photo : filmygyan
ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରାଙ୍କୁ ମଙ୍ଗଳବାର ମହାରାଷ୍ଟ୍ରରେ ଚାମ୍ପିଅନ୍ସ ଅଫ୍ ଚେଞ୍ଜ୍ ଆଓ୍ଵାର୍ଡରେ ସମ୍ମାନିତ କରାଯାଇଛି । ତେବେ ସେ ଇନଷ୍ଟାଗ୍ରାମରେ ତାଙ୍କ ଫ୍ୟାନ୍ସଙ୍କ ସହ ଏହି ଖୁସି ଖବର ବାଣ୍ଟିଥିଲେ ଏବଂ ତାଙ୍କ ଆଓ୍ଵାର୍ଡ ସହିତ ଫଟୋ ମଧ୍ୟ ପୋଷ୍ଟ କରିଥିଲେ । ମହାରାଷ୍ଟ୍ରର ଜଷ୍ଟିସ କେ.ଜି ବାଲକ୍ରିଷ୍ଣନ୍ ଏବଂ ଜଷ୍ଟିସ୍ ଜିଆନ୍ ସୁଧା ମିଶ୍ରଙ୍କଠାରୁ ଶିଳ୍ପାଙ୍କୁ ଏକ ସ୍ୱତନ୍ତ୍ର ଆଓ୍ଵାର୍ଡ ମିଳିଛି ।
ଶିଳ୍ପା ସେଟ୍ଟୀ ନିଜ ଖୁସିର ସମୟରେ ସେହି ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । ଫଟୋରେ ଅଭିନେତ୍ରୀ ଶାଢୀ ପିନ୍ଧିଥିବାର ନଜର ଆସିଛନ୍ତି ଏବଂ ସେ ତାଙ୍କ ଆଓ୍ଵାର୍ଡକୁ ଫ୍ୟାନ୍ସଙ୍କ ସହ ସେୟାର କରୁଥିବା ଦେଖିବାକୁ ମିଳିଛି । ଏହି ଫଟୋ ସହିତ ସେ କ୍ୟାପସନରେ ଲେଖିଛନ୍ତି, ‘‘ମହାରାଷ୍ଟ୍ରର ମାନ୍ୟବର ଜଷ୍ଟିସ କେ.ଜି ବାଲକ୍ରିଷ୍ଣନ୍ ଏବଂ ମାନ୍ୟବର ଜଷ୍ଟିସ୍ ଜିଆନ୍ ସୁଧା ମିଶ୍ରଙ୍କ ଦ୍ୱାରା ‘ଚାମ୍ପିଅନ୍ସ ଅଫ୍ ଚେଞ୍ଜ୍ ୨୦୨୩’ ଆଓ୍ଵାର୍ଡ ପାଇଁ ମୁଁ ଅତ୍ୟଧିକ କୃତଜ୍ଞ ହୋଇଛି ।
ମୁଁ ମୋର କାର୍ଯ୍ୟ ପାଇଁ ଗର୍ବିତ ଏବଂ ନମ୍ର ଅନୁଭବ କରୁଛି ଯେ ମୁଁ ମନୋରଞ୍ଜନ ମାଧ୍ୟମରେ ଛୋଟ, ସକରାତ୍ମକ ଉପାୟରେ କାହାର ସ୍ୱାସ୍ଥ୍ୟ ଏବଂ ସୁସ୍ଥତା ପାଇଁ ଏକ ଅନୁକ୍ରମଣିକା ଖେଳିପାରେ । ସ୍ୱୀକୃତି ପାଇଁ ସମସ୍ତଙ୍କୁ ଧନ୍ୟବାଦ । ତେବେ ଲୋକଙ୍କ ଭଲ ପାଇବା ଯୋଗୁ ସମସ୍ତଙ୍କୁ ଧନ୍ୟବାଦ । ଏହା ସହ ମୁଁ କୃତଜ୍ଞ ମଧ୍ୟ ହୋଇଛି ।
