ବଲିଉଡ଼ର ଡ୍ରାମା କୁଇନ୍ ରାକ୍ଷୀ ସାୱନ୍ତ ସବୁବେଳେ କିଛି ନା କିଛି କାରଣରୁ ଚର୍ଚ୍ଚାରେ ରହିଥାଆନ୍ତି । ସେହିପରି ବର୍ତ୍ତମାନ ସେ ନିଜର ସିକ୍ରେଟ ମ୍ୟାରେଜ କୁ ନେଇ ଚର୍ଚ୍ଚାରେ ରହିଛନ୍ତି । ଏହି ବିବାହରେ ଅନେକ କିଛି ଅଂଶକୁ ବର୍ତ୍ତମାନ ପର୍ଯ୍ୟନ୍ତ କେହି ବୁଝି ପାରି ନଥିବା ବେଳେ ରାକ୍ଷୀ ମିଡିଆକୁ କହିଛନ୍ତି ଯେ ସେ ରିତେଶ ନାମକ ଏକ ଏନଆରଆଇଙ୍କୁ ବିବାହ କରିଛନ୍ତି । ଯିଏକି ଅତିଶୀଘ୍ର ମିଡିଆ ଏବଂ ଲୋକ ମାନଙ୍କ ସାମ୍ନାକୁ ଆସିବେ । କିନ୍ତୁ ଏହା ମଧ୍ୟରେ ତାଙ୍କର ତଥାକଥିତ ପ୍ରେମୀ ଦୀପକ କଲାଲ୍ ଏକ ଆଶ୍ଚର୍ଯ୍ୟକର ବୟାନ ଦେଇଛନ୍ତି ।
View this post on Instagram
Kaisa hoga Mera Baccha? Waise Sher ka Baccha Sher hi hoga…. Plz comment Fans…..
ଦୀପକ କଲାଲ୍ କହିଛନ୍ତି ଯେ ରାକ୍ଷୀ ସାୱନ୍ତ ତାଙ୍କ ପିଲାର ମା ହେବାକୁ ଯାଉଛନ୍ତି ଏବଂ ସାତ ମାସ ମଧ୍ୟରେ ସତ ଦୁନିଆ ସାମ୍ନାକୁ ଆସିବ । ଦିପକ୍ କଲାଲ୍ ନିଜର ଇନଷ୍ଟାଗ୍ରାମ ଆକଉଣ୍ଟରେ ଏକ ପୋଷ୍ଟ ସେୟାର କରିଛନ୍ତି । ଏହି ପୋଷ୍ଟରେ ସେ ରାକ୍ଷୀ ସାୱନ୍ତ ଗର୍ଭବତୀ ଥିବାର ଦାବି କରିବା ସହ ଲେଖିଛନ୍ତି ” ରାକ୍ଷୀ ତୁମ ପେଟରେ ମୋର ପିଲା ବଢୁଛି ଏବଂ ସେ ନିଜ ବାପାର ଅପମାନର ପ୍ରତିଶୋଧ ନିଶ୍ଚୟ ନେବ” ।
ଏହାସହ ପଢନ୍ତୁ ପ୍ରଭାସଙ୍କ ‘ସାହୋ’ ଭାଙ୍ଗିଲା ୨୦୧୯ ର ଫାଷ୍ଟ ସଣ୍ଡେ ରେକର୍ଡ କିନ୍ତୁ ରହିଗଲେ ଭାଇଜାନଙ୍କଠୁ ପଛରେ
ଏହା ପୂର୍ବରୁ ଦିପକ୍ କଲାଲ୍ ମିଡିଆକୁ କହିଥିଲେ ଯେ ରାକ୍ଷୀ ତାଙ୍କୁ ଧୋକା ଦେଇଛନ୍ତି । ରାକ୍ଷୀ ତାଙ୍କୁ ବିବାହ କରିବା ପାଇଁ ପ୍ରତିଜ୍ଞା କରିଥିଲେ ଯେଉଁଥିପାଇଁ ସେ ରାକ୍ଷୀ ସାୱନ୍ତଙ୍କୁ ଚାରି କୋଟି ଟଙ୍କା ଦେଇଥିଲେ । ଏହା ପୂର୍ବରୁ ମଧ୍ୟ ଦିପକ୍ ଏକ ଭିଡିଓରେ ରାକ୍ଷୀଙ୍କୁ ବହୁତ ଗାଳି କରିଥିଲେ ଏବଂ କହିଥିଲେ ରାକ୍ଷୀ ତୁମକୁ ଲାଜ ଲାଗିବା କଥା ‘ ।
