ଭାଇଜାନ୍‌ଙ୍କ ଘର ବାହାରେ ଗୁଳିକାଣ୍ଡ ମାମଲା : କାନାଡ଼ାର ଆଇପି ଆଡ୍ରେସ୍‌, ଆମେରିକାରୁ ରଚାଯାଇଛି ଷଡଯନ୍ତ୍ର

ଅଭିନେତା ସଲମାନ ଖାନଙ୍କ ଘର ବାହାରେ ଗୁଳି ବିନିମୟ ମାମଲାରେ ମୁମ୍ବାଇ ପୋଲିସ ଏକ ନୂଆ ଖୁଲାସା କରିଛି । ପୋଲିସ କହିଛି ଯେ ଗୁଳି ବିନିମୟ କରିଥିବା ଦୋଷିଙ୍କ ଫେସବୁକ ପେଜ୍‌ର ଆଇପି ଆଡ୍ରେସ କାନାଡ଼ାରୁ ଆସିଛି ।

ସଲମାନ ଖାନଙ୍କ ଘର ବାହାରେ ଗୁଳି ବିନିମୟର କିଛି ଘଣ୍ଟା ପରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ଭାଇ ଅନମୋଲ ବିଷ୍ଣୋଇ ଫେସବୁକ ପୋଷ୍ଟରେ ଏହି ଘଟଣାର ଦୋଷୀ ମାନିଥିଲେ ଏବଂ କହିଥିଲେ ଏହା ଏକ ଟ୍ରେଲର ବୋଲି ଚେତାବନୀ ଦେଇଛନ୍ତି । ସୂଚନା ମୁତାବକ, ଅନ୍‌ମୋଲ ଆମେରିକାରୁ ଏହି ଷଡଯନ୍ତ୍ର କରିଛନ୍ତି । ତେବେ ଏହି ଯୋଜନା ପ୍ରାୟ ଏକ ମାସ ଧରି ଚାଲିଥିଲା ।

ରବିବାର ଅର୍ଥାତ ଏପ୍ରିଲ ୧୪ରେ ମୁମ୍ବାଇର ଅଭିନେତା ସଲମାନ ଖାନଙ୍କ ଘର ବାହାରେ ଦୁଇଜଣ ସୁଟର ଗୁଳି ଚଳାଇଥିଲେ । ଏହା ପରେ ଦୁହେଁ ପଳାଇ ଯାଇଥିଲେ । କିନ୍ତୁ ଏବେ ପୋଲିସ ସେହି ସୁଟରଙ୍କୁ ଖୋଜାଖୋଜି କରୁଛି । ବର୍ତ୍ତମାନର ସୂଚନା ଅନୁସାରେ, ଏହା ଜଣାପଡିଛି ଯେ ଜଣେ ବିଶାଲ ରାହୁଲ ଛଦ୍ମନାମ କାଲୁ ମଧ୍ୟ ଏଥିରେ ସାମିଲ ଅଛନ୍ତି ।

ବର୍ତ୍ତମାନ ସଲମାନ ଖାନଙ୍କ ଘର ବାହାରେ ଗୁଳି ଚଳାଇଥିବା ଦୁଇ ଜଣ ଆକ୍ରମଣକାରୀଙ୍କ ଫଟୋ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଜଣେ ଆକ୍ରମଣକାରୀ କଳା ଏବଂ ଧଳା ଟି-ସାର୍ଟରେ ନଜର ଆସିଛନ୍ତି । ଅନ୍ୟ ଲୋକଟି ଲାଲ୍ ଟି-ସାର୍ଟରେ ଅଛି । ଏହା ସହିତ ଫେବୃଆରୀ ୨୯, ୨୦୨୪ର ଏକ ସିସିଟିଭି ଫୁଟେଜ୍‌ରେ ସାମ୍ନାକୁ ଆସିଛି, ଯାହାକି ହରିୟାଣାର ରୋହତକରେ ଏକ ଢାବାର ବୋଲି କୁହାଯାଉଛି । ଏଥିରେ ବିଶାଲ ନାମକ ଜଣେ ଯୁବକ ନଜର ଆସିଛନ୍ତି । ମୁମ୍ବାଇର ସିସିଟିଭି ଫୁଟେଜରେ ଦେଖାଯାଇଥିବା ବ୍ୟକ୍ତିଙ୍କ ଚେହେରା ତାଙ୍କ ସହ ମେଳ ଖାଉଛି ଏବଂ କୁହାଯାଉଛି ଯେ ସଲମାନ ଖାନଙ୍କ ଘର ବାହାରେ ବିଶାଲ ରାହୁଲ ଛଦ୍ମନାମ କାଲୁ ଗୁଳି ଚଳାଇଛନ୍ତି ।

