ମା’ ନୀତୁ କପୁରଙ୍କ ସହ ଗଣେଶ ବିସର୍ଜନ କଲେ ରଣବୀର କପୁର, ଆଲିଆ ଓ ରାହାଙ୍କୁ ଖୋଜିଲେ ଫ୍ୟାନ୍ସ
ଗଶେଶ ପୂଜା ଧୁମଧାମର ଶେଷ ହୋଇଛି । ଏବେ ସମସ୍ତେ ବିଘ୍ନ ବିନାଶକଙ୍କୁ ବିଦାୟ ଦେଉଛନ୍ତି । ତେବେ ଏହାରି ଭିତରେ ରଣବୀର କପୁର ଓ ନୀତୁ କପୁର ମଧ୍ୟ ନିଜ ଘରେ ଗଣେଶ ପୂଜା କରିଥିଲେ । ଏବେ ଦୁହେଁ ଗଣେଶ ବିସର୍ଜନ କରୁଥିବା ଦେଖିବାକୁ ମିଳିଛି । ସେମାନେ ଏକତ୍ର ଆଳତୀ କରିବା ସହ ଗଣେଶ ବିସର୍ଜନ କରିଛନ୍ତି । କିନ୍ତୁ ଏହି ସମୟରେ କେବଳ ରଣବୀର ଏବଂ ନୀତୁଙ୍କୁ ଏକାଠି ଦେଖିବାକୁ ମିଳିଥିଲା । ପରିବାରର ଅନ୍ୟ ସଦସ୍ୟମାନେ ଦେଖାଯାଇ ନଥିଲେ । ସମସ୍ତେ ଆଲିଆ ଏବଂ ରାହାଙ୍କୁ ଖୋଜିଥିଲେ ।
ରଣବୀର ନିଜ ହାତରେ ଗଣେଶଙ୍କ ପ୍ରତିମା ଧରିଥିଲେ। ନୀତୁ ତାଙ୍କ ହାତରେ କଳସ ଧରିଥିଲେ । ରଣବୀର କପୁର ଏକ ପ୍ରିଣ୍ଟେଡ ଧଳା କୁର୍ତ୍ତା ପିନ୍ଧିଥିବାର ନଜର ଆସିଥିଲେ । ଅନ୍ୟପଟେ ନୀତୁ ଗୋଲାପୀ ରଙ୍ଗର ସୁଟ୍ ପିନ୍ଧିଥିଲେ । ଫ୍ୟାନ୍ସମାନେ ରଣବୀର ଏବଂ ନୀତୁଙ୍କୁ ଆଲିଆ ଏବଂ ରାହାଙ୍କ ବିଷୟରେ ପଚାରୁଥିବାର ନଜର ଆସିଥିଲେ ।
ରଣବୀର କପୁରଙ୍କୁ ଶେଷ ଥର ପାଇଁ ଆନିମଲ ଫିଲ୍ମରେ ଦଖେିବାକୁ ମିଳିଥିଲା । ଏହି ଫିଲ୍ମ କଲେକ୍ସନର ରକେର୍ଡ ଭାଙ୍ଗିଛି । ଏହି ଫିଲ୍ମରେ ରଶ୍ମିକା ମନ୍ଦନା ରଣବୀରଙ୍କ ସହ ନଜର ଆସିଥିଲେ। ଅନେକ କାରଣରୁ ଏହି ଫିଲ୍ମ ବିବାଦ ମଧ୍ୟରେ ଘେରି ରହିଥିଲା ।
ଏବେ ରଣବୀରଙ୍କୁ ରାମାୟଣରେ ଦେଖିବାକୁ ମିଳିବ । ଫିଲ୍ମର ସୁଟିଂ ଚାଲିଛି । ସାଇ ପଲ୍ଲଭି ଏହି ଚଳଚ୍ଚିତ୍ରରେ ସୀତା ମା’ଙ୍କ ଭୂମିକାରେ ରହିବେ । ପ୍ରଭୁ ରାମଙ୍କ ଭୂମିକାରେ ରଣବୀର କପୁର ନଜର ଆସିବେ । ଆଲିଆ ଭଟ୍ଟଙ୍କ ବିଷୟରେ କହିବାକୁ ଗଲେ ତାଙ୍କୁ ଜିଗରାରେ ଦେଖିବାକୁ ମିଳିବ ।
