ସାହିଦ କପୁରଙ୍କ ପତ୍ନୀ ମୀରା ସେୟାର କଲେ ଫ୍ୟାମିଲି ଭ୍ୟାକେସନର ଝଲକ, ଭାଇରାଲ ହେଉଛି ଫଟୋ
ସାହିଦ କପୁର-ମୀରା ରାଜପୁତ ଇଣ୍ଡଷ୍ଟ୍ରିର ସବୁଠାରୁ ସୁନ୍ଦର ତଥା ଲୋକପ୍ରିୟ କପଲମାନଙ୍କ ମଧ୍ୟରୁ ଅନ୍ୟତମ । ଏହି ବି-ଟାଉନ୍ କପଲ୍ ନିଜ ଛୁଆ ମିଶା ଏବଂ ଜୈନଙ୍କ ସହିତ କ୍ୱାଲିଟି ଟାଇମ ଅତିବାହିତ କରୁଥିବାର ନଜର ଆସିଛନ୍ତି । ସାହିଦ କପୁରଙ୍କ ପତ୍ନୀ ମଧ୍ୟ ତାଙ୍କ ସୋସିଆଲ ମିଡିଆରେ କିଛି ଫଟୋ ସେୟାର କରିଛନ୍ତି, ଯେଉଁଥିରେ ସେ ବହୁତ ମଜା କରୁଥିବାର ଦେଖିବାକୁ ମିଳିଛି । ସାହିଦ ଏବଂ ମୀରା ସେମାନଙ୍କର ଦୁଇ ଛୁଆଙ୍କ ସହ ଲଣ୍ଡନ ଏବଂ ସ୍ପେନକୁ ଭ୍ୟାକେସନରେ ଯାଇଥିଲେ ।
ମୁମ୍ବାଇ ଫେରିବାର କିଛି ଦିନ ପରେ ମୀରା ତାଙ୍କ ଭ୍ୟାକେସନ ସମୟର କିଛି ସୁନ୍ଦର ଝଲକ ସହ ଏକ ସୁନ୍ଦର ନୋଟ୍ ମଧ୍ୟ ସେୟାର କରିଛନ୍ତି । ଗତ ରବିବାର ଦିନ ମୀରା ରାଜପୁତ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଅନେକ ଫଟୋ ପୋଷ୍ଟ କରିଥିଲେ । ସେ ଏହା ମଧ୍ୟ କହିଛନ୍ତି ଯେ ସେ ଏହି ଭ୍ୟାକେସନ ସମୟକୁ ସେ ବହୁତ ମିସ୍ କରୁଛନ୍ତି । ଏହି ପୋଷ୍ଟରେ ସାହିଦ କପୁର ଲଣ୍ଡନ ଏବଂ ସ୍ପେନ୍ ପରି ବିଭିନ୍ନ ସୁନ୍ଦର ସ୍ଥାନରେ ତାଙ୍କ ପରିବାର ସହିତ ସମୟ ଅତିବାହିତ କରୁଥିବାର ଦେଖିବାକୁ ମିଳିଛି ।
ଏହି ସୁନ୍ଦର ଫଟୋ ସେୟାର କରିବାବେଳେ ମୀରା ରାଜପୁତ ତାଙ୍କ କ୍ୟାପସନରେ ଥିବା ପ୍ରତ୍ୟେକ ଫଟୋ ବିଷୟରେ କିଛି ବିଶେଷ କଥା ଲେଖିଛନ୍ତି । ଶେଷ ଫଟୋରେ, ଦମ୍ପତିଙ୍କୁ ଏକ ଅତି ସୁନ୍ଦର ପୋଜ ଦେଉଥିବାର ଦେଖିବାକୁ ମିଳିଛି । ଆପଣଙ୍କୁ କହି ରଖୁଛୁ ଯେ ବି ଟାଉନର ପ୍ରସିଦ୍ଧ ଦମ୍ପତି ସାହିଦ କପୁର ଏବଂ ମୀରା ରାଜପୁତ ୨୦୧୫ ମସିହାରେ ବିବାହ କରିଥିଲେ । ଦୁହିଁଙ୍କର ଆରେଞ୍ଜ ମ୍ୟାରେଜ ହୋଇଥିଲା ଏବଂ ଆଜି ଏହି ଦମ୍ପତି ଏକ ସୁଖୀ ଦାମ୍ପତ୍ୟ ଜୀବନ ଅତିବାହିତ କରୁଛନ୍ତି ।
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ସାହିଦ କପୁରଙ୍କୁ ଶେଷ ଥର ପାଇଁ ‘ତେରୀ ବତୋ ମେଁ ଏସା ଉଲଜା ଜିଆ’ରେ ଦେଖିବାକୁ ମିଳିଥିଲା । ଏହି ଫିଲ୍ମରେ କ୍ରିତି ସାନନ୍ ମଧ୍ୟ ମୁଖ୍ୟ ଭୂମିକାରେ ଥିଲେ । ଏହି ଫିଲ୍ମରେ ଭେଟେରାନ୍ ଅଭିନେତ୍ରୀ ଡିମ୍ପଲ୍ କାପାଡିଆ ଏବଂ ଧର୍ମେନ୍ଦ୍ର ମଧ୍ୟ ନଜର ଆସିଥିଲେ । ‘ହାଇଦର’, ‘ଇଶ୍କ ବିସ୍କ’, ‘କବୀର ସିଂ’ ଭଳି ଫିଲ୍ମ ଭଳି ଫେମସ ଫିଲ୍ମ ଦେବା ପରେ ବର୍ତ୍ତମାନ ସାହିଦ ଆକ୍ସନ୍ ଥ୍ରୀଲର ଫିଲ୍ମ ‘ଦେବା’ ପାଇଁ ପ୍ରସ୍ତୁତ ହେଉଛନ୍ତି । ଏହି ଫିଲ୍ମରେ ପୂଜା ହେଗଡେ ମଧ୍ୟ ଅଭିନୟ କରିଛନ୍ତି । ଏହି ଫିଲ୍ମଟି ଫେବୃଆରୀ ୧୪, ୨୦୨୫ରେ ରିଲିଜ ହେବ ବୋଲି ସୂଚନା ରହିଛି ।
