ବଲିଉଡ୍ କ୍ୱିନ୍ କଙ୍ଗନା ରାଣାୱତଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଏମରଜେନ୍ସି’ର ଦ୍ୱିତୀୟ ଟ୍ରେଲର ରିଲିଜ୍ ହୋଇଛି । ଏହି ଫିଲ୍ମ ୨୦୨୫ ଜାନୁୟାରୀ ୧୭ରେ ପ୍ରେକ୍ଷାଳୟକୁ ଆସିବ । ୧୯୭୫ରେ ଦେଶରେ ଲାଗିଥିବା ଏମରଜେନ୍ସିକୁ ୫୦ ବର୍ଷ ପୂରଣ ହେବା ଅବସରରେ କଙ୍ଗନାଙ୍କ ଫିଲ୍ମ ସିନେମାଘରେ ରିଲିଜ୍ ହେବ । ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ ଦେଶରେ ଯେଉଁ ଜରୁରୀକାଳୀନ ପରିସ୍ଥିତି ଘୋଷଣା କରିଥିଲେ, ଇତିହାସର ସେହି ବିବାଦୀୟ ଦିଗକୁ ଅଭିନେତ୍ରୀ ନିଜ ପଲିଟିକାଲ୍ ଡ୍ରାମାରେ ଦେଖାଇଛନ୍ତି ।
ଫିଲ୍ମର ଦ୍ୱିତୀୟ ଟ୍ରେଲରରେ ଏମରଜେନ୍ସି ପରେ ଦେଶରେ ସୃଷ୍ଟି ହୋଇଥିବା ଅଶାନ୍ତିକୁ ଦେଖାଯାଇଛି । ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିଥିବା କଙ୍ଗନାଙ୍କୁ ସବୁ ଦିଗରୁ ଆକ୍ରମଣ କରାଯାଇଛି । ଗୋଟିଏ ସିନରେ ଏକାକୀ ଜରୁରୀକାଳୀନ ନିଷ୍ପତ୍ତି ନେବା ଉପରେ ଯେତେବେଳେ ରାଷ୍ଟ୍ରପତି ତାଙ୍କୁ ପ୍ରଶ୍ନ କରୁଛନ୍ତି, ସେ କହୁଛନ୍ତି, ମୁଁ ହିଁ କ୍ୟାବିନେଟ୍ ।
କାହାଣୀରେ ଆଗକୁ ଦେଖାଯାଇଛି, କିପରି ଦେଶରେ ଯୁଦ୍ଧ ଘୋଷଣା ହୁଏ । ଇନ୍ଦିରା ଗାନ୍ଧୀଙ୍କ ବିରୋଧରେ ‘ସିଂହାସନ ଖାଲି କର’ ଦାବି ସବୁଆଡ଼େ ଉଠିଛି । ଏହି ଫିଲ୍ମରେ ଅନୁପମ ଖେର ଜୟପ୍ରକାଶ ନାରାୟଣଙ୍କ ଭୂମିକାରେ, ଶ୍ରେୟାସ ତଲପଡେ ଅଟଳ ବିହାରୀ ବାଜପେୟୀ ଓ ମିଲିନ୍ଦ ସୋମନ ଫିଲ୍ଡ ମାର୍ଶଲ ସାମ ମାନେକ୍ସାଙ୍କ ଭୂମିକାରେ ନଜର ଆସିବେ ।
ଟ୍ରେଲରକୁ ୟୁଜରମାନେ ଖୁବ୍ ପସନ୍ଦ କରିଛନ୍ତି ଏବଂ କଙ୍ଗନା ରାଣାୱତଙ୍କୁ ‘ଶେରନୀ’ର ଟ୍ୟାଗ୍ ଦେଇଛନ୍ତି । ଲୋକଙ୍କ କହିବା ହେଲା, ଇନ୍ଦିରା ଗାନ୍ଧୀଙ୍କ ଭୂମିକାରେ କଙ୍ଗନା ଦମଦାର୍ ଦେଖାଯାଉଛନ୍ତି । ତାଙ୍କର ଡାଏଲଗ୍ ଡେଲିଭରିଠାରୁ ଆରମ୍ଭ କରି ଏକ୍ସପ୍ରେସନ୍ସ ସବୁକିଛି ମାଇଣ୍ଡ ବ୍ଲୋଇଙ୍ଗ୍ ରହିଛି । ଫ୍ୟାନମାନଙ୍କୁ ଫିଲ୍ମ ଏମରଜେନ୍ସିର ଏହି ଟ୍ରେଲର ବହୁତ ପସନ୍ଦ ଆସିଛି ।
ଫିଲ୍ମରୁ ଯେବେ କଙ୍ଗନାଙ୍କର ପ୍ରଥମ ଲୁକ୍ ସାମ୍ନାକୁ ଆସିଥିଲା, ସେବେଠାରୁ ଫ୍ୟାନମାନେ ଏହି ମୁଭିକୁ ଦେଖିବା ପାଇଁ ବେଶ୍ ଉତ୍ସାହିତ ଥିଲେ । ଏବେ ଟ୍ରେଲର ରିଲିଜ୍ ସେମାନଙ୍କ ଉତ୍ସାହକୁ ଆହୁରି ଦ୍ଵିଗୁଣିତ କରିଦେଇଛି ।
So, here’s the #Emergency trailer…
What’s your take?pic.twitter.com/ZqmOJDXHLL
— BINGED (@Binged_) January 6, 2025