ତେବେ ସଲମାନ ଖାନଙ୍କ ଘର ବାହାରେ ଗୁଳି ଚଳାଇଥିବା ବିଶାଲ ରାହୁଲ ଛଦ୍ମନାମ ଗୁରୁଗ୍ରାମର ବାସିନ୍ଦା । ସେ ଦଶମ ପର୍ଯ୍ୟନ୍ତ ପାଠ ପଢିଛନ୍ତି ଏବଂ ତାଙ୍କ ବିରୋଧରେ ୫ ରୁ ଅଧିକ ଅପରାଧିକ ମାମଲା ଦାଖଲ ହୋଇଛି ଯେଉଁଥିରେ ଗୁଳିକାଣ୍ଡ ଏବଂ ବାଇକ୍ ଚୋରି ମାମଲା ରହିଛି ।

କିଛି ଦିନ ପୂର୍ବରୁ ବିଶାଲ ହରିୟାଣାର ରୋହତକରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇଙ୍କ ନିର୍ଦ୍ଦେଶରେ ଏକ ବୁକିଙ୍କୁ ହତ୍ୟା କରିଥିଲେ । ସିସିଟିଭିରେ ରେକର୍ଡ ହୋଇଥିବା ଘଟଣାରେ ସେ ଗୁଳି ଚଳାଇଥିବାର ନଜର ଆସିଥିଲେ । ବିଶାଲ ହେଉଛନ୍ତି ରାଜସ୍ଥାନର ଗ୍ୟାଙ୍ଗଷ୍ଟର ରୋହିତ ଗୋଦାରା । ରୋହିତ ଗୋଦାରା ଲରେନ୍ସ ବିଷ୍ଣୋଇ ଗ୍ୟାଙ୍ଗ ସହିତ ଜଡିତ ଅଛନ୍ତି । ହରିୟାଣାରେ ସଲମାନ ଖାନଙ୍କ ଘର ସହ ଜଡିତ ଏହି ମାମଲାରେ ସୁଟରମାନେ ଲିଙ୍କ୍ ହେବା ପରେ ହରିୟାଣା ପୋଲିସ ମଧ୍ୟ ସୁରକ୍ଷା ବଢାଇ ଦେଇଛି ।

ତେବେ ଏକ ନ୍ୟୁଜ୍ ଚ୍ୟାନେଲକୁ ଦିଆଯାଇଥିବା ଏକ ଇଣ୍ଟରଭ୍ୟୁରେ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ସଲମାନ ଖାନଙ୍କୁ ଧମକ ଦେଇଥିଲେ ଏବଂ କହିଥିଲେ ଯେ ତାଙ୍କୁ କ୍ଷମା ମାଗନ୍ତୁ ନଚେତ୍ ତାଙ୍କୁ ଏହାର ପରିଣାମ ଭୋଗିବାକୁ ପଡିବ । ଏହାପୂର୍ବରୁ ଜୁନ୍ ୨୦୨୨ରେ ସଲମାନ ଖାନଙ୍କୁ ହାତ ଲେଖା ଚିଠି ମାଧ୍ୟମରେ ଧମକ ଦିଆଯାଇଥିଲା ।

ବାନ୍ଦ୍ରା ପୋଲିସ କହିଛି ଯେ ଭାରତୀୟ ଦଣ୍ଡବିଧି ଧାରା ୩୦୭ ହତ୍ୟା ଉଦ୍ୟମ ଅନୁଯାୟୀ ଜଣେ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି । ସକାଳ ପ୍ରାୟ ୫ ଟା ସମୟରେ ଦୁଇଜଣ ବ୍ୟକ୍ତି ଚାରିଟି ଗୁଳି ଚଳାଇ ମୁମ୍ବାଇ ବାନ୍ଦ୍ରା ସ୍ଥିତ ସଲମାନଙ୍କ ବାସଭବନ ଗାଲାକ୍ସି ଆପାର୍ଟମେଣ୍ଟ ବାହାରେ ପଳାଇ ଯାଇଥିଲେ । ଏହା ପରେ ଖାନଙ୍କ ବାସଭବନର ସୁରକ୍ଷା ବଢା ଯାଇଛି । ବର୍ତ୍ତମାନ ପୋଲିସ ଏହାକୁ ନେଇ ତଦନ୍ତ କରୁଛି । ଏବେ ଦେଖିବାରେ ଅଛି ଆଗକୁ ଯାଇ ଏହି ମାମଲାରେ କେଉଁମାନଙ୍କର ନାମ ବାହାରକୁ ଆସୁଛି ।