ଆମେରିକାରେ ପଞ୍ଜାବୀ ଅଭିନେତା ଅମନ ଧାଲିୱାଲଙ୍କୁ ଜିମ୍ରେ ମରଣାନ୍ତକ ଆକ୍ରମଣ, ଭିଡିଓରେ ରକ୍ତ ଜୁଡୁବୁଡୁ ନଜର ଆସିଲେ
ପଞ୍ଜାବର ଜଣାଶୁଣା ଅଭିନେତା ଅମନ ଧାଲିୱାଲଙ୍କୁ ଆମେରିକାରେ ମରଣାନ୍ତକ ଆକ୍ରମଣ କରାଯାଇଛି। ଏଥିରେ ଅଭିନେତାଙ୍କ ମୁଣ୍ଡ, କାନ୍ଧ, ଗଳା ଏବଂ ହାତରେ ଗୁରୁତର ଆଘାତ ଲାଗିଛି। ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଛି।
‘ଯୋଦ୍ଧା ଆକବର’ ଏବଂ ‘ବିଗ୍ ବ୍ରଦର’ ଭଳି ଚଳଚ୍ଚିତ୍ରରେ ନଜର ଆସିଥିବା ପଞ୍ଜାବର ଜଣାଶୁଣା ଅଭିନେତା ଅମନ ଧାଲିୱାଲଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଏହି ଭିଡିଓରେ ଦେଖିବାକୁ ମିଳୁଛି ଯେ ଆମେରିକାର କାଲିଫର୍ଣ୍ଣିଆରେ ଏକ ଜିମ୍ରେ ଓ୍ଵାର୍କଆଉଟ୍ କରୁଥିବା ଅମନଙ୍କ ଉପରେ ମରଣାନ୍ତକ ଆକ୍ରମଣ ହେଉଛି। ଜଣେ ଅଜଣା ବ୍ୟକ୍ତି ତାଙ୍କୁ କୁରାଢ଼ିରେ ଆକ୍ରମଣ କରୁଛନ୍ତି।
ସୋସିଆଲ ମିଡିଆରେ ଭାଇରାଲ ଏହି ଭିଡିଓରେ ଅମନ ନିଜକୁ ବଞ୍ଚାଉଥିବା ନଜର ଆସୁଛନ୍ତି। ଯଦିଓ ଆକ୍ରମଣକାରୀଙ୍କଠାରୁ ନିଜକୁ ରକ୍ଷା କରିବା ବେଳେ ଅମନଙ୍କୁ ଗଭୀର ଆଘାତ ଲାଗିଥିଲା ଏବଂ ସେ ଗୁରୁତର ଆହତ ହୋଇଥିଲେ।
ଏହି ଭିଡିଓକୁ ଜଣେ ୟୁଜର ଟ୍ୱିଟରରେ ସେୟାର କରିଛନ୍ତି। ଆମେରିକାରେ ସକାଳ ପ୍ରାୟ ସାଢ଼େ ୯ଟାରେ ଏହି ଘଟଣା ଘଟିଥିଲା। ଏହି ଭାଇରାଲ୍ ଭିଡିଓରେ ଜଣେ ଅଜଣା ବ୍ୟକ୍ତି ଆକ୍ଟରଙ୍କ ହାତ ଧରିଥିବା ବେଳେ ଅନ୍ୟ ହାତରେ କୁରାଢ଼ି ରହିଛି। ଆକ୍ରମଣକାରୀ ଏହା କହୁଥିବାର ବି ନଜର ଆସୁଛନ୍ତି କି, ମୋତେ ପାଣି ଦରକାର।
ବ୍ୟକ୍ତି ଜଣକ ଅଭିନେତାଙ୍କୁ ଧମକ ଦେଉଥିବାର ମଧ୍ୟ ନଜର ଆସିଛନ୍ତି। ଭିଡିଓରେ ଆପଣ ସ୍ପଷ୍ଟ ଭାବରେ ଦେଖିପାରିବେ ଯେ ଅଭିନେତାଙ୍କ ହାତ ଧରିଥିବା ବ୍ୟକ୍ତିଙ୍କ ଧ୍ୟାନ ଯେତେବେଳେ ଏଠିସେଠି ହେଉଛି, ତ ଏହି ସୁଯୋଗରେ ଅଭିନେତା ଜଣକ ହଠାତ୍ ତାଙ୍କୁ କାବୁ କରି ନେଉଛନ୍ତି।
ଭିଡିଓରେ କାଲିଫର୍ଣ୍ଣିଆ ଜିମ୍ରେ ଉପସ୍ଥିତ ଥିବା କିଛି ସାଥୀ ଅଭିନେତାଙ୍କୁ ସାହାଯ୍ୟ କରୁଥିବାର ଦେଖାଯାଉଛି ଏବଂ ସେମାନେ ଆକ୍ରମଣକାରୀଙ୍କୁ ଜୋର୍ରେ ଜାବୁଡ଼ି ଧରି ରଖିଛନ୍ତି। ରିପୋର୍ଟ ଅନୁସାରେ, ଆକ୍ରମଣକାରୀ ବ୍ୟକ୍ତି ବର୍ତ୍ତମାନ ପୋଲିସ ହେପାଜତରେ ଅଛନ୍ତି। ସେପଟେ ଏହି ଘଟଣା ପରେ ଅଭିନେତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିଲା। ଅଭିନେତାଙ୍କ ମୁଣ୍ଡ, କାନ୍ଧ, ଗଳା ଏବଂ ହାତରେ ଗୁରୁତର ଆଘାତ ଲାଗିଛି।
Famous actor Aman Dhaliwal, who has worked in Punjabi and Hindi films, has been fatally attacked in America. The attack took place when he was exercising in the gym.
An assailant entered the gym armed with a knife and launched an attack. pic.twitter.com/4CgtTYJB3y— Parmeet Bidowali (@ParmeetBidowali) March 16, 2023
