Bigg Boss 13 ନିଜର ପ୍ରତିଯୋଗୀମାନଙ୍କ ପାଇଁ ଆଜିକାଲି ବହୁତ ଚର୍ଚ୍ଚାରେ ରହିଛି । ଘରର ସଦସ୍ୟ ମାନଙ୍କ ଭିତରେ ହେଉଥିବା ଝଗଡ଼ାର ଦର୍ଶକମାନେ ଖୁବ ମଜା ଉଠାଉଛନ୍ତି ଯେଉଁ କାରଣରୁ ଶୋ’ର ଟିଆରପି ବଢି ବଢି ଚାଲିଛି । ପ୍ରାୟତଃ ସୋସିଆଲ ମିଡିଆରେ ବିଗବସର ଭିଡିଓ ଭାଇରଲ ହୋଇଥାଏ । ତେବେ ନିକଟରେ ଏକ ପ୍ରମୋ ଅତ୍ୟନ୍ତ ଭାଇରଲ ହେବାରେ ଲାଗିଛି । ଏହି ଭିଡିଓରେ ସଲମାନ ଖାନ କିଚେନଠୁ ନେଇ ବାଥରୁମ ପର୍ଯ୍ୟନ୍ତ ସାରା ଘରକୁ ସଫା କରୁଥିବା ଦେଖିବାକୁ ମିଳିଛି । ନିକଟରେ ବିଗବସରେ ସଲମନ ଖାନଙ୍କର ଜନ୍ମଦିନ ପାଳନ କରାଯାଇଥିଲା । ଏହାପରେ ଘରର ଅବସ୍ଥା ଦେଖି ଦବାଙ୍ଗ ଖାନ ନିଜେହିଁ ବିଗବସ ହାଉସକୁ ସଫା କରିବା ପାଇଁ ପହଂଚି ଯାଇଥିଲେ ।
ବିଗବସର ପ୍ରମୋ ଭିଡିଓରେ ଦେଖିବାକୁ ମିଳିଛି ଯେ ଘରର ସମସ୍ତ ସଦସ୍ୟ ଗୋଟିଏ ରୁମରେ ଅଛନ୍ତି ଏବଂ ସଲମାନ ଖାନ ଘରେ ଏଣ୍ଟ୍ରି କରିବା ସହିତ ସାରା ଘରକୁ ସଫା କରିବାରେ ଲାଗି ପଡିଛନ୍ତି । ବିଗବସର ଏହି ଭିଡିଓରେ ଆପଣ ଦେଖି ପାରୁଥିବେ ସଲମାନ କିପରି ଭାବେ ବାଥରୁମଠୁ ନେଇ କିଚେନ ପର୍ଯ୍ୟନ୍ତ ସଫା କରୁଛନ୍ତି ଓ ଘରଲୋକ ତାଙ୍କୁ ଏସବୁ କରିବା ପାଇଁ ରୋକୁଛନ୍ତି ।
ସୂଚନା ଅନୁଯାୟୀ ଚଳିତ ସପ୍ତାହରେ ସେହନାଜ ଗିଲଙ୍କୁ କ୍ୟାପଟେନ୍ସି ମିଳିଥିଲା ଏବଂ ସେ କ୍ୟାପଟେନ ହେବାପରେ ଘରର କୌଣସି ସଦସ୍ୟ କାମକୁ ଅତି ଗମ୍ଭିରତାର ସହ ନେଉନାହାନ୍ତି । ଯେଉଁ କାରଣରୁ ନିଜେ ସଲମାନ ଖାନଙ୍କୁ ବିଗବସ ହାଉସ ସଫା କରିବାକୁ ପଡିଲା । ତେବେ ଏହି ସପ୍ତାହର ୱିକେଣ୍ଡ କା ବାରରେ ରୋହିତ ସେଠି ବିଗବସ ହାଉସରେ ଏଣ୍ଟ୍ରି କରିଥିଲେ ଓ ପ୍ରତିଯୋଗୀ ମାନଙ୍କର ଖୁବ ମନୋରଞ୍ଜନ କରିଥିଲେ ।