ଅକ୍ଟୋବର ୨୧ରେ ରିଲିଜ୍ ହେବ ସିଦ୍ଧାର୍ଥ ଶୁକ୍ଳା ଓ ଶେହନାଜ ଗିଲ୍ଙ୍କ ଶେଷ ଗୀତ ‘ଅଧୁରା’
ସିଦ୍ନାଜଙ୍କ ଫ୍ୟାନ୍ମାନଙ୍କ ପାଇଁ ଖୁସି ଖବର। ଦିବଂଗତ ଅଭିନେତା ସିଦ୍ଧାର୍ଥ ଶୁକ୍ଳା ଓ ଶେହନାଜ ଗିଲ୍ଙ୍କୁ ଶେଷ ଥର ପାଇଁ ଏକାଠି ଆଣିଥିବା ‘ଅଧୁରା’ ଗୀତ ଆସନ୍ତା ୨୧ ଅକ୍ଟୋବରରେ ରିଲିଜ୍ ହେବ। ଦର୍ଶକମାନେ ଏହି ଅଭିନେତାଙ୍କୁ ଶେଷ ଥର ପାଇଁ ପରଦାରେ ଦେଖିବାର ଖୁସିଠାରୁ ଅଧିକ ଆଉ କିଛି ହୋଇପାରିବ ନାହିଁ।
‘ଅଧୁରା’ ଗୀତକୁ ଶ୍ରେୟା ଘୋଷାଲ ଓ ଅର୍କୋ ପ୍ରାଭୋ ମୁଖାର୍ଜୀ ଗାଇଛନ୍ତି। ଏହି ଟ୍ରାକ୍ର ମ୍ୟୁଜିକ୍ ଭିଡିଓରେ ସିଦ୍ଧାର୍ଥ ଶୁକ୍ଳା ଓ ତାଙ୍କ ଗୁଜବର ପ୍ରେମିକା ଶେହନାଜ ଗିଲ୍ଙ୍କ ଶେଷ ଫୁଟେଜ୍ ଦେଖାଯାଇଛି, ଯେବେ ଏହି ଦୁଇଜଣ ଭିଡିଓ ପାଇଁ ଏକ ସାଥୀରେ ଶୁଟିଂ କରିଥିଲେ।
ଶନିବାର ରାତିରେ ଶ୍ରେୟା ଇନ୍ଷ୍ଟାଗ୍ରାମରେ ସିଦ୍ଧାର୍ଥ ଶୁକ୍ଳା ଓ ଶେହନାଜଙ୍କ ପ୍ରଶଂସକମାନଙ୍କ ସହିତ ଏହି ଟ୍ରାକ୍ର ଅଫିସିଆଲ ପୋଷ୍ଟର ରିଲିଜ୍ କରିଥିଲେ। ପୋଷ୍ଟର ସହିତ ଶ୍ରେୟା, ସିଦ୍ଧାର୍ଥ ଶୁକ୍ଳାଙ୍କୁ ଭାବନାତ୍ମକ ଶ୍ରଦ୍ଧାଞ୍ଜଳି ମଧ୍ୟ ଦେଇଥିଲେ। ସେ ସିଦ୍ଧାର୍ଥ ଶୁକ୍ଳାଙ୍କୁ ଜଣେ ‘ଷ୍ଟାର୍’ ରୂପରେ ମନେ ପକାଇଥିଲେ। ପୋଷ୍ଟରରେ ସିଦ୍ଧାର୍ଥଙ୍କୁ ଶେହନାଜଙ୍କ ସହିତ ସ୍ମାଇଲ୍ ସେୟାର କରୁଥିବାର ଦେଖାଯାଇ ପାରିବ।
ସିଦ୍ଧାର୍ଥଙ୍କ ଶେଷ ଗୀତ ଦେଖିବା ପାଇଁ ଫ୍ୟାନ୍ମାନେ ବହୁତ ଉତ୍ସାହୀ ଅଛନ୍ତି। ଜଣେ ଇନ୍ଷ୍ଟାଗ୍ରାମ ୟୁଜର କହିଛନ୍ତି, ‘ସେ ଭାବୁକ କରିଦେଲେ। ଏହି ଗୀତକୁ ଦେଖିବା ପାଇଁ ଆଉ ଅପେକ୍ଷା କରିପାରିବି ନାହିଁ’। ଆଉ ଜଣେ ଲେଖିଛନ୍ତି, ‘ସିଦ୍ଧାର୍ଥ ସବୁବେଳେ ହୃଦୟରେ ରହିବେ। ଅଧୁରା ହିଟ୍ ହେବ’। ସାରେଗାମାର ଅଫିସିଆଲ ୟୁଟ୍ୟୁବ ଚ୍ୟାନେଲରେ ‘ଅଧୁରା’ ରିଲିଜ୍ ହେବାକୁ ଯାଉଛି।
View this post on Instagram
