photo: bar and bench
ବଲିଉଡ ଅଭିନେତ୍ରୀ ଶିଳ୍ପା ଶେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରାଙ୍କୁ ପର୍ଣ୍ଣୋଗ୍ରାଫି ମାମଲାରେ ସୁପ୍ରିମକୋର୍ଟଙ୍କଠାରୁ ଆଶ୍ୱସ୍ତି ମିଳିଛି। ସୁପ୍ରିମକୋର୍ଟ ରାଜ କୁନ୍ଦ୍ରାଙ୍କ ସହ ମଡେଲ ଶର୍ଲିନ୍ ଚୋପ୍ରା, ପୁନମ୍ ପାଣ୍ଡେ ଓ ଉମେଶ କାମତଙ୍କୁ ମଧ୍ୟ ଅଶ୍ଳୀଳ କଣ୍ଟେଣ୍ଟ୍ ତିଆରି କରିବା ଏବଂ ଏହାକୁ OTT ପ୍ଲାଟଫର୍ମରେ ଦେଖାଇବା ମାମଲାରେ ଆଗୁଆ ଜାମିନ ପ୍ରଦାନ କରିଛନ୍ତି। କୋର୍ଟଙ୍କ ତରଫରୁ କୁହାଯାଇଛି ଯେ ସମସ୍ତ ଅଭିଯୁକ୍ତ ତଦନ୍ତରେ ସହଯୋଗ କରିବା ଉଚିତ ଏବଂ ଆବଶ୍ୟକ ପଡ଼ିଲେ ତଦନ୍ତରେ ସାମିଲ ହେବା ଉଚିତ।
ଗତ ମାସରେ ହିଁ ମହାରାଷ୍ଟ୍ର ସାଇବର ପୋଲିସ ପର୍ଣ୍ଣୋଗ୍ରାଫି ମାମଲାରେ ରାଜ କୁନ୍ଦ୍ରା, ଶର୍ଲିନ ଚୋପ୍ରା ଓ ପୁନମ୍ ପାଣ୍ଡେଙ୍କ ବିରୋଧରେ ଚାର୍ଜସିଟ୍ ଦାଖଲ କରିଥିଲା। ଚାର୍ଜସିଟ୍ରେ ଦାବି କରାଯାଇଥିଲା କି, ରାଜ କୁନ୍ଦ୍ରା ମୁମ୍ବାଇ ଆଖପାଖରେ ଥିବା ପାଞ୍ଚ ତାରକା ହୋଟେଲରେ ଅଶ୍ଳୀଳ ଫିଲ୍ମଗୁଡ଼ିକୁ ଶୁଟିଂ କରିଥିଲେ ଏବଂ ଏହାପରେ ସେଗୁଡ଼ିକୁ ଓଟିଟି ପ୍ଲାଟ୍ଫର୍ମକୁ ବିକିଥିଲେ। ରାଜ କୁନ୍ଦ୍ରା କୋଟିଏରେ ଏହି ଡିଲ୍ କରିଥିଲେ। ପୁନମ୍ ଓ ଶର୍ଲିନଙ୍କ ସହ ମିଶି ରାଜ୍ ଏହି ଫିଲ୍ମଗୁଡ଼ିକୁ ଶୁଟ୍ କରିଥିଲେ।
ରାଜ କୁନ୍ଦ୍ରାଙ୍କ ବିରୋଧରେ ଚାର୍ଜସିଟ୍ ଦାଖଲ ହେବା ପରେ ତାଙ୍କ ଓକିଲଙ୍କ ବୟାନ ସାମ୍ନାକୁ ଆସିଥିଲା। ଓକିଲ କହିଥିଲେ ଯେ ଏହି ବିଷୟରେ ସେ ଗଣମାଧ୍ୟମରୁ ହିଁ ଜାଣିବାକୁ ପାଇଛନ୍ତି ଏବଂ ସେ ଆଇନ ଅନୁସାରେ କୋର୍ଟରେ ହାଜର ହୋଇ ଚାର୍ଜସିଟର କପି ନେବେ। ଏତିକି ନୁହେଁ, ଓକିଲଙ୍କ କହିବା ଥିଲା, ଯେଉଁ ଅଭିଯୋଗ ମିଡିଆ ରିପୋର୍ଟ ଏବଂ ଏଫଆଇଆରରେ କରାଯାଇଛି, ସେଥିରେ ତାଙ୍କ କ୍ଲାଇଣ୍ଟଙ୍କର କୌଣସି ନେଣଦେଣ ନାହିଁ।
କହି ରଖୁଛୁ, ରାଜ କୁନ୍ଦ୍ରାଙ୍କୁ ଗତ ବର୍ଷ ଜୁଲାଇରେ ମୋବାଇଲ୍ ଆପ୍ଲିକେସନ୍ରେ ଅଶ୍ଳୀଳ ଫିଲ୍ମ ତିଆରି କରିବା ଏବଂ ଅପଲୋଡ୍ କରିବା ଅଭିଯୋଗରେ ଗିରଫ କରାଯାଇଥିଲା।
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…
ବୌଦ୍ଧ : ଚାଲିବାକୁ ଏହି ବାଡି ଖଣ୍ଡିକ ହିଁ ସାହାରା । ତଥାପି ପାଖରେ କେହି ଜଣେ ନ ରହିଲେ…
ମାଲକାନଗିରି : ସେଲ୍ଫି ନେବାବେଳେ ଚାଲିଗଲା ଦୁଇ ଜଣଙ୍କ ଜୀବନ । ମାଲକାନଗିରି ଜିଲ୍ଲା ଗୁମ୍ମାଝରଣ ଜଳପ୍ରପାତ ନିକଟରେ ସେଲଫି…
ଆମ୍ ଆଦ୍ମୀ ପାର୍ଟିର ରାଜ୍ୟସଭା ସାଂସଦ ସ୍ୱାତି ମାଲିଓ୍ଵାଲଙ୍କ ମାମଲାରେ ବଢ଼ିଲା ବିଭବ କୁମାରଙ୍କ ନ୍ୟାୟିକ ହେପାଜତ । ସ୍ୱାତି…