‘ରାମାୟଣ’ ରେ ଡବଲ୍ ଧମାକା କରିବେ ରଣବୀର କପୁର, ସାମ୍ନାକୁ ଆସିଲା ୨ଟି ପାର୍ଟର ରିଲିଜ ଡେଟ୍
ଫ୍ୟାନ୍ସମାନେ ରଣବୀର କପୁର ଏବଂ ସାଇ ପାଲ୍ଲଭିଙ୍କ ଅଭିନୀତ ଫିଲ୍ମ ‘ରାମାୟଣ’ କୁ ନେଇ ବେଶ ଉତ୍ସାହିତ ଅଛନ୍ତି । ଚଳିତ ବର୍ଷ ଆରମ୍ଭରେ, ଫିଲ୍ମର ସେଟରୁ ଅନେକ ଫଟୋ ଏବଂ ଭିଡିଓ ଭାଇରାଲ ହୋଇଥିଲା, ଯାହା ଫ୍ୟାନ୍ସଙ୍କୁ ଖୁବ ପସନ୍ଦ ଆସିଥିଲା । ଶ୍ରୀରାମଙ୍କ ରୂପରେ ରଣବୀର କପୁରଙ୍କ ଝଲକ ଲୋକଙ୍କ ହୃଦୟ ଜିତିଥିଲା । ଫିଲ୍ମର ଅଫିସିଆଲ୍ ଘୋଷଣା ବିନା ମଧ୍ୟ ଲୋକମାନେ ଫିଲ୍ମ ବିଷୟରେ ଅନେକ କଳ୍ପନାଜଳ୍ପନା କରିବା ଆରମ୍ଭ କରିଥିଲେ ।
ରିପୋର୍ଟ ଅନୁଯାୟୀ, ୮୦୦ କୋଟିରୁ ଅଧିକ ବଜେଟରେ ପ୍ରସ୍ତୁତ ନୀତୀଶ ତିୱାରୀଙ୍କ ଫିଲ୍ମ ବିଷୟରେ ଏବେ ଏକ ଅଫିସିଆଲ ଘୋଷଣା କରାଯାଇଛି । ନିର୍ମାତାମାନେ ଫିଲ୍ମ ବିଷୟରେ ଏକ ସ୍ୱତନ୍ତ୍ର ପୋଷ୍ଟ କରି କହିଛନ୍ତି ଯେ ଏହି ଫିଲ୍ମର ୨ ଟି ପାର୍ଟ ନିର୍ମିତ ହେଉଛି । ଫିଲ୍ମର ରିଲିଜ୍ ଡେଟ୍ ମଧ୍ୟ ଘୋଷଣା କରାଯାଇଛି । ବର୍ତ୍ତମାନ ସୁଦ୍ଧା ଫିଲ୍ମର ଷ୍ଟାର କାଷ୍ଟ ଆନୁଷ୍ଠାନିକ ଭାବେ ଘୋଷଣା କରାଯାଇ ନାହିଁ । ପ୍ରଡ୍ୟୁସର ନମିତ ମାଲହୋତ୍ରା ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି ।
ଏହା ବିଷୟରେ ସୂଚନା ଦେଇ ସେ ଏହି ପୋଷ୍ଟରେ ଲେଖିଛନ୍ତି, ‘ଏକ ଦଶନ୍ଧିରୁ ଅଧିକ ସମୟ ପୂର୍ବରୁ, ଯାହା ପ୍ରାୟ ୫୦୦୦ ବର୍ଷରୁ ଅଧିକ ସମୟ ଧରି କୋଟି କୋଟି ହୃଦୟରେ ରାଜ କରିଆସୁଥିବା ଏହି ପୁରାଣକୁ ବଡ଼ ପରଦାରେ ଆଣିବା ପାଇଁ ମୁଁ ବହୁତ ଚେଷ୍ଟା କରିଥିଲି ଏବଂ ଆଜି ମୁଁ ଅତି ଆନନ୍ଦିତ ଯେ ଏହା ଖୁବ ସୁନ୍ଦର ଭାବରେ ରୂପ ନେଉଛି କାରଣ ଆମର ଟିମ୍ କେବଳ ଗୋଟିଏ ଉଦ୍ଦେଶ୍ୟକୁ ଦୃଷ୍ଟିରେ ରଖି ଅକ୍ଲାନ୍ତ ପରିଶ୍ରମ କରୁଛନ୍ତି । ଆମର ଇତିହାସ, ଆମର ସତ୍ୟ ଏବଂ ଆମ ସଂସ୍କୃତି – ଆମର ‘ରାମାୟଣ’ର ସବୁଠାରୁ ପ୍ରାମାଣିକ, ପବିତ୍ର ଏବଂ ଚମତ୍କାର କାହାଣୀକୁ ବିଶ୍ଵର ଲୋକଙ୍କୁ ଉପସ୍ଥାପନ କରିବା । ସମଗ୍ର ରାମାୟଣ ପରିବାର ତରଫରୁ ଆମର ମହାନ ମହାକାବ୍ୟକୁ ଗର୍ବ ଏବଂ ସମ୍ମାନ ସହିତ ଜୀବନ୍ତ କରିବାର ସ୍ୱପ୍ନକୁ ପୂରଣ କରିବାକୁ ଯାଉଛୁ ।
ଦିୱାଲୀ ୨୦୨୬ରେ ‘ରାମାୟଣ ଭାଗ 1’ ଏବଂ ଦିୱାଲୀ ୨୦୨୭ ରେ ‘ରାମାୟଣ ଭାଗ 2’ ରିଲିଜ ହେବାକୁ ଯାଉଛି । ରିଲିଜ୍ ଡେଟ୍ ସହିତ ଫିଲ୍ମର ପ୍ରଥମ ପୋଷ୍ଟର ମଧ୍ୟ ରିଲିଜ୍ ହୋଇଛି । ଏହି ପୋଷ୍ଟରରେ ଫିଲ୍ମର ନାମ ସହିତ ରିଲିଜ୍ ଡେଟ୍ ଏବଂ ପ୍ରଭୁ ରାମଙ୍କ ଧନୁ ଦେଖିବାକୁ ମିଳିଛି । ଏହି ଫିଲ୍ମରେ ରଣବୀର କପୁର ପ୍ରଭୁ ରାମ ଭୂମିକାରେ ଅଭିନୟ କରୁଛନ୍ତି । ସାଇ ପଲ୍ଲଭି ସୀତାଙ୍କ ଚରିତ୍ରରେ ନଜର ଆସିବେ । ରାବଣଙ୍କ ଭୂମିକା ପାଇଁ କନ୍ନଡ ସୁପରଷ୍ଟାର ୟସଙ୍କୁ ସାଇନ କରାଯାଇଛି । ଏହି ଫିଲ୍ମରେ ରଣବୀର କପୁରଙ୍କର ଡବଲ୍ ରୋଲ୍ ରହିବ, ସେ ରାମଙ୍କ ସହ ପର୍ଶୁରାମ ଭୂମିକାରେ ମଧ୍ୟ ନଜର ଆସିବେ । ଫିଲ୍ମର ଉଭୟ ପାର୍ଟ ନୀତୀଶ ତିୱାରୀ ନିର୍ଦ୍ଦେଶନା ଦେଇଛନ୍ତି ।
View this post on Instagram