ବଲିଉଡର ସବୁଠାରୁ ପ୍ରିୟ ଦମ୍ପତି ରଣବୀର କପୁର ଏବଂ ଆଲିଆ ଭଟ୍ଟ ଏବେ ନିଜର ଅନେକ ପ୍ରୋଜେକ୍ଟକୁ ନେଇ ଖୁବ ଚର୍ଚ୍ଚାରେ ଅଛନ୍ତି । ରଣବୀର କପୁର ଖୁବ ଖୁସି ଅଛନ୍ତି କାରଣ ତାଙ୍କ ଫୁଟବଲ ଟିମ ‘ମୁମ୍ବାଇ ସିଟି ଏଫସି’ ସୋମବାର ଦିନ ମୁମ୍ବାଇ ଫୁଟବଲରେ ଏରେନାରେ ଜିତିବା ପରେ ତାଙ୍କ ଟିମ ଇଣ୍ଡିଆନ ସୁପର ଲିଗ (ଆଇଏସଏଲ) ଫାଇନାଲରେ ପହଞ୍ଚିଛି । ସେମିଫାଇନାଲର ଦ୍ୱିତୀୟ ପର୍ଯ୍ୟାୟରେ ଏହି ଟିମ ଏଫ୍ସି ଗୋଆ ବିପକ୍ଷରେ ଜିତିଥିଲା ।
ତେବେ ଏହି ବିଜୟ ଉତ୍ସବ ପାଳନ କରିବାକୁ ରଣବୀରଙ୍କୁ ତାଙ୍କ ପତ୍ନୀ ଆଲିଆ ଭଟ୍ଟଙ୍କ ସହ ମ୍ୟାଚ୍ ପରେ ଷ୍ଟାଡିୟମରେ ଦେଖିବାକୁ ମିଳିଥିଲା । ବର୍ତ୍ତମାନ ସୋସିଆଲ ମିଡିଆରେ ଏହି ସମୟର ଫଟୋ ଏବଂ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଏକ ଭିଡିଓରେ ରଣବୀର କପୁର ଏବଂ ଆଲିଆ ଭଟ୍ଟ ଷ୍ଟାଡିୟମରେ ନିଜ ଟିମର ବିଜୟ ଉତ୍ସବ ପାଳନ କରୁଥିବା ଦେଖିବାକୁ ମିଳିଛି । ଦୁହେଁ ଫିଲ୍ଡକୁ ଆସି ହାତ ହଲାଇ ଲୋକଙ୍କୁ କୃତଜ୍ଞତା ମଧ୍ୟ ଜଣାଇଥିଲେ ।
ଏହି ସମୟରେ ରଣବୀର କପୁରଙ୍କୁ ହ୍ୱାଇଟ-ଗ୍ରେ ଟି-ସାର୍ଟ ଏବଂ ଏକ ମ୍ୟାଚିଂ ଜଗର୍ ସହିତ ଦେଖିବାକୁ ମିଳିଥିଲା । ଆଲିଆ ଭଟ୍ଟଙ୍କୁ ଷ୍ଟ୍ରିପଡ୍ ଲାଇଲନ୍ ସାର୍ଟ ଏବଂ ସର୍ଟସରେ ଦେଖିବାକୁ ମିଳିଥିଲା । ଏହା ସହ ଅଭିନେତ୍ରୀ କ୍ୟାପ୍ ପିନ୍ଧି ଏକ କୁଲ ଲୁକରେ ନଜର ଆସିଥିଲେ । ରଣବୀରଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଅଭିନେତାଙ୍କୁ ଶେଷରେ ‘ଆନିମଲ’ ଫିଲ୍ମରେ ଦେଖିବାକୁ ମିଳିଥିଲା । ଏହି ଫିଲ୍ମରେ ତାଙ୍କର ଚରିତ୍ର ବହୁତ ଧମାକାଦାର ଥିଲା ।
