ରଣବୀର କପୁର ତାଙ୍କର ଆଗାମୀ ଫିଲ୍ମ ‘ରାମାୟଣ’ ପାଇଁ ଆଜିକାଲି ବେଶ ଚର୍ଚ୍ଚାରେ ଅଛନ୍ତି । ଏହି ଫିଲ୍ମରେ ରଣବୀର କପୁର ପ୍ରଭୁ ଶ୍ରୀ ରାମଙ୍କ ଭୂମିକାରେ ନଜର ଆସିବେ । ଫିଲ୍ମରୁ ଅଭିନେତାଙ୍କ ଲୁକ୍ ମଧ୍ୟ ଭାଇରାଲ ହୋଇସାରିଛି, ଯାହା ପରେ ନିର୍ମାତାମାନେ ଅତି ସାବଧାନୀର ସହ ସୁଟିଂ କରୁଛନ୍ତି । ଏଭଳି ପରିସ୍ଥିତିରେ ରଣବୀର କପୁରଙ୍କ ଆଉ ଏକ ଭିଡିଓ ଖୁବ ଚର୍ଚ୍ଚାରେ ଅଛି ଯେଉଁଥିରେ ସେ ଶେରୱାନି ଏବଂ ପଗଡି ପିନ୍ଧି ବର ବେଶରେ ନଜର ଆସିଛନ୍ତି । ରଣବୀରଙ୍କ ଏହି ଲୁକ୍ ଫ୍ୟାନ୍ସଙ୍କର ହୃଦୟ ଜିତୁଛି ।
ବାସ୍ତବରେ, ନିକଟରେ ଅଭିନେତା ଏକ ଇଭେଣ୍ଟରେ ଭାଗ ନେଇଥିଲେ, ଯେଉଁଥିରେ ସେ ବର ବେଶରେ ରାମ୍ପୱାକ୍ କରିଥିଲେ । ରଣବୀର ଏହି ଫ୍ୟାଶନ ଇଭେଣ୍ଟର ଶୋ’ ଷ୍ଟପର୍ ଥିଲେ । ଦିଲ୍ଲୀରେ ଆୟୋଜିତ ଏକ ଫ୍ୟାଶନ ଇଭେଣ୍ଟରେ ପ୍ରସିଦ୍ଧ ଡିଜାଇନର୍ ତରୁଣ ତାହିଲିଆନିଙ୍କ ପାଇଁ ରଣବୀର କପୁର ଶୋ’ଷ୍ଟପର୍ ଥିଲେ । ଏହି ଭିଡିଓରେ ରଣବୀର କପୁର ଆଇଭରୀ, ଗୋଲାପୀ ଶେରୱାନି ଏବଂ ଦୁପଟ୍ଟା ପିନ୍ଧିଥିବାର ନଜର ଆସିଛନ୍ତି ଏବଂ ତାଙ୍କ ମୁଣ୍ଡରେ ପଗଡି ମଧ୍ୟ ପିନ୍ଧିଛନ୍ତି । ଭିଡିଓରେ ରଣବୀରଙ୍କୁ ବରଯାତ୍ରୀ ସହିତ କାରରେ ଏକ ଗ୍ରାଣ୍ଡ ଏଣ୍ଟ୍ରି କରୁଥିବା ଦେଖିବାକୁ ମିଳିଛି ।
ସେ ରାମ୍ପରେ ଆସିବା ମାତ୍ରେ ସମସ୍ତେ ତାଙ୍କ ସହ ନାଚିବା ଆରମ୍ଭ କରିଛନ୍ତି ଏବଂ ରଣବୀର ମଧ୍ୟ ସମସ୍ତଙ୍କ ସହ ଯୋଗ ଦେଇ ନାଚିଛନ୍ତି । ରଣବୀରଙ୍କ ସହ ଭିଡିଓରେ ‘ତୁ ଝୁଠି ମେନ୍ ମକ୍କାର’ କୋ-ଷ୍ଟାର ଅନୁଭବ ବସି ମଧ୍ୟ ନଜର ଆସିଛନ୍ତି । ରଣବୀରଙ୍କ ବର ହେବାର ଏହି ଭିଡିଓ ଏବେ ଖୁବ ଜୋରସୋରରେ ଭାଇରାଲ ହେବାରେ ଲାଗିଛି । ରଣବୀରଙ୍କ ଫ୍ୟାନ୍ସମାନେ ଏହି ଭିଡିଓରେ ଅନେକ ପ୍ରତିକ୍ରିୟା ମଧ୍ୟ ଦେଉଛନ୍ତି । ଫ୍ୟାନ୍ସମାନେ ଅଭିନେତାଙ୍କ ଲୁକକୁ ପ୍ରଶଂସା କରି ଅନେକ ମନ୍ତବ୍ୟ ଦେଇଥିଲେ ।
ଏହା ବ୍ୟତୀତ ରଣବୀରଙ୍କର ଏକ ଭିଡିଓ ମଧ୍ୟ ଖୁବ ଭାଇରାଲ ହେଉଛି ଯେଉଁଥିରେ ରଣବୀର ତାଙ୍କର ଏବଂ ଆଲିଆଙ୍କ ବିବାହ ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି । ରଣବୀର କହିଛନ୍ତି ଯେ ତାଙ୍କ ବିବାହ ପାଇଁ ଆଲିଆ ସମସ୍ତ ବ୍ୟବସ୍ଥା କରିଥିଲେ ଏବଂ ସେ କେବଳ ତାଙ୍କୁ ଫଲୋ କରିଥିଲେ । ସେ କହିଥିଲେ ଯେ ତାଙ୍କ ବିବାହ ଘରେ ହୋଇଥିଲା ଏବଂ ଏଥିରେ ଅଧିକ ଅତିଥି ଉପସ୍ଥିତ ନଥିଲେ, ତେଣୁ ଏହା ତାଙ୍କ ପାଇଁ ଏକ ପରଫେକ୍ଟ ୱେଡିଙ୍ଗ ଥିଲା । ସୂଚନାଯୋଗ୍ୟ, ରଣବୀର କପୁର ଏବଂ ଆଲିଆ ଭଟ୍ଟ ୨୦୨୨ ମସିହାରେ ନିଜ ଘରେ ବିବାହ କରିଥିଲେ ।
ବିବାହ ପରେ ଆଲିଆ ବିବାହ ଫଟୋ ଇନଷ୍ଟାଗ୍ରାମରେ ସେୟାର କରିଥିଲେ । କେବଳ ଏତିକି ନୁହେଁ, ବିବାହ ଇଭେଣ୍ଟ ପରେ ରଣବୀର-ଆଲିଆ ବାହାରକୁ ଆସି ପାପାରାଜିଙ୍କ ଆଗରେ ପୋଜ୍ ମଧ୍ୟ କରିଥିଲେ, ଏହା ପରେ ଅଭିନେତା ତାଙ୍କ ଆଲିଆଙ୍କୁ କୋଳରେ ନେଇ ଭିତରକୁ ଯାଇଥିଲେ । ଉଭୟେ ପ୍ରାୟତଃ ନିଜ ଝିଅ ରାହା ସହିତ ନଜର ଆସିଥାନ୍ତି ।