ରିଲିଜ୍ ହେଲା ଅଜୟ ଦେବଗନ୍ଙ୍କ ଫିଲ୍ମ୍ ‘ଆଜାଦ’ର ଟିଜର, ଡେବ୍ୟୁ କରିବେ ରାଶା ଥାଡାନି ଏବଂ ଅମାନ ଦେବଗନ୍
ଅଜୟ ଦେବଗନ୍ଙ୍କ ଫିଲ୍ମ୍ ‘ଆଜାଦ’ର ଟିଜର ରିଲିଜ୍ ହୋଇଛି । ଏହି ଫିଲ୍ମରେ ରାଶା ଥାଡାନି ଏବଂ ଅମାନ ଦେବଗନ୍ ଡେବ୍ୟୁ କରିଛନ୍ତି । ଏହା ଆସନ୍ତା ବର୍ଷ ଜାନୁଆରୀରେ ରିଲିଜ୍ ହେବାକୁ ଯାଉଛି । ‘ସିଙ୍ଗମ୍’ ବକ୍ସ ଅଫିସ୍ ଚର୍ଚ୍ଚା ମଧ୍ୟରେ ଅଜୟ ଦେବଗନ୍ ତାଙ୍କର ପରବର୍ତ୍ତୀ ଫିଲ୍ମର ଟିଜର ରିଲିଜ୍ କରିଛନ୍ତି । ଏଥିରେ ବଲିଉଡର ଦୁଇ ଶିଶୁ କଳାକାର ସେମାନଙ୍କର କ୍ୟାରିୟର ଆରମ୍ଭ କରିବାକୁ ଯାଉଛନ୍ତି । ଫିଲ୍ମ ଟିଜର ଜବରଦସ୍ତ ଆକ୍ସନରେ ପରିପୂର୍ଣ୍ଣ ହୋଇଥିବା ବେଳେ ଏହାର କାହାଣୀ ଏକ ଐତିହାସିିକ ଆକ୍ସନ ଡ୍ରାମ ହେବାକୁ ଯାଉଛି । ରବିନା ଟଣ୍ଡନଙ୍କ ଝିଅ ରାଶା ଥାଡାନି ଏବଂ ଅଜୟ ଦେବଗନଙ୍କ ପୁତୁରା ଅମାନ ଦେବଗନ ଏହି ଫିଲ୍ମରେ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମରେ ମୁଖ୍ୟ ଭମିକାରେ ଡାଏନା ପେଣ୍ଟି ମଧ୍ୟ ନଜରରେ ଆସିବେ । ମଙ୍ଗଳବାର ଫିଲ୍ମର ଟିଜର ଲିଲିଜ ହୋଇଛି । ଯେଉଁଥିରେ କୁହାଯାଇଛି ଯେ ଏହି ଫିଲ୍ମଟି ଆସନ୍ତା ବର୍ଷ ଜାନୁଆରୀ ମାସରେ ରିଲିଜ୍ ହେବ ।
ସୂଚନା ଅନୁସାରେ, ବଲଉଡ୍ ତାରକା ରବିନା ଟଣ୍ଡନଙ୍କ ଝିଅ ରାଶା ଥାଡାନି ତାଙ୍କ ଫିଲ୍ମ ଡେବ୍ୟୁ ପୂର୍ବରୁ ସୋସିଆଲ ମିଡିଆରେ ବହୁତ ଲୋକପ୍ରିୟ ଥିଲେ । ସୋସିଆଲ ମିଡ଼ିଆରେ ୧.୨ ମିଲିୟନରୁ ଅଧିକ ଫ୍ୟାନ୍ସ ଅଛନ୍ତି । ରାଶା ପୂର୍ବରୁ କିଛି ମଡେଲିଂ ଶୋ’ରେ ମଧ୍ୟ ଅଭିନୟ କରିଛନ୍ତି । ସେ ତାଙ୍କ ମାଙ୍କ ପରି ବଲିଉଡ ଅଭିନେତ୍ରୀ ହେବାକୁ ଚାହୁଁଛନ୍ତି । ‘ଆଜାଦ’ ଫିଲ୍ମରେ ରାଶାଙ୍କ ସହ ଅଜୟ ଦେବଗନ୍ଙ୍କ ପୁତୁରା ଅମାନ୍ ଦେବଗନ୍ ମଧ୍ୟ ତାଙ୍କ ଯାତ୍ରା ଆରମ୍ଭ କରିବାକୁ ଯାଉଛନ୍ତି । ଟିଜରରେ ଅନୁମାନ କରାଯାଉଛି ଯେ ରାଶା ଏବଂ ଅମାନ ଅନସ୍କ୍ରିନରେ ରୋମାନ୍ସ କରୁଥିବା ଦେଖିବାକୁ ମିଳିବ ।
ତେବେ ଆଜାଦ’ର ଟିଜର ମହାରଣା ପ୍ରତାପଙ୍କ ନାମରୁ ଆରମ୍ଭ ହୋଇଛି । କାହାଣୀର ଚେତକ ଏବଂ ତାଙ୍କର ଯୁଦ୍ଧ ବିଷୟରେ ଉଲ୍ଲେଖ କରାଯାଇଛି । ଆହୁରି ମଧ୍ୟ, ଅଜୟ ଦେବଗନ୍ ମହାରଣା ପ୍ରତାପଙ୍କ ଚରିତ୍ର ପରି ଯୁଦ୍ଧରେ ଶତ୍ରୁମାନଙ୍କୁ ପରାସ୍ତ କରୁଛନ୍ତି । ଲାଗୁଛି ଯେ ଏହି ଫିଲ୍ମଟି ମହାରଣା ପ୍ରତାପଙ୍କ ଜୀବନର କିଛି କାହାଣୀ ଉପରେ ଆଧାରିତ ହେବାକୁ ଯାଉଛି ।