କୋଭିଡ-୧୯ ଯୋଦ୍ଧାଙ୍କ ପ୍ରତି ହିଂସାତ୍ମକ ଆଚରଣ ନକରିବା ପାଇଁ ନିଜ ଶେଷ ଟ୍ୱିଟରେ ଅପିଲ କରିଥିଲେ ବର୍ଷିୟାନ ଅଭିନେତା ଋଷି କପୁର
ବିଗତ ଦିନର ରୋମାଣ୍ଟିକ ହିରୋ ଋଷି କପୁର ଅଧିକାଂଶ ସମୟରେ ସୋସିଆଲ ମିଡିଆରେ ଖୁବ ସକ୍ରିୟ ରହିଥାନ୍ତି । ଅନେକ ସମୟରେ ବିଭିନ୍ନ ମାମଲାକୁ ନେଇ ସୋସିଆଲ ମିଡିଆରେ ତାଙ୍କର ମନ୍ତବ୍ୟ ବିବାଦୀୟ ହୋଇ ଉଠୁଥିଲା । ସାମାଜିକ ଓ ରାଜନୈତିକ ମାମଲା ଗଡିକରେ ମନ୍ତବ୍ୟ ରଖୁଥିବା ବଲିଉଡ କଳାକାରଙ୍କ ମଧ୍ୟରେ ରୁଷି କପୁର ଅନ୍ୟତମ ଥିଲେ । ଏପ୍ରିଲ ୩୦ ତାରିଖ ଅର୍ଥାତ ଆଜିର ଦିନରେ ଇହଲୀଳା ସମ୍ବରଣ କରିଥିବା ରୁଷି ଶେଷ ଥର ପାଇଁ ଏପ୍ରିଲ ୨ ତାରିଖରେ ହିଁ ଟ୍ୱିଟ କରିଥିଲେ ।
An appeal 🙏 to all brothers and sisters from all social status and faiths. Please don’t resort to violence,stone throwing or lynching. Doctors,Nurses,Medics, Policemen etc..are endangering their lives to save you. We have to win this Coronavirus war together. Please. Jai Hind!🇮🇳
— Rishi Kapoor (@chintskap) April 2, 2020
ଏଥିରେ ସେ କୋଭିଡ- 19 ଭାଇରସ ଲଢେଇରେ ପ୍ରମୁଖ ଭୂମିକା ନିଭାଉଥିବା ଡାକ୍ତର, ନର୍ସ ତଥା ପୋଲିସ କର୍ମଚାରୀଙ୍କୁ ଦୁର୍ବ୍ୟବହାର କିମ୍ବା ହିଂସାତ୍ମକ ଆଚରଣ ନକରିବା ପାଇଁ ଜନସାଧାରଣଙ୍କୁ ନିବେଦନ କରିଥିଲେ । ହାତ ଯୋଡି ଏହି ଯୋଦ୍ଧା ମାନଙ୍କ ଉଦ୍ଦେଶ୍ୟରେ ଲେଖିଥିଲେ, କୃପା କରି ପଥର ପକାଇବା, ହିଂସା ତ୍ମକ ଆଚରଣ ଆଦିର ସାହାରା ନିଅନ୍ତୁ ନାହିଁ । ଆପଣଙ୍କୁ ବଞ୍ଚାଇବା ପାଇଁ ଏମାନେ ଦିନ ରାତି ଏକ କରି ନିଜ ଜୀବନକୁ ଖାତିର ନକରି ଆପଣ ମାନଙ୍କ ସେବାରେ ହିଁ ଲାଗି ପଡିଛନ୍ତି । ଏହି କରୋନା ଯୁଦ୍ଧକୁ ଏକା ସାଥିରେ ଜିତିବାକୁ ଚେଷ୍ଟା କରନ୍ତୁ । ଜୟ ହିନ୍ଦ । ସେହି ଦିନ ହିଁ ରୁଷି ନିର୍ଦ୍ଦେଶକ କୁନାଲ କୋହଲିଙ୍କ ଏକ ଟ୍ୱିଟର ଉତ୍ତର ମଧ୍ୟ ଦେଇଥିଲେ ।
Thank you. Much credit to late Shree. P.L. Raj ji the choreographer. Of course some measure of knowledge and talent is necessary of something or anything you portray on screen. I have in all modesty taken this as a compliment. Thank you Kunal. 🙏 https://t.co/C8kVKrVluY
— Rishi Kapoor (@chintskap) April 2, 2020
ପ୍ରକୃତରେ କୁନାଲ ସ୍କ୍ରିନ ଉପରେ ଋଷିଙ୍କ ଡ଼ଫଳି ବାଜା ବଜାଇବାକୁ ନେଇ ପ୍ରଶଂସା କରିଥିଲେ । ସେ ଲେଖିଥିଲେକି, ଆପଣଙ୍କ ଭଳି କେହି ବି ଡ଼ଫଲି ବଜାଇ ପାରିବେ ନାହିଁ । ସମସ୍ତ ମ୍ୟୁଜିକାଲ ବାଦ୍ୟଯନ୍ତ୍ର ଆପଣ ପରଦା ଉପରେ ଅସଲରେ ହିଁ ବଜାଇ ଥାନ୍ତି । ଆପଣଙ୍କ ଡ଼ଫଲି ବାଜା ବଜାଇବା ଶୈଳୀ କିନ୍ତୁ ସବୁଠୁ ନିଆରା । ଏହାର ଉତ୍ତରରେ ଋଷି କୋରିଓଗ୍ରାଫର ପିଏଲ ରାଜଙ୍କ ପ୍ରଶଂସା କରିବା ସହ ସ୍କ୍ରିନ ଉପରେ କରୁଥିବା ଅଭିନୟ ସମ୍ପକରେ ସମସ୍ତଙ୍କର କିଛିଟା ଜ୍ଞାନ ରହିବା ନିହାତି ଆବଶ୍ୟକ ବୋଲି କହି ନିର୍ଦ୍ଦେଶକ କୁନାଲଙ୍କୁ ଧନ୍ୟବାଦ ଦେଇଥିଲେ ।