ରଶ୍ମିକା ମନ୍ଦନା ଏବଂ ତୃପ୍ତି ଡିମ୍ରିଙ୍କ ସହ ଅଭିନେତାଙ୍କ ରୋମାଣ୍ଟିକ କେମେଷ୍ଟ୍ରି ଦେଖିବାକୁ ମିଳିଥିଲା । ବର୍ତ୍ତମାନ ରଣବୀର ‘ରାମାୟଣ’ରେ ରାମ ଭୂମିକାରେ ଅଭିନୟ କରିବେ ଏବଂ ସେ ଏଥିପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି । ନିର୍ଦ୍ଦେଶକ ନୀତେଶ ତିୱାରୀଙ୍କ ‘ରାମାୟଣ’ରେ ରଣବୀର କପୁର ଏବଂ ସାଇ ପାଲ୍ଲଭି ମୁଖ୍ୟ ଭୂମିକାରେ ଅଛନ୍ତି । କେଜିଏଫ୍ ଷ୍ଟାର ଯଶ ଏଥିରେ ରାବଣ ଭୂମିକାରେ ନଜର ଆସିବେ । ଏହି ଫିଲ୍ମରେ ବବି ଦେଓଲ ଏବଂ ବିଜୟ ସେଥୁପତିଙ୍କ ଭଳି ତାରକାଙ୍କୁ ମଧ୍ୟ ଦେଖିବାକୁ ମିଳିବ ବୋଲି ଖବର ରହିଛି ।
ଏହା ବ୍ୟତୀତ ରଣଦୀପ କପୁର ସନ୍ଦୀପ ରେଡ୍ଡୀ ଭଙ୍ଗାଙ୍କ ଫିଲ୍ମ ଆନିମଲର ସିକ୍ୱେଲ ‘ଆନିମଲ ପାର୍କ’ରେ ଡବଲ ରୋଲରେ ନଜର ଆସିବେ । ତାଙ୍କୁ ଅବରାର ସାନ ଭାଇ ଅଜିଜ ଏବଂ ରଣବିଜୟଙ୍କ ଭୂମିକାରେ ଦେଖିବାକୁ ମିଳିବ । ଆଲିଆଙ୍କ ବିଷୟରେ କହିବାକୁ ଗଲେ ତାଙ୍କର ଫିଲ୍ମ ‘ଜିଗ୍ରା’ ଆଗକୁ ଆସିବାକୁ ଯାଉଛି । ସେ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ ‘ଲଭ ଆଣ୍ଡ ୱାର’ରେ ମଧ୍ୟ ଅଭିନୟ କରିବାକୁ ଯାଉଛନ୍ତି । ତାଙ୍କୁ ‘ବ୍ରହ୍ମାସ୍ତ୍ର ୨’ରେ ମଧ୍ୟ ଦେଖିବାକୁ ମିଳିବ ।
ଲମତାପୁଟ : କେକରେ ଲେଖା ହୋଇଛି ରବି ଆଣ୍ଡ୍ ମଞ୍ଜୁ । ଆଉ ପାଖରେ ଫୁଲ ମାଳ ପିନ୍ଧି ଛିଡା…
ଲକ୍ଷ୍ମୀପୁର : ଏବେ ମୃତ୍ୟୁର ତାଣ୍ଡବ ଖେଳି ଚାଲିଛି ଡିଫଥେରିଆ । ଏହି ରୋଗ ଜଣକ ପରେ ଜଣକୁ ନିଜ…
ଜଳେଶ୍ବର : ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ଦକ୍ଷିଣ ପୂର୍ବ ରେଳପଥର ନୂଆଗାଁ ରୋଡ଼ ରେଳଷ୍ଟେସନ ମଧ୍ୟ ସ୍ଥଳ…
କଟକ(କେନ୍ୟୁଜ୍): ରଥଯାତ୍ରା ପାଇଁ ଚଳଚଞ୍ଚଳ ଶ୍ରୀକ୍ଷେତ୍ର । ସବୁଠି ଶଂଙ୍ଖ ଘଣ୍ଟ ହୁଳୁହୁଳି ଶଦ୍ଦରେ ପୂରି ଉଠୁଛି ପୂରା ପରିବେଶ…
ସୋନାକ୍ଷୀ ସିହ୍ନା ଏବଂ ଜାହିର ଇକବାଲ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଜୁନ୍ ୨୩ ରେ ଜହିର ଇକବାଲଙ୍କ…
ଗତ କିଛି ଦିନ ହେବ ଲଗାତାର ଭାବେ ଖାଦ୍ୟରୁ ମୂଷା, ଅସରପା, ବେଙ୍ଗ, ବ୍ଲେଡ୍ ଆଦି ବାହାରିବା ନେଇ ସୋସିଆଲ…