ଏହି ଆଓ୍ଵାର୍ଡ କାର୍ଯ୍ୟକ୍ରମ ପାଇଁ ଶିଳ୍ପା ସେଟ୍ଟୀ ଏକ ସବୁଜ ରଙ୍ଗର ଶାଢୀ ପିନ୍ଧିଥିଲେ । ସେଥିରେ ଶିଳ୍ପା ବହୁତ ସୁନ୍ଦର ଦେଖାଯାଉଥିଲେ । ସେ ଏହାକୁ ଏକ ଗୋଲ୍ଡ କଟ-ସ୍ଲିଭ ବ୍ଲାଉଜ ସହିତ ପିନ୍ଧିଥିଲେ । ଯାହା କି ସମସ୍ତ ଲୋକଙ୍କୁ ବହୁତ ପସନ୍ଦ ଆସିଥିଲା ।
ଶିଳ୍ପା ସେଟ୍ଟୀଙ୍କ ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ, ସେ ଏବେ ରୋହିତ ସେଟ୍ଟୀଙ୍କ ଓଟିଟି ପ୍ଲାଟର୍ଫମରେ ଡେବ୍ୟୁ କରିଛନ୍ତି ‘ଇଣ୍ଡିଆନ୍ ପୋଲିସ୍ ଫୋର୍ସ’ ରେ ନଜର ଆସିଛନ୍ତି । ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏବଂ ବିବେକ ଓବରଏ ମଧ୍ୟ ଅଭିନୟ କରିଥିଲେ । ଏହି ସିରିଜ୍ ଓଟିଟି ପ୍ଲାଟଫର୍ମ ଆମାଜନ ପ୍ରାଇମରେ ଷ୍ଟ୍ରିମିଂରେ ରିଲିଜ୍ ହୋଇଥିଲା । ଭି ରବିଚନ୍ଦ୍ରନ ଏବଂ ସଞ୍ଜୟ ଦତ୍ତଙ୍କ ସହ ଶିଳ୍ପା ସେଟ୍ଟୀଙ୍କୁ ‘କେ.ଡି-ଦି ଡେଭିଲ୍’ରେ ସତ୍ୟବତୀଙ୍କ ଭୂମିକାରେ ଦେଖିବାକୁ ମିଳିବ । ଏହି ପ୍ୟାନ୍ ଇଣ୍ଡିଆ ଫିଲ୍ମ ତାମିଲ, କନ୍ନଡା, ତେଲୁଗୁ, ମାଲାୟାଲମ୍ ଏବଂ ହିନ୍ଦୀରେ ମୁକ୍ତିଲାଭ କରିଥିଲା ।
ସୂଚନା ମୁତାବକ, ଶିଳ୍ପା ସେଟ୍ଟୀଙ୍କ ବ୍ୟତୀତ ମନୋଜ ବାଜପେୟୀ, ଅର୍ଜୁନ ରାମପାଲ, ଫରାହ ଖାନ ଏବଂ ସୋନୁ ସୁଦ୍ଙ୍କୁ ମଧ୍ୟ ଚାମ୍ପିଅନ୍ସ ଅଫ୍ ଚେଞ୍ଜ୍ ଆୱାର୍ଡରେ ସମ୍ମାନିତ କରାଯାଇଛି । ଗାନ୍ଧୀ ମୂଲ୍ୟ, ସମ୍ପ୍ରଦାୟ ସେବା ଏବଂ ସାମାଜିକ ବିକାଶ ପାଇଁ ଚାମ୍ପିଅନ୍ସ ଅଫ୍ ଚେଞ୍ଜ୍ ହେଉଛି ଏକ ଭାରତୀୟ ଆୱାର୍ଡ । ଏହା ୨୦୧୧ରେ ପ୍ରତିଷ୍ଠିତ ହୋଇଥିଲା ।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…