କ୍ଷୀର ନଷ୍ଟ କରୁଥିବାରୁ ଟ୍ରୋଲ ହୋଇଥିଲେ ସୋନୁ ସୁଦ, ଏବେ ଫ୍ୟାନଙ୍କୁ କହିଲେ-“ଏଭଳି କରନି”
କରୋନା କାଳରେ ଲୋକଙ୍କ ପାଇଁ ଦେବଦୂତ ସାଜିଥିବା ସୋନୁ ସୁଦଙ୍କୁ ସମସ୍ତେ ପ୍ରଶଂସା କରୁଛନ୍ତି। କିଛି ଲୋକ ତାଙ୍କୁ ଭଗବାନଙ୍କ ସ୍ଥାନରେ ରଖି ପୂଜା ମଧ୍ୟ କରୁଛନ୍ତି। ନିକଟରେ ସୋନୁ ସୁଦଙ୍କର କିଛି ଫଟୋ ଓ ଭିଡିଓ ସାମ୍ନାକୁ ଆସିଥିଲା ଯେଉଁଥିରେ ଲୋକେ ତାଙ୍କ ଫଟୋରେ କ୍ଷୀର ଲାଗି କରୁଥିବା ଦେଖିବାକୁ ମିଳିଥିଲା। କ୍ଷୀର ନଷ୍ଟ କରୁଥିବାରୁ ସୋସିଆଲ ମିଡିଆରେ କିଛି ଲୋକ ଏହି ଫ୍ୟାନଙ୍କୁ ଟ୍ରୋଲ କରିଥିଲେ। ଏବେ ସୋନୁ ମଧ୍ୟ ଫ୍ୟାନଙ୍କୁ କ୍ଷୀର ନଷ୍ଟ ନ କରିବାକୁ ଅନୁରୋଧ କରିଛନ୍ତି।
ସୋନୁ ଟ୍ୱିଟରରେ ଏକ ଭିଡିଓ ସେୟାର କରିଛନ୍ତି। ଭିଡିଓରେ ଆନ୍ଧ୍ରପ୍ରଦେଶର କିଛି ଲୋକ ତାଙ୍କ ଫଟୋରେ କ୍ଷୀର ଲାଗି କରୁଥିବା ଦେଖା ଯାଇଛି। ଭିଡିଓ ସେୟାର କରି ସୋନୁ ଲେଖିଛନ୍ତି- ଆପଣଙ୍କ ଭଲ ପାଇବା ପାଇଁ ମୁଁ ଋଣୀ। ଆପଣ ସମସ୍ତଙ୍କୁ ଅନୁରୋଧ କରୁଛି ଏହି କ୍ଷୀରକୁ କୌଣସି ଅସହାୟଙ୍କ ପାଇଁ ସୁରକ୍ଷିତ ରଖନ୍ତୁ।
Humbled ❣️
Request everyone to save milk for someone needy.🙏 https://t.co/aTGTfdD4lp— sonu sood (@SonuSood) May 24, 2021
ସୂଚନାଯୋଗ୍ୟ ଯେ ସୋନୁ ଆନ୍ଧ୍ରପ୍ରଦେଶର ଏହି ଅଞ୍ଚଳରେ ଅକ୍ସିଜେନ ପ୍ଲାଣ୍ଟ ଲଗାଇଥିଲେ। ଏଣୁ ତାଙ୍କୁ ଧନ୍ୟବାଦ ଅର୍ପଣ କରିବା ପାଇଁ ଲୋକେ ତାଙ୍କ ଫଟୋରେ କ୍ଷୀର ଅର୍ପଣ କରିଥିଲେ।
