ଦ୍ୱିତୀୟ ଥର ମା’ ହେବାକୁ ଯାଉଛନ୍ତି ସନା ଖାନ, ଫ୍ୟାନମାନଙ୍କୁ ଏମିତି ଜଣାଇଲେ ଖୁସି ଖବର
ବିଗ୍ ବିସ୍ ଫେମ୍ ସନା ଖାନ ଦ୍ୱିତୀୟ ଥର ପାଇଁ ମା’ ହେବାକୁ ଯାଉଛନ୍ତି । ନିଜର ପ୍ରେଗନାନ୍ସି ବିଷୟରେ ଘୋଷଣା କରି ସେ ଫ୍ୟାନମାନଙ୍କୁ ଖୁସି ଖବର ଦେଇଛନ୍ତି । ସନା ଖାନ ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ପୋଷ୍ଟ୍ କରିଛନ୍ତି । ଏହା ଜରିଆରେ ସେ ସ୍ୱାମୀଙ୍କ ସହିତ ନିଜର ଦ୍ୱିତୀୟ ପ୍ରେଗନାନ୍ସି ବିଷୟରେ ଘୋଷଣା କରିଛନ୍ତି ।
କପଲଙ୍କର ଏକ ପୁତ୍ର ସନ୍ତାନ ରହିଛି, ଯାହାଙ୍କ ନାମ ସୟଦ ତାରିକ ଜମିଲ । ମନୋରଞ୍ଜନ ଦୁନିଆକୁ ବାଏ ବାଏ କହି ସାରିଥିବା ସନା ସ୍ୱାମୀ ମୁଫତି ଅନସ୍ ସଇଦଙ୍କ ସହ ସୋସିଆଲ ମିଡିଆରେ ଫ୍ୟାନମାନଙ୍କୁ ଏହି ଖୁସି ଖବର ଜଣାଇଛନ୍ତି । କପଲ ନିଜର ଦ୍ୱିତୀୟ ସନ୍ତାନକୁ ଆଶା କରୁଥିବା କହିଛନ୍ତି ।
ନଭେମ୍ବର ୨୨ ଅର୍ଥାତ୍ ଆଜି ସନା ଏକ କ୍ୟୁଟ୍ ଭିଡିଓ ପୋଷ୍ଟ କରି ବହୁତ ଜଲଦି ସେମାନେ ତିନିରୁ ଚାରି ହେବାକୁ ଯାଉଥିବା କହିଛନ୍ତି । ଏଥିରେ ସେ ଲେଖିଛନ୍ତି, ‘ଅଲ୍ଲାହଙ୍କ କୃପାରୁ ଆମର ତିନି ପରିବାର ଖୁସି ଖୁସିରେ ଚାରି ହେବାକୁ ଯାଉଛି । ଆମ ଘରକୁ ଏକ କୁନି ଆଶୀର୍ବାଦ ଆସିବାକୁ ଯାଉଛି । ସୟଦ ତାରିକ ଜମିଲ ବଡ଼ ଭାଇ ହେବା ପାଇଁ ବହୁତ ଉତ୍ସାହିତ ଅଛି । ଆମେ ଆମର ନୂଆ ଆଶୀର୍ବାଦକୁ ସ୍ୱାଗତ କରିବା ପାଇଁ ଆଉ ଅପେକ୍ଷା କରିପାରୁ ନାହୁଁ । ଅଲ୍ଲାହ ଆମ ପାଇଁ ଏହାକୁ ସହଜ ଏବଂ ସୁଖଦ କରନ୍ତୁ’ ।
ସନା ଖାନଙ୍କ ଏହି ପୋଷ୍ଟ ପରେ ତାଙ୍କ ଫ୍ୟାନ ଏବଂ ସାଙ୍ଗସାଥୀ ତାଙ୍କୁ ଶୁଭେଚ୍ଛା ଜଣାଇବାରେ ଲାଗିଛନ୍ତି । ସନା ପୂର୍ବରୁ ଜଣେ ଅଭିନେତ୍ରୀ ଥିଲେ । ସେ ୫୦ରୁ ଅଧିକ ଫିଲ୍ମରେ କାମ କରିଛନ୍ତି । ୨୦୨୦ରେ ମୁଫତି ଅନସ୍ ସଇଦଙ୍କୁ ବିବାହ କରିଥିଲେ ସନା । ଏହାପରଠାରୁ ସେ ଲାଇମଲାଇଟଠୁ ସବୁଦିନ ପାଇଁ ଦୂରେଇ ଯାଇଥିଲେ ।