୍ତି । ଏହି ଫିଲ୍ମରେ ପ୍ରିୟଙ୍କା ଅନେକ ଦମଦାର ଆକ୍ସନ୍ ମଧ୍ୟ କରିବାକୁ ଯାଉଛନ୍ତି ।