ଟିଭି ଦୁନିଆର ଲୋକପ୍ରିୟ ଅଭିନେତ୍ରୀ ଶ୍ୱେତା ତିୱାରୀ ନିଜର ସୌନ୍ଦର୍ଯ୍ୟ ଏବଂ ଷ୍ଟାଇଲିସ୍ ଲୁକ୍ ଯୋଗୁଁ ବେଶ ଜଣାଶୁଣା । ତାଙ୍କ ଝିଅ ପଲକ ତିୱାରୀ ମଧ୍ୟ ତାଙ୍କଠୁ କୌଣସି ଗୁଣରେ କମ୍ ନୁହଁନ୍ତି । ଆଜିକାଲି ସୋସିଆଲ ମିଡିଆରେ ପଲକ ବହୁତ ଲୋକପ୍ରିୟ । ନିକଟରେ ସେ ବଲିଉଡରେ ମଧ୍ୟ ଏଣ୍ଟ୍ରି କରିଛନ୍ତି । ପଲକ ସଲମାନ ଖାନଙ୍କ ଫିଲ୍ମ ‘କିସି କି ଭାଇ କିସି କି ଜାନ’ ସହ ବଲିଉଡରେ ଡେବ୍ୟୁ କରିଥିଲେ । ଏହାପୂର୍ବରୁ ପଲକ ଅନେକ ମ୍ୟୁଜିକ୍ ଆଲବମରେ ମଧ୍ୟ ଅଭିନୟ କରିଛନ୍ତି ।
ଏସବୁ ମଧ୍ୟରେ ସୈଫ୍ ଅଲ୍ଲୀ ଖାନ୍ ଓ ଅମୃତା ସିଂହଙ୍କ ପୁଅ ଇବ୍ରାହିମ୍ ଅଲ୍ଲୀ ଖାନ୍ ଏବଂ ଟିଭି ଷ୍ଟାର ଶ୍ୱେତା ତିଓ୍ଵାରୀଙ୍କ ଝିଅ ପଲକ ତିଓ୍ଵାରୀ ଡେଟ କରୁଥିବାର ଗୁଜବ ଦୀର୍ଘ ଦିନ ଧରି ଚାଲିଛି । ଇବ୍ରାହିମ୍ ଓ ପଲକ୍ ପ୍ରାୟତଃ ଏକାଠି ନଜର ଆସିଥାନ୍ତି । ଉଭୟ ଅନେକ ଥର ଏକାଠି ସ୍ପଟ୍ ହେବା ପରେ ଉଭୟଙ୍କ ମଧ୍ୟରେ ଇଲୁ ଇଲୁ ଚାଲିଥିବା ନେଇ ଚର୍ଚ୍ଚା ହେଉଛି । ତେବେ ଦୁହେଁ ନିଜ ସମ୍ପର୍କର ଗୁଜବ ଉପରେ କୌଣସି ପ୍ରତିକ୍ରିୟା ରଖିନାହାଁନ୍ତି ।
କିନ୍ତୁ ନିକଟରେ ଏକ ଇଣ୍ଟରଭ୍ୟୁରେ ପଲକଙ୍କ ମା’ ତଥା ଲୋକପ୍ରିୟ ଟିଭି ଅଭିନେତ୍ରୀ ଶ୍ୱେତା ତାଙ୍କ ଝିଅର ଡେଟିଂ ଗୁଜବ ବିଷୟରେ କହିଥିଲେ ଏବଂ ଏହା ମଧ୍ୟ କହିଛନ୍ତି ଯେ ଏଭଳି ସୋସିଆଲ ମିଡିଆର ଗୁଜବ ତାଙ୍କ ଉପରେ କୌଣସି ପ୍ରଭାବ ପକାଉନାହିଁ । ସେ ଆହୁରି ମଧ୍ୟ କହିଛନ୍ତି ଯେ ଲୋକମାନେ ଏଭଳି ଗୁଜବକୁ କିଛି ଦିନ ପାଇଁ ମାନେ ରଖନ୍ତି ଆଉ ତାପରେ ଭୁଲିଯାଆନ୍ତି ତେବେ ସେ ଏଭଳି ଗୁଜବକୁ ନେଇ କାହିଁକି ଚିନ୍ତିତ ହେବେ ।ଏସବୁ ଆଜିକାଲି ବହୁତ ସାଧାରଣ ହୋଇଗଲାଣି ।
ଆପଣଙ୍କୁ କହି ରଖୁଛୁ ଯେ ପଲକ୍ ତିୱାରୀ ଏବଂ ଇବ୍ରାହିମ ଅଲି ଖାନଙ୍କ ଡେଟିଂ ଗୁଜବ ପ୍ରଥମେ ୨୦୨୨ ମସିହାରେ ସାମ୍ନାକୁ ଆସିଥିଲା ଯେତେବେଳେ ସେମାନେ ପାପାରାଜି ଦ୍ୱାରା ଏକାଠି ନଜର ଆସିଥିଲେ । ପରେ, ସେମାନେ ମୁମ୍ବାଇର ଏକ ମ୍ୟୁଜିକ୍ କନସର୍ଟରେ ମଧ୍ୟ ଏକାଠି ନଜର ଆସିଥିଲେ । ଏହା ପରେ ନେଟ୍ଜେନ୍ମାନେ ନିଶ୍ଚିତ ହୋଇଥିଲେ ଯେ ଦୁହେଁ ପ୍ରକୃତରେ ଡେଟ୍ କରୁଛନ୍ତି । ତେବେ ପରେ ସିଦ୍ଧାର୍ଥ କାନନଙ୍କୁ ଦେଇଥିବା ଏକ ସାକ୍ଷାତକାରରେ ବିଜଲୀ ଗାର୍ଲ ପଲକ ତିଓ୍ଵାରୀ ସ୍ପଷ୍ଟ କରିଛନ୍ତି ଯେ ସେମାନେ କେବଳ ‘ଭଲ ବନ୍ଧୁ’ ଅଟନ୍ତି ।
ତେବେ ହାର୍ଡି ସନ୍ଧୁଙ୍କ ସହ ହିଟ୍ ନମ୍ବର ଦେବା ପରେ ପଲକ୍ଙ୍କ ଲୋକପ୍ରିୟତା ଆକାଶ ଛୁଆଁ ହୋଇଥିଲା । ଏହି ସମୟରେ, ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ପଲକ ତିୱାରୀଙ୍କୁ ଶେଷ ଥର ପାଇଁ ସଲମାନ ଖାନଙ୍କ ଫିଲ୍ମ ‘କିସି କି ଭାଇ କିସି କି ଜାନ’ରେ ଦେଖିବାକୁ ମିଳିଥିଲା ।