ଶାହରୁଖ ଖାନଙ୍କ ଅପ୍କମିଂ ଫିଲ୍ମ କିଙ୍ଗକୁ ନେଇ ଚର୍ଚ୍ଚା, ଝିଅ ସୁହାନା ଖାନଙ୍କ ସହ କରିବେ ସ୍କ୍ରିନ୍ ସେୟାର
ଶାହରୁଖ ଖାନଙ୍କର କେବଳ ଭାରତରେ ନୁହେଁ ବରଂ ସମଗ୍ର ବିଶ୍ୱରେ ବହୁତ ପ୍ରଶଂସକ ଅଛନ୍ତି । ତାଙ୍କର ୩୨ ବର୍ଷର ଫିଲ୍ମ କ୍ୟାରିୟରରେ ଶାହରୁଖ ଖାନ ସିନେ ଜଗତକୁ ଅନେକ ପ୍ରକାରର ଫିଲ୍ମ ଦେଇଛନ୍ତି ଏବଂ ତାଙ୍କର ଅବଦାନ ପ୍ରଶଂସନୀୟ । ବହୁତ ଦିନ ଧରି ଅନୁମାନ କରାଯାଉଥିଲା ଯେ ଶାହାରୁଖ ଖାନ ଝିଅ ସୁହାନାଙ୍କ ସହ ଫିଲ୍ମ ‘କିଙ୍ଗ’ କରିବାକୁ ଯାଉଛନ୍ତି । ପ୍ରଶଂସକଙ୍କ ପାଇଁ ଏକ ଖୁସି ଖବର ହେଉଛି କିଙ୍ଗ ଖାନଙ୍କ ଏହି ଖବର ସଂପୂର୍ଣ୍ଣ ସଠିକ୍ । ଏହି ଅଭିନେତା ଲୋକାର୍ନୋ ଫିଲ୍ମ ଫେଷ୍ଟିଭାଲରେ ନିଶ୍ଚିତ କରିଛନ୍ତି ଯେ ସେ ଫିଲ୍ମ ‘କିଙ୍ଗ’ କରିବାକୁ ଯାଉଛନ୍ତି । ଏହି କାର୍ଯ୍ୟକ୍ରମରେ ଅଭିନେତାଙ୍କୁ ସିନେମାରେ ଅବଦାନ ପାଇଁ ପାର୍ଡୋ ଅଲ୍ଲା କ୍ୟାରିଅର ଆଓ୍ଵାର୍ଡରେ ସମ୍ମାନିତ କରାଯାଇଛି । ଏଠାରେ ଅଭିନେତା ଅପ୍କମିଂ ଫିଲ୍ମ ବିଷୟରେ ଖୁଲାସା ମଧ୍ୟ କରିଛନ୍ତି । ତେବେ ନିର୍ଦ୍ଦେଶକ ଜିଓନା ଏ ନାଜଜାରୋଙ୍କ ସହ ବାର୍ତ୍ତାଳାପରେ ଶାହରୁଖ ଫିଲ୍ମ ‘କିଙ୍ଗ’ରେ ହେବାକୁ ଯାଉଛି ବୋଲି ସୂଚନା ଦେଇଛନ୍ତି । ସେ କହିଛନ୍ତି, ଯେ ଗତ ବର୍ଷ ମୁଁ ଫିଲ୍ମ’ଜୱାନ୍’ ଏବଂ ‘ଡିଙ୍କି’ କରିଥିଲେ । ବର୍ତ୍ତମାନ ମୁଁ କିଛି ଖାସ୍ ଫିଲ୍ମ କରିବାକୁ ଚାହୁଁଥିଲି । ଏହା ପରେ ଫିଲ୍ମକୁ ନେଇ ଅନେକ ପ୍ରକାରର କଥା କହିଛନ୍ତି ।
ଏହା ପରେ ଅଭିନେତା କହିଛନ୍ତି, ମୋର ପରବର୍ତ୍ତୀ ଫିଲ୍ମ ହେଉଛି ‘କିଙ୍ଗ’ । ଏହା ଉପରେ କାମ ଆରମ୍ଭ କରିବାକୁ ପଡିବ । ଫିଲ୍ମ ପାଇଁ, ମୋତେ ଓଜନ କମ୍ କରିବାକୁ ପଡିବ । ଟିକେ ଷ୍ଟ୍ରେଚ୍ କରିବାରେ ଅଛି, ଯାହା ଦ୍ୱାରା ଷ୍ଟଣ୍ଟ କରିବା ସମୟରେ ମୋ ପିଠିରେ ଆଘାତ ନହେବ । ଏହା ମୋ ପାଇଁ ବହୁତ ଯନ୍ତ୍ରଣାଦାୟକ ଏବଂ ଦୁଃଖଦାୟକ । ମୋର ଦୁଇଟି ବ୍ୟାଗ ଆଇସିଂ ମେସିନରୁ ଫୁଲ ହୋଇଛି । ସବୁଠାରୁ ଖରାପ କଥା ହେଉଛି ଆକ୍ସନ୍ ପରେ ମୋତେ ସେଟ୍ ରେ ଦେଖିବା । ଏହି ସୁଟିଂ ପରେ କେହି ଜଣେ ମୋ ପିଠି ଦବାଉଛନ୍ତି । ଏପରି ଭାବେ ଚାଲିବା ମୋ ପାଇଁ କଷ୍ଟକର ହୋଇଯାଏ ।
ଫିଲ୍ମ କିଙ୍ଗ ବିଷୟରେ କହିବାକୁ ଗଲେ ତାଙ୍କ ଝିଅ ସୁହାନା ମଧ୍ୟ ଏଥିରେ ନଜର ଆସିବେ । ଏହା ହେଉଛି ଉଭୟଙ୍କର ପ୍ରଥମ ଫିଲ୍ମ । ଫିଲ୍ମ ‘ଦି ଆର୍କିଜ୍’ ସହିତ ସୁହାନା ଅଭିନୟ ଆରମ୍ଭ କରିଥିଲେ । କିନ୍ତୁ ସୁହାନାଙ୍କ ପ୍ରଥମ ଫିଲ୍ମଟି ଧମାକା କରିପାରିଲା ନାହିଁ । ଶାହରୁଖଙ୍କ ଶେଷ ରିଲିଜ୍ ଫିଲ୍ମ ଥିଲା ‘ଡିଙ୍କି’। ଯେଉଁଥିରେ ଦର୍ଶକଙ୍କ ତାଙ୍କୁ ବହୁତ ଭଲ ପାଇବା ଦେଇଥିଲେ । ଏହି ଫିଲ୍ମ ମଧ୍ୟ ସୁପର ହିଟ୍ ହୋଇଥିଲା । ଏବେ ଦେଖିବାରେ ଅଛି ଶାହରୁଖ ଖାନ୍ ତାଙ୍କ ଝିଅ ସହ କରିବାକୁ ଯାଉଥିବା ଫିଲ୍ମଟି କିପରି ହେଉଛି ।
ଫିଲ୍ମ ‘କିଙ୍ଗ’ରେ ଶାରୁଖାନ୍ ତାଙ୍କ ଝିଅ ସୁହାନା ଖାନଙ୍କ ସହ ସ୍କ୍ରିନ୍ ସେୟାର କରୁଥିବା ନଜର ଆସିବେ । ସୁଜୟ ଘୋଷ ଫିଲ୍ମ ‘କିଙ୍ଗ’ର ନିର୍ଦ୍ଦେଶନା ଦେବେ ଏବଂ ଏକ୍ସନ୍ ସିନ୍ର ଦାୟିତ୍ୱ ସିଦ୍ଧାର୍ଥ ଆନନ୍ଦଙ୍କୁ ଦିଆଯାଇଛି । ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଏବଂ ସିଦ୍ଧାର୍ଥ ଆନନ୍ଦଙ୍କ ମାର୍ଫ୍ଲିକ୍ସ ଏଣ୍ଟରଟେନମେଣ୍ଟ ମିଳିତ ଭାବେ ଏହାକୁ ତିଆରି କରିବାକୁ ଯାଉଛନ୍ତି । ତେବେ ଏହା ପ୍ରଥମ ଫିଲ୍ମ ହେବାକୁ ଯାଉଛି, ଯେଉଁଥିରେ କିଙ୍ଗ ଖାନ୍ ତାଙ୍କ ଝିଅ ସହ ଏକାଠି କାମ କରିବେ । ଏହି ଖବର ଆସିବା ପରେ ଦର୍ଶକ ମଧ୍ୟ ଏହି ଫିଲ୍ମକୁ ଦେଖିବାକୁ ପାଇଁ ଉତ୍ସାହାର ସହିତ ଅପେକ୍ଷା କରିଛନ୍ତି ।
