‘ଇଣ୍ଡିଆଜ୍ ଲାଫ୍ଟର ଚାମ୍ପିୟନ’ର ଟ୍ରଫି ହାତେଇଲେ ରଜତ ସୁଦ; ପାଇଲେ ଏତେ ଲକ୍ଷ ଟଙ୍କା! ଜାଣନ୍ତୁ କିଏ ହେଲେ ପ୍ରଥମ ଓ ଦ୍ୱିତୀୟ ରନର-ଅପ୍
ସୋନି ଏଣ୍ଟରଟେନ୍ମେଣ୍ଟ ଟେଲିଭିଜନର କମେଡି ଶୋ’ ‘ଇଣ୍ଡିଆଜ୍ ଲାଫ୍ଟର ଚାମ୍ପିୟନ’ର ଫିନାଲେ ଦିଲ୍ଲୀର ରଜତ ସୁଦ୍ ଜିତି ନେଇଛନ୍ତି। ଶନିବାର ‘ଲାଫ୍ଟରର ଗ୍ରାଣ୍ଡ ଫିନାଲେ’ରେ ଶ୍ରେଷ୍ଠ ୫ ପ୍ରତିଯୋଗୀ ପହଞ୍ଚିଥିଲେ। ଏଥିରେ ଥିଲେ ମୁମ୍ବାଇର ନିତେଶ ସେଟ୍ଟୀ, ଜୟ ବିଜୟ ସଚାନ ଓ ବିଘ୍ନେଶ ପାଣ୍ଡେ, ଉଜ୍ଜୈନର ହିମାଂଶୁ ବାଓ୍ଵନ୍ଦର ଏବଂ ଦିଲ୍ଲୀର ରଜତ ସୁଦ୍।
ଫାଇନାଲିଷ୍ଟ୍ଙ୍କ ମନୋବଳ ବଢ଼ାଇବା ପାଇଁ ନିକଟରେ ରିଲିଜ୍ ହୋଇଥିବା ଫିଲ୍ମ ‘ଲାଇଗର’ର ଲିଡ୍ ଯୋଡ଼ି ବିଜୟ ଦେବରକୋଣ୍ଡା ଓ ଅନନ୍ୟା ପାଣ୍ଡେ ମଧ୍ୟ ଉପସ୍ଥିତ ଥିଲେ।
କଡ଼ା ପ୍ରତିଦ୍ୱନ୍ଦ୍ୱିତା ମଧ୍ୟରେ ଶୋ’ର ଜଜ୍ ଅର୍ଚ୍ଚନା ପୂରଣ ସିଂ ଓ ଶେଖର ସୁମନ ଟପ୍ ୫ ଫାଇନାଲିଷ୍ଟ୍ଙ୍କ ମଧ୍ୟରୁ ଦିଲ୍ଲୀର ରଜତ ସୁଦ୍ଙ୍କୁ ‘ଇଣ୍ଡିଆଜ୍ ଲାଫ୍ଟର ଚାମ୍ପିୟନ’ର ଟ୍ରଫିରେ ସମ୍ମାନିତ କରିଥିଲେ। ଏଥି ସହିତ ସୋନି ଏଣ୍ଟରଟେନମେଣ୍ଟ ଚ୍ୟାନେଲ ତରଫରୁ ରଜତଙ୍କୁ ୨୫ ଲକ୍ଷ ଟଙ୍କାର ଚେକ୍ ଦିଆଯାଇଥିଲା।
ମୁମ୍ବାଇର ନିତେଶ ସେଟ୍ଟୀଙ୍କୁ ପ୍ରଥମ ରନର-ଅପ୍ ଏବଂ ଜୟ ବିଜୟ ସଚାନ ଓ ବିଘ୍ନେଶ ପାଣ୍ଡେଙ୍କୁ ଦ୍ୱିତୀୟ ରନର-ଅପ୍ ଘୋଷଣା କରାଯାଇଥିଲା। କହି ରଖୁଛୁ, ରଜତ ସୁଦ ଶୋ’ରେ ଖୁବ୍ କମେଡି କରୁଥିବାର ନଜର ଆସିଥିଲେ, କିନ୍ତୁ ସେ ନିଜର ଏହି କଳାକୁ ‘ପାମେଡି’ ନାଁ ଦେଇଥିଲେ। ତାଙ୍କର ଏହି ଅନ୍ଦାଜକୁ ମଧ୍ୟ ଲୋକମାନେ ଖୁବ୍ ପସନ୍ଦ କରିଥିଲେ।