ଦୀପକଙ୍କର ଏହି ଆଗ୍ରେସିଭ ଭିଡିଓ ଭାଇରଲ ହେବାପରେ ରାକ୍ଷୀ କିଭଳି ଭାବେ ଚୁପ ହୋଇ ରହିପାରିଥାନ୍ତେ ! ସେ ମଧ୍ୟ ଦୀପକଙ୍କୁ ଏହାର କଡା ଜବାବ ଦେଇଥିଲେ ଦେଇଥିଲେ । ଏହାପରେ ରାକ୍ଷୀ ମଧ୍ୟ ଏକ ଭିଡିଓ ସେୟାର କରିଥିଲେ । ଯେଉଁଥିରେ ସେ ଲେଖିଥିଲେ ଯେ ” ଯେଉଁଭଳି ଭାବେ ସାବିତ୍ରୀ ନିଜ ପତିଙ୍କ ପ୍ରାଣ ଯମରାଜଙ୍କ ଠାରୁ ଛଡାଇ ଆଣିଥିଲେ, ଆଜି ଯେତେବେଳେ ତୁ ମୋ ସ୍ୱାମୀଙ୍କ ବିରୋଧରେ କହିଛୁ ତୁ ଜାଣିନୁ ମୁଁ କିଏ । ମୁଁ ଜଣେ ପତିବ୍ରତା । ତୁ ଯେଉଁ ପାତାଳ ଭିତରେ ଲୁଚିଲେ ମଧ୍ୟ ମୁଁ ତତେ ଖୋଜି ବାହାର କରିବି । ଆଜି ପର୍ଯ୍ୟନ୍ତ ତୁ ମୋର ଭଲ ରୂପ ଦେଖିଛୁ କିନ୍ତୁ ବର୍ତ୍ତମାନ ତୁ ମୋର କାଳୀ ରୂପ ଦେଖିବୁ । ମୁଁ ତତେ ପାତାଳ ଭିତରୁ ଖୋଜି ବାହାର କରିବି ଏବଂ ରାଧେ ମାଆଙ୍କ ତ୍ରିଶୂଳରେ ଖିନଭିନ୍ କରି ମାରିବି ।
ବର୍ତ୍ତମାନ ଦେଖିବାକୁ ବାକି ରହିଲା ଯେ ଦୀପକଙ୍କର ଏହି ଦାବି ପରେ ରାକ୍ଷୀ କେଉଁଭଳି ଭାବେ ନିଜର ପ୍ରତିକ୍ରିୟା ରଖୁଛନ୍ତି । ସୂଚନା ଅନୁଯାୟୀ ନିକଟରେ ରାକ୍ଷୀ ସାୱନ୍ତ କହିଛନ୍ତି ଯେ ତାଙ୍କ ପତିଙ୍କ ନାମ ରିତେଶ ଅଟେ ଏବଂ ସେ ବିବାହ ପରେ ଆମେରିକା ଚାଲି ଯାଇଛନ୍ତି । ମୋର ଭିସା ଆସିବା ପରେ ମୁଁ ମଧ୍ୟ ତାଙ୍କ ପାଖକୁ ଆମେରିକା ଚାଲିଯିବି । ଏହା ସହିତ ସେ କହିଛନ୍ତି କି ଏହାପରେ ମଧ୍ୟ ମୁଁ ଭାରତରେ କାମ କରିବା ଜାରି ରଖିବି । ମୁଁ ସବୁବେଳେ ଏକ ଟିଭି ଶୋ ପ୍ରଡ୍ୟୁସ କରିବା ପାଇଁ ଚାହୁଁଥିଲି ଏବଂ ବର୍ତ୍ତମାନ ମୋର ସ୍ୱପ୍ନ ସତ ହେବାକୁ ଯାଉଛି । ମୁଁ ଏଭଳି ଜଣେ ସ୍ଵାମୀ ପାଇଥିବାରୁ ଭାଗବାନଙ୍କୁ ଧନ୍ୟବାଦ ଦେବାକୁ ଚାହୁଁଛି